5
Әʹламәтийа жь Кʹьтеба Пироз
Тʹәне изьна Йаһоԝа Хԝәде һәйә кӧ сәрԝертийе бькә. Сәрԝертийа ԝи йа һәри баш ә. Ԛьрара ԝи дәрһәԛа әʹрде у инсанәте ԝе әʹсә бе сери.
Паши 4026 Б.Д.М. «Мәʹр» сәрԝертийа Йаһоԝа у әԝ йәк кӧ әԝ ча сәрԝертийе дькә, кьрә бьн шьке. Йаһоԝа соз дьдә кӧ «зӧрʹәт» ԝе бьбә, кʹижан кӧ ахьрийеда ԝе мәʹр, демәк Шәйтʹан кʹӧта кә (Дәстпебун 3:1-5, 15, спартьн). Ле Йаһоԝа дьһелә кӧ һьнә ԝәʹдә мәрьв хԝәха рʹебәрийе хԝә бькьн, бьн һʹӧкӧме мәʹрда. |
1943 Б.Д.М. Йаһоԝа Бьраһимрʹа гот кӧ «зӧрʹәта» создайи ԝе жь рʹькʹьнийата ԝи бә (Дәстпебун 22:18). |
Паши 1070 Б.Д.М. Йаһоԝа готә Даԝьд Пʹадша у һьнә ԝәʹдә шунда кӧрʹе ԝи Сьлеманрʹа жи гот, кӧ «зӧрʹәта» создайи ԝе жь рʹькʹьнийата ԝан пешда бе (2 Самуйел 7:12, 16; 1 Пʹадшати 9:3-5; Ишайа 9:6, 7). |
29 Д.М Йаһоԝа әʹйан кьр кӧ Иса йә «зӧрʹәта» создайи, йе кӧ ԝе сәр тʹәхте Даԝьд рʹуне (Галати 3:16; Луԛа 1:31-33; 3:21, 22). |
33 Д.М. Мәʹр, демәк Шәйтʹан, сәр һьнә ԝәʹдә зийан дайә «зӧрʹәта» создайи, бь ве йәке кӧ Иса кӧшт. Йаһоԝа Иса жь мьрьне рʹакьр бона жийина ль әʹзмана. Бь сайа мьрьна ԝи, рʹькʹьнийата Адәм бахшандьне у әʹмьре һʹәта-һʹәтайе дьстинә (Дәстпебун 3:15; Кʹаред Шандийа 2:32-36; 1 Корьнтʹи 15:21, 22). |
Незики 1914 Д.М. Иса мәʹр давежә ль сәр әʹрде, у ль сәр һьнә ԝәʹдә һʹӧкӧме ԝи кем кьр (Әʹйанти 12:7-9, 12). |
Ахьрийеда Иса ԝе сәр 1 000 сали Шәйтʹан гьредә, у паше ԝи кʹӧта кә, бь симболик сәре ԝи бьһʹьнщьрʹинә. Ԛьрара Йаһоԝайә пешьн дәрһәԛа әʹрде у инсанәте ԝе бе сери. У наве ԝи жь беһӧрмәткьрьне ԝе паԛьж бә, у изьна һʹӧкӧмтийа ԝи жи избат бә (Әʹйанти 20:1-3, 10; 21:3, 4). |