Нәмә жь Кʹома Рʹебәрийе

«Гәрәке һун дәрсдар» бьн (Ибр. 5:12). Дә бьдьнә һʹәсабе хԝә, ԝәки Йаһоԝа Мамостайе һәри баш, дьхԝазә әм мәрьва һин кьн дәрһәԛа ԝи! Ԛәдьр у щабдарикә гәләк мәзьн ә, гава әм малбәтеда, щьватеда у ԝәʹде хьзмәте, дәрһәԛа Йаһоԝа рʹастийе мәрьва һин дькьн. Ле ча әм дькарьн һинкьрьнеда щерʹьбанди бьн у сәрфьраз бьн?

Щаба ве пьрсе әм дьвиньн гьлийе Паԝлосе шандида кӧ әԝи Тимотʹейорʹа ньвиси: «Хԝә бьдә ԝе йәке, кӧ щьмә′тер′а ньвисаред пироз бьхуни, ширәт ки, һин ки». Паԝлос бәрдәԝам дькә: «Бь ви тьһәри те хԝә жи хьлаз ки у ԝан жи, к′ижанед гӧһдарийа тә дькьн» (1 Тим. 4:13, 16). Бәле, тӧ гәрәке мьзгинийе бәла ки, кʹижан кӧ жийине хьлаз дькә. Ләма жи гәләк фәрз ә, әм бьхәбьтьн сәва кӧ хԝәндьнеда у һинкьрьнеда щерʹьбанди бьн. Һәма нета ве брошуре жи әԝ ә, кӧ ве йәкеда али мә бькә. Кʹа әм дина хԝә бьдьнә ве брошуре:

Сәр һәр рʹупʹеләке һәйә рʹезәк, әв йан принсипа Кʹьтеба Пироз ә кӧ тʹема һинбунева гьредайи йә, йан жи мәсәлә йә, кӧ нишан дькә, ԝәки чаԝа дәрса һинбуне бьди хәбате.

Йаһоԝа Мамостайе Мәзьн ә (Иш. 30:20). Әв брошур ԝе али тә бькә фәрәсәтед хԝә даһа баш ки, кӧ хԝәндьн у һинкьрьнеда һостә би. Тʹӧ щар бир нәкә кӧ Йаһоԝа һәйә канийа ԝе мьзгинийе, кʹижан кӧ әм бәла дькьн у һәма Әԝ мәрийа дькʹшинә бәрбь хԝә (Йн. 6:44). Хенщи ԝе йәке дӧа бькә, ԝәки Хԝәде рʹӧһʹе хԝәйи пироз бьдә тә. Һәр гав Хәбәра Хԝәде бьдә хәбате. Тʹьме дина мәрийа дәрбази сәр Йаһоԝа кә, нә кӧ сәр хԝә. Бьхәбьтә кӧ бал гӧһдара, һʹьзкьрьн һьндава Йаһоԝа, пешда бини.

Тӧ һати тʹәглифкьрьне, ԝәки мьзгинийа гьринг бәла ки. Әм баԝәр ьн кӧ һʹәта тӧ ԛәԝата Хԝәдева гьредайи би, те сәрфьраз би (1 Пт. 4:11).

Һәвалдәрсдаред тә,

Кʹома Рʹебәрийе йа Шәʹдед Йаһоԝа