Гәло Дьбә Wәки Дьнйа бе Зöлми бә?

ЗÖЛМИЙА МАЛБӘТЕ У ЙА СЕКСУАЛ: Ль гора һʹәсабе Мьләтед Йәкбуйи, «жь се кʹöлфәта йәк, жийина хwәда рʹасти зöлмийа физики йан сексуали те жь алийе рʹеһәвалда». Йазьх, «ньһа ль тʹәмамийа дьнйайе жь пенщ кʹöлфәта йәк дькарә бькʹәвә бьн зöлмийа öса: мәсәлә хьрабкьрьн».

КРИМИНАЛ: Ль гора һʹәсабе, дь Wәлатед Йәкбуйида, wәкә 30 000 зедәтьр кʹомед qачаха, зöлмийе дькьн. Дь Америкайа Латинида, жь 3 мәрьва 1, бо криминале зийане дькʹәвә.

КÖШТЬН: Чаwа кö һатьбу кʹьфшкьрьне дь сала 2012-да, wәкә нив милион мәрьв һатьнә кöштьне. Дь шәрʹада һаqас мәрьв нәһатьнә кöштьне. Һьмбәри wәлатед дьн, дь Африкайа Башуреда у Америкайа Навинда, чар щар һе зедә мәрьв тенә кöштьне. 100 000 мәрьва зедәтьр дь Америкайа Латинида һатьбун кöштьне, у незики 50 000 жи дь Бразилйайеда. Гәло сафикьрьна ве проблеме дькарә бе дитьне?

ГӘЛО ДЬКАРЬН ЗÖЛМИЙЕ БЬДЬНӘ СӘКЬНАНДЬНЕ?

Гәло чьма зöлми öса бәла буйә? Гәләк мәʹни һәнә, мәсәлә: стрес жь бо фьрqийа мәзьн дь сосийаледа у аборийеда, зöлми һьндава зарʹа жь бо гәләк ичʹкәвәхwарьн у наркотикайе, öса жи нәфрʹәткьрьн у һʹәвсуди. Диса жи мәни әw ә, кö һьнә мәрьвед зöлм найенә щәзакьрьне.

Ле дь һьнә щийада ида дьхәбьтьн, сәва кö зöлмийе бьдьнә сәкьнандьне. Дь Бразилийайеда, шәһәре Сао Пауло, кʹидәре кö гәләк мәрьв дьжин, дәһә салед дәрбазбуйида, һәжмара кöштьне wәкә 80 сәләфи кем бу. Дь ви шәһәрида һʹәму щурʹә зöлми диса һәнә, у жь 100 000 мәрьва 10 тенә кöштьне. Ле чь гәрәке бе кьрьне, сәва кö зöлми педа бе сәкьнандьне?

Сафикьрьна баш әw ә, кö мәрьв гәрәке ньһерʹандьн у рʹабун-рʹуньштандьна хwә бьгöһезьн. Мәрьвед зöлм гәрәке хәйсәтед öса нав хwәда бьгöһезьн, ча бабахи, тьмати у хwәһʹьзи. У дәwсе әwана гәрәке һʹьзкьрьна хwә пешда биньн, qәдьре мәрийа бьгьрьн у бона wан хәм бькьн.

Гәло чь гәрәке мәрьва һелан кә, сәва кö нав хwәда гöһастьнед öса мәзьн бькьн? Һәла бьфькьрьн дәрһәqа wе йәке, чь кö Кʹьтеба Пироз һин дькә:

• «Чьмки бь ве йәке әм һʹьзкьрьна хwә һьндава Хwәдеда дьдьнә кʹьфше, гава әм тʹәмийед wи дьqәдиньн» (1 Йуһʹәнна 5:3).

• «Әwе кö жь Йаһоwа дьтьрсә, зöлмийе нәфрʹәт дькә»a (Мәтʹәлок 8:13, ДТʹ).

Һʹьзкьрьн һьндава Хwәдеда, у тьрса кö дьле wи нәешиньн, дькарә мәрьвед зöлм һелан кә, кö жийина хwә педа бьгöһезьн. Гәло әв йәк бь рʹасти öса нә?

Wәрен әм бьньһерʹьн мәсәла Алекс,b йе кö жь бо qачахбуне, 19 сала дь кәла Бразьлйайеда рʹуньштьбу. Әwи дәстпекьр тʹәви Шәʹдед Йаһоwа Кʹьтеба Пироз һин бә у дь сала 2 000-да бу Шәʹде Йаһоwа. Әwи бь рʹасти рʹабун-рʹуньштандьна хwәйә зöлм педа гöһаст? Бәле, у Алекс гәләк пʹошман дьбә жь бо һʹәму шьхöлед хьраб кö әwи дькьр. Әw дьбежә: «Мьн Хwәде һʹьз кьр, йе кö мьнрʹа да кʹьфше, кö бь дьловани бахшандийә мьн. Рʹазибун у һʹьзкьрьн һьндава Йаһоwа, али мьн кьрьн жийина хwә бьгöһезьм».

Сәзар, жь Бразилийе пе силһʹа qачахти дькьр. Әwи 15 сала һәма ви щурʹәйи дьжит. Ле чь wи һелан кьр кö бе гöһастьне? Чахе әw дь кәледа бу, әw тʹәви Шәʹдед Йаһоwа текли бу у һинбуна Кʹьтеба Пироз дәстпекьр. Сәзар дьбежә: «Тʹәзә мьн нета жийине дит. Әз һин бум Хwәде һʹьз бькьм у тьрса Хwәде кʹәтә дьле мьн. Әве тьрсе әз һелан кьрьм шьхöлед хwәйи хьраб бьһельм, чь кö дьле Йаһоwа дешанд. Мьн дьхwәст шькьрдарийа хwә һьндава Йаһоwа бьдьмә кʹьфше. Һәма әве һʹьзкьрьн у тьрсе әз һелан кьрьм жийина хwә бьгöһезьм».

Жь wан мәсәла чь те кʹьфше? Wәки qәwата Кʹьтеба Пироз дьгьһиже кö жийина мәрьва педа бьгöһезә, һәла ньһерʹандьна wана жи дьгöһезә (Әфәси 4:23). Алекс, дәрһәqа кʹижани кö мә жоре гьли дькьр, дьбежә: «Чь кö әз жь Кʹьтеба Пироз пеһʹәсийам, сәва мьн мина ава тʹәмьз бу, кʹижан кö һʹьше мьн жь фькьред хьраб тʹәмьз кьр. Әве тьштед öса тʹәмьз кьр, чь кö әз бәре qә нәдьфькьрим жи кö әзе бькарьбьм жь ве йәке тʹәмьз бьм». Бәле, чахе әм һʹьше хwә бь әʹламәтийа тʹәмьзә жь Кʹьтеба Пироз тʹьжә дькьн, әв йәк фькьред хьраб жь мә дур дьхә. Демәк Хәбәра Хwәде дькарә мә паqьж кә (Әфәси 5:26). Чаwа һатә кʹьфше мәрьвед зöлм у хwәһʹьз дькарьн жийина хwә бьгöһезьн у бьбьнә мәрьвнә qәнщ у әʹдьлайиһʹьз (Рʹомайи 12:18). Чахе әв мәрьв принсипед Кʹьтеба Пироз дьдьнә хәбате, бь wе йәке жийина wан баш у бь әʹдьлайи дәрбаз дьбә (Ишайа 48:18).

Дь 240 wәлатада, 8 милйона зедәтьр Шәʹдед Йаһоwа кʹьлита сафикьрьна зöлмийе дитьнