Әм Ча Дькарьн Бәр Чʹәʹве Хԝәде Тʹәмьзайе Хԝәй кьн?

Бьдьнә бәр чʹәʹве хԝә, ԝәки де кӧрʹе хԝәйи бьчʹук бона мәкʹтәбе һазьр дькә. Әԝ баԝәр ә ԝәки сәре кӧрʹ шушти йә у кʹьнще ԝи жи тʹәрбәт у тʹәмьзьн. Тʹәмьзайи сьһʹәт-ԛәԝата зарʹе хԝәй дькә у мәрьвед дәр-доррʹа дьдә кʹьфше, ԝәки де-баве ԝи рʹьнд мьԛати ԝи дьбьн. Анәгори ԝе йәке Йаһоԝа, Баве мәйи һʹьзкьри жи дьхԝазә, ԝәки әм тʹәмьзайа физики у нав-намусийе хԝәй кьн. Тʹәмьзайи һьм кʹаре дьдә мә у һьм жи һӧрмәт-рʹумәте дьдә Йаһоԝа.

1. Әм ча дькарьн тʹәмьзайа физики хԝәй кьн?

Йаһоԝа мәрʹа дьбежә: «Пироз бьн» (1 Пәтрус 1:16). Пирози тʹәмьзайа физикива у нав-намусийева гьредайи йә. Әм дькарьн тʹәмьзайа физики хԝәй кьн һәрге тʹьме сәре хԝә бьшон у ӧса жи кʹьнщ, мал у әʹрәба хԝә жи тʹәрбәт у тʹәмьз хԝәй кьн. Әм ӧса жи дькарьн аликʹарийе бьдьн бона хԝәйкьрьна тʹәмьзайа Одед Щьвата. Бь хԝәйкьрьна тʹәмьзайа физики әм Йаһоԝа рʹумәт дькьн (2 Корьнтʹи 6:3, 4).

2. Әм гәрәке кʹижан хәйсәта жь хԝә дур хьн, ԝәки тʹәмьз бенә һʹәсабе?

Кʹьтеба Пироз мә һелан дькә, ԝәки «хԝә жь һʹәму кʹьретийа ԛальб у рʹӧһʹе хԝә паԛьж кьн» (2 Корьнтʹи 7:1). Әв те һʹәсабе, ԝәки әм гәрәке тʹәрка һәр тьшти бьдьн чь кӧ зийане дьдә бәдән у һʹьше мә. Фькьред мә гәрәке Йаһоԝа хԝәш бен, ләма жи лазьм ә ԛәԝате бьдьнә хәбате, сәва кӧ фькьред нәщайиз жь һʹьше хԝә дәрхьн (Зәбур 104:34). Әм ӧса жи зар-зьмане хԝә тʹәмьз хԝәй дькьн (Бьхунә Колоси 3:8.)

Диса чь дькарә алийе физики у нав-намусийеда, мә бьһʹәрʹьминә? Һьнә тьшт дькарьн зийане бьдьнә бәдәна мә у мә бьһʹәрʹьминьн. Ләма жи әм хԝә дур дьгьрьн жь тʹьтʹуне, щутьна бәлге кьркьрке, у хәбьтандьна наркотикайе бона ԝәʹдәдәрбазкьрьне. Бь ви щурʹәйи әм сьһʹәт-ԛәԝата хԝә хԝәй дькьн у ԛәдьр һьндава пʹешкʹеша жийине дьдьнә кʹьфше. Әм ӧса жи ԛәԝате дьдьнә хәбате ԝәки нав намусийеда тʹәмьз бьн, ләма жи әм хԝә дур дьгьрьн жь кьред ӧса һʹәрам, ча мастурбасийа у порнографийа (Зәбур 119:37; Әфәси 5:5). Дьбәкә чәтьн бә тʹәрка ԝан тьшта бьди, ле Йаһоԝа ве йәкеда дькарә али тә бькә (Бьхунә Ишайа 41:13.)

КʹУР ЛЕКОЛИН КӘ

3. Тʹәмьзайа физики һӧрмәте дьдә Йаһоԝа

Чахе әм дәрһәԛа ԛанунед Йаһоԝа дьхуньн, кʹижан кӧ әԝи дабу Исраелийа, әм педьһʹәсьн кӧ бона ԝи чьԛас фәрз ә, ԝәки щьмәʹта ԝи тʹәмьз бә. Бьхунә Дәркʹәтьн 19:10 у 30:17-19, у паше ван пьрса шеԝьр кә:

• Әв рʹез чь мәрʹа әʹйан дькьн дәрһәԛа ньһерʹандьна Йаһоԝа, сәр тʹәмьзайа физики?

• Кʹижан хәйсәт-һʹӧнӧред баш дькарьн али тә бькьн, кӧ тʹәмьзайа физики хԝәй ки?

Ԝәʹдә у ԛәԝат лазьм ә сәва кӧ тʹәмьзайа физики хԝәй кьн. Фьрԛи тʹӧнә әм кʹидәре дьжин, дәԝләти нә йан кʹәсиб ьн, әм диса жи дькарьн тʹәмьзайе хԝәй кьн. Вехә ВИДЕО, у паше әве пьрсе шеԝьр кә:

ВИДЕО: «Хԝәде Мәрьвед Тʹәмьз Һʹьз Дькә» (4:10)

• Чь щурʹәйи тʹәрбәти у тʹәмьзайа мә, ԛимәта шьхӧле бәлакьрьна мьзгинийе бьльнд дькә?

4. Тʹәрка хәйсәтед хьраб бьдә

Һәрге тӧ тьштед наркотики дькʹьшини йан жи щарна бона кʹефа хԝә дьди хәбате, дьбәкә тӧ зани чьԛас чәтьн ә тʹәрка ви хәйсәти бьди. Ле гәло чь дькарә али тә бькә? Пебьһʹәсә кӧ чаԝа әв хәйсәт дькарә сәр тә һʹӧкӧм бә. Бьхунә Мәтта 22:37-39, у паше шеԝьр кә, чаԝа тʹутун у хәбьтандьна наркотикайе, дькарә һʹӧкӧм бә сәр . . .

• достийа мә тʹәви Йаһоԝа

• һәләԛәтийа мә тʹәви малбәта мә у мәрьвед дәр-дор.

Нете дайнә пешийа хԝә, ԝәки тʹәрка тьштед хьраб бьди.a Вехә ВИДЕО.

ВИДЕО: «Хԝәгьртьне нав Хԝәда Пешда Биньн» (2:47)

Бьхунә Филипи 4:13, у паше әве пьрсе шеԝьр кә:

• Чаԝа дӧа, һинбуна Кʹьтеба Пироз у щьват, дькарьн ԛәԝате бьдьнә мерьв, ԝәки тʹәрка хәйсәте хьраб бьдә?

5. Мьԛабьли фькьр у кьред нәтʹәмьз бә

Бьхунә Колоси 3:5, у паше ван пьрса шеԝьр кә:

• Жь чь те кʹьфше ԝәки порнографийа, секстинг у мастурбасийа бәр чʹәʹве Йаһоԝа һʹәрам ьн?

• Гәло бь билани йә кӧ Йаһоԝа жь мә дәʹԝа дькә, ԝәки нав-намус бьн? Чьма ӧса дьфькьри?

Пебьһʹәсә ча тӧ дькари фькьред нәрʹаст жь һʹьше хԝә дәрхи. Вехә ВИДЕО.

ВИДЕО: «Ԛәԝате Бьдә Хәбате ԝәки Тʹәмьзайе Хԝәй ки» (1:51)

Иса бь мәсәле да кʹьфше ԝәки әм гәрәке сәр хԝә бьхәбьтьн, кӧ һʹьше хԝә жь фькьред хьраб, тʹәмьз хԝәй кьн. Бьхунә Мәтта 5:29, 30, у паше әве пьрсе шеԝьр кә:

• Рʹаст ә Иса нәдьхԝәст бьгота кӧ әм гәрәке зийане бьдьнә бәдәна хԝә, ле әԝи да кʹьфше ԝәки әм гәрәке һәр тьшти жь алийе хԝәда бькьн, сәва кӧ һʹьше хԝә тʹәмьз хԝәй кьн. Ле мәрьв чь дькарә бькә, ԝәки хԝә жь фькьред нәтʹәмьз дур бьгьрә?b

Йаһоԝа гәләк дьшекьринә әԝ ԛәԝата кӧ тӧ дьди хәбате, сәва тʹәрка фькьред нәтʹәмьз бьди. Бьхунә Зәбур 103:13, 14, у паше әве пьрсе шеԝьр кә:

• Әв рʹез ча дькарә һелане бьдә тә, ԝәки нәсәкьни ле бәрдәԝам ки мьԛабьли хәйсәтед нәтʹәмьз шәрʹ бьки?

Ԛәԝи бә у ԛьдум нәкʹәвә!

Дьбәкә тӧ бьфькьри: «Бал мьн найе стандьне, бадиһәԝа йә диса тьштәки бькьм». Ле һәла дәрһәԛа ве йәке бьфькьрә: Рʹаст ә мәрьве кӧ ләщмәйданеда дьрʹәвә, дькарә бьшьмьтә у бькʹәвә, әв найе һʹәсабе ԝәки ве ләщеда әԝи да дәр. Әв нәжи те һʹәсабе кӧ әԝ гәрәке вәгәрʹә у рʹәва хԝә серида дәстпекә. Анәгори ве йәке, һәрге серида тьштәк бал тә нәһатә стандьн, әв йәк найе һʹәсабе ԝәки тә да дәр у ида тӧйе нькарьби тʹәрка хәйсәте хьраб бьди. Әв нормал ә һәрге щарна бал тә тьштәк найе стандьн. Бир нәкә, әв пʹарәкә шәрʹе тә йә, кʹижанеда тӧ дькари сәркʹәви. Ԛәԝи бә у хԝә сьст нәкә! Бь аликʹарийа Йаһоԝа тӧ дькари сәркʹәви у тʹәрка хәйсәтед хьраб бьди.

ТʹӘМАМКЬРЬН

Чахе әм бәдән, һʹьш у рʹабун-рʹуньштьна хԝә тʹәмьз хԝәй дькьн, ӧса әм дьле Йаһоԝа ша дькьн.

Ԝәкʹьландьн

• Чьма фәрз ә тʹәмьзайе хԝәй ки?

• Тӧ ча дькари тʹәмьзайа физики хԝәй ки?

• Тӧ ча дькари фькьр у рʹабун- рʹуньштьна хԝә тʹәмьз хԝәй ки?

ҺЕ ЗЕДӘ ПЕБЬҺʹӘСӘ

Һәрге тӧ дәсттәнг би жи, кʹижан һьнә тьшта дькари бьки, ԝәки тʹәмьзайа физики хԝәй ки?

«Сьһʹәт-Ԛәԝат у Тʹәмьзайи: Дәстшуштьн» (3:01)

Һьнә ширәтед керһати пебьһʹәсә, кӧ ча тʹәрка щьхаре бьди.

«Ча Тʹәрка Щьхаре Бьдьн» («Һʹьшйар Бьн!», Гӧлан, 2010)

Пебьһʹәсә кӧ порнографийа ча сәр мәрьва һʹӧкӧм дьбә.

«Порнографийа Зийане Тинә йан на?» («Бьрща Ԛәрәԝьлийе», 1 Тʹәбахе, 2013)

Пебьһʹәсә кӧ чь али мәрьвәки кьр, ԝәки порнографийайе нәньһерʹә.

«Пешийа кӧ Сәрфьраз бьм, Мьн Гәләк Щара Дьда Дәр» («Бьрща Ԛәрәԝьлийе» № 4, 2016)