К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • lv рʹупʹ. 222–рʹупʹ. 223 абз. 3
  • Ча Сафи кьн Wан Проблема, Чахе жь бо Хәбате йан Шьхöләки, Һәв Фәʹм Накьн

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Ча Сафи кьн Wан Проблема, Чахе жь бо Хәбате йан Шьхöләки, Һәв Фәʹм Накьн
  • «Хԝә нава Һʹәзкьрьна Хԝәдеда Хԝәй кә»
  • Т′емед Мина Wе
  • Чәтьнайед нав Һәвда бь Һʹьзкьрьн Сафи кьн
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) — 2016
  • Рʹуспино, Бәрдәԝам кьн Чʹәʹв Бьдьнә Паԝлосе Шанди
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) — 2022
«Хԝә нава Һʹәзкьрьна Хԝәдеда Хԝәй кә»
lv рʹупʹ. 222–рʹупʹ. 223 абз. 3

ӘʹЛАМӘТИЙА ЗЕДӘ

Ча Сафи кьн Wан Проблема, Чахе жь бо Хәбате йан Шьхöләки, Һәв Фәʹм Накьн

Жь 1 Корьнтʹи 6:1-8 те кʹьфше wәки Мәсиһийед Корьнтʹийе йа qьрʹна йәке, дьчунә дәргәһ-диwана чахе проблем ортʹа wан чедьбун. Ләма жи Паwлос жь бо wе йәке гәләк бәрхwәдькʹәт (Рʹеза 1). Паwлос рʹьнд да кʹьфше, кö хушк-бьра гәрәке нәчьнә диwана, ле дәwсе гәрәке дь щьватеда чәтьнайед хwә сафи кьн. Wәрән әм ньһа хәбәр дьн дәрһәqа һьнә мәʹнийа кö чьма әw ширәт һатә дайине. Öса жи әме пебьһʹәсьн, кö кʹижан дәрәщада әм дькарьн әw ширәта Паwлос һьлнәдьн һʹәсаб.

Һәрге дь щьватеда ортʹа мә у кәсәкида проблем пешда бе жь бо хәбате йан шьхöләки, әм гәрәке ль гора хwәстьна Хwәде әwе проблеме сафи кьн (Мәтʹәлок 14:12). Иса рʹьнд да кʹьфше кö әм гәрәке проблема зу сафи кьн, чьмки әw проблем дькарьн һе мәзьн бьн (Мәтта 5:23-26). Йазьх, ле һьнәка wәʹде проблемед öса рʹе нәданә һәв у һьм жи чун диwане. Паwлос гьлийе öса гот: «Wә рʹасти ве йәкеда лап дайә дәр, кö һун һәврʹа дькʹәвьнә дәргәһ-диwана». Чахе Мәсиһи «һәврʹа дькʹәвьнә дәргәһ-диwана», әw йәк дькарә хьраб һʹöкöм бә ль сәр наве щьвате у Хwәдейе мә, кʹижанирʹа кö әм хьзмәт дькьн. Ләма жи әм гәрәке ширәта Паwлос һьлдьн, йе кö öса ньвиси: «Гәло һе qәнщ нинә, кö һун бенә шеландьне [зьраре кʹәвьн]?» (Рʹеза 7).

Паwлос öса жи да кʹьфше, кö Хwәде рʹебәрийа пʹьрʹ баш дьдә щьвате кö чаwа проблема сафи кьн. Дь щьватеда һәнә рʹуспийед сәрwахт, у жь гьлийе Паwлос те кʹьфше кö рʹуспи дькарьн пьрсед хәбатева у шьхöлед дьнва гьредайи «нава бьрада сәрәдәрийе бькьн» (Рʹеза 3-5). Иса Мәсиһ нишан кьр, wәки шьхöлед кö дәрәwийева у дәлкбазийева гьредайи нә, чаwа гәрәке бенә сафикьрьне. Бәри пешьн, әwед кö нава wи шьхöлида ньн, гәрәке бьхәбьтьн кö хwәха әwе проблеме сафи кьн. Һәрге нәһатә стандьн, wи чахи гәрәке шәʹдәки йан жи дö шәʹда биньн. Һәрге ижар жи әwана ләв нәһатьн, wи чахи ида гәрәке әwи шьхöли бьдьнә дәсте рʹуспийа (Мәтта 18:15-17).

