Wә Заньбу?

Кʹи бу баве Усьв?

Усьв нәщаре Ньсрәте бу у әw ча бежи зьрбаве Иса бу. Ле гәло баве Усьв кʹи бу? Мәттайе Ньвискʹар дьбежә wәки Аqуб ә, ле Луqа дьбежә wәки Усьв кöрʹе «Әʹли» бу. Гәло чьма фьрqийа öса мәзьн һәйә? (Луqа 3:23; Мәтта 1:16).

Кʹьтеба Мәттада ньвисар ә: «Аqубрʹа Усьв бу». Вьра гьли-готьне Ибранийа һатийә хәбьтандьне, чь кö әʹшкәрә дьдә кʹьфше wәки Аqуб бь рʹасти баве Усьв бу. Демәк Мәтта ньвиси дәрһәqа рʹькʹьнийата Усьвә рʹаст. Әw рʹькʹьнийат жь хәза Даwьд дьһат, жь кʹижани кö тʹәхте пʹадшатийе гәрәке дәрбази Иса буйа, йе кö кöрʹе Усьве нәһәлал бу.

Ле дь кʹьтеба Луqада дәрһәqа Усьв öса ньвисар ә: «Усьве Әʹли». Хәбәра «Усьве» дькарә бе фәʹмкьрьне ча «зәве wи». Анәгори wе йәке, дь Луqа 3:27-да ньвисар ә «Шалтийеле Нәри», ле бь рʹасти рʹезед дьнда те готьне wәки баве wийи рʹаст, Йәхонйа бу (1 Дирок 3:17; Мәтта 1:12). Шалтийел qиза Нәри стандьбу у бу зәве Нәри. Дәрһәqа Усьв жи әм дькарьн тьштед wи щурʹәйи бежьн. Демәк чахе те готьне «Усьве Әʹли», әв те һʹәсабе wәки Усьв qиза Әʹли, демәк Мәрийәм стандьбу. Жь вьр әʹйан дьбә, wәки Луqа «ль гор бәдәне» дәрһәqа рʹькʹьнйата Исайә рʹаст гьли дькә, йа кö жь алийе дийа wи Мәрийәм бу (Рʹомайи 1:3). Кʹьтеба Пироз, дәрһәqа дö рʹькʹьнйатед Иса, зәлал у фәʹмдари гьли дькә.

Wәʹде бәре, кʹижан пʹәрчә дьданә хәбате у чаwа wана рʹәнг дькьрьн?

Бәре һьрийа пез, чаwа һьрийа дәва у муйе бьзьна, ль Рʹоһьлата Навинда гәләк бәлабуй бу у wана сәва чекьрьна пʹәрчә дьданә хәбате. Жь wана лапи бәлабуйи пʹәрчед һьри бун. Öса жи Кʹьтеба Пирозда гәләк щара те готьне дәрһәqа пез, мәсәлә чаwа пәз дьбьрин у дәрһәqа кʹьнщед һьри (1 Самуйел 25:2; 2 Пʹадшати 3:4; Ибо 31:20). Кʹьтан дьданә хәбате сәва нәqьшандьне. Әв дь Мьсьреда у Исраеледа шин дьбу (Дәстпебун 41:42; Йешу 2:6). Дьqәwьмә Исраелийед бәре пәмбу нәдьчандьн, ле Ньвисаред Пироз дьбежә кö дь Фарьседа пәмбу гәләк баш дьданә хәбате (Әстәр 1:6). Пʹәрче һәвьрмьш гәләк qимәт бу у тʹәне базьргана дькарьбун жь Рʹоһьлата Дур бьанийана (Әʹйанти 18:11, 12).

Кʹьтебәкеда йа бь наве «Иса у Хәбәра Wи» öса те готьне: «Һьрийед бь щурʹә-щурʹә рʹәнга һәбун, дәстпебуйи жь рәнга сьпи һʹәта рʹәʹш. Хенщи wе йәке һьри гәләк щара рʹәнг дькьрьн. Мәсәлә рʹәнге пʹәрчед ширк, жь щурʹәк кʹезькед бәʹре чедькьрьн. Сәва кö рʹәнгед сор, зәʹр, шин у рʹәʹш чекьн, щурʹә-щурʹә шинкайи, кʹок у бәлгед шинкайа дьданә хәбате, öса жи кʹезьк.