Сәва кö рʹуспи бькарьбьн пьрсед хәбатева йан жи шьхöләкива гьредайи, сафи кьн, әʹсәйи нинә кö рʹуспи йурист бьн йан жи шьхöле аршwершийе рʹьнд бьзаньбьн. Чьмки рʹуспи нә кö конкрет проблема сафи дькьн, ле әwана дьхwазьн аликʹарийе бьдьнә хушк-бьра кö принсипед Кʹьтеба Пироз бьдьнә хәбате у бь әʹдлайи һʹәму тьшти сафи кьн. Дәрәщед гәләк чәтьнда рʹуспи дькарьн аликʹарийе бьхwазьн жь бәрпьрсийаре мьһале йан жи жь филиала Шәʹдед Йаһоwа. Ле һәнә һьнә дәрәщә кʹижанада кö әм дькарьн гьлийе Паwлос һьлнәдьн һʹәсаб у һәрʹьнә диwане. Wәрә әм дәрһәqа wан дәрәща пебьһʹәсьн.

Һьнә дәрәщада qануна wе дьнйайе дәʹwа дькә кö һәрʹьнә диwане. Wан дәрәщада хушк у бьра дьчьнә диwане нә кö бона шәрʹ-дәʹwа йан бона кʹара хwә, ле сәва кö әʹдьлайи хwәй кьн. Мәсәлә тʹәне бь диwане мер-жьн дькарьн жь һәв бьqәтьн, изьне бьстиньн кö хwәйитийе зарʹа бькьн, сафи кьн кö алимент бона зарʹа wе чьqас бә, жь компанийа бехофийе һәqе хwә бьстиньн, йан жи чахе дьхwазьн пәймане чекьн кö паши мьрьне һәбун wе бьгьһижә кʹе. Дь һьнә дәрәщада Мәсиһик дьбәкә жи сафи кә щара дöда шьхöле хwә бьдә диwане, сәва кö хwә бьпарезә.a

Һәрге Мәсиһи дьчә «дәргәһ-диwана», ле тʹö кәсирʹа накʹәвә һʹöщәте, әw бь wе йәке мьqабьли ширәта Паwлос начә.b Ча жи һәбә, сәва мә пирозбуна наве Хwәде, йәкти у әʹдьлайи дь щьватеда гәрәке щийе пешьн бьгьрә. Әwед кö пәй Иса Мәсиһ дьчьн гәрәке бенә наскьрьне бь һʹьзкьрьна ортʹа һәв, чьмки «һʹьзкьрьн . . . йа хwә нагәрʹә» (1 Корьнтʹи 13:4, 5; Йуһʹәнна 13:34, 35).

a Кем щара дькарә öса бьqәwьмә кö Мәсиһик гöнәки гьран бькә һьмбәри хушк йан бьра. Мәсәлә, бькʹöтә, бькöжә, дьзикә гьран бькә, йан жи бь дәсте зоре хьраб кә. Wан дәрәщада Мәсиһи дькарә әwе йәке әʹлами qöльхкʹаред дәwләте бькә. Дьqәwьмә жь бо wе йәке wи мәрьве гöнәкʹар бьдьнә диwане, ле жь алийе принсипе Мәсиһити вьрада тьштәки нәрʹаст тʹöнә.

b Бона һе зедә әʹламәти бьньһерʹьн «Бьрща Qәрәwьлийе» йа 15 Адаре, сала 1997, ль сәр рʹупʹелед 17-22, у йа 15 Щотмәһе, сала 1991, ль сәр рʹупʹелед 25-28.

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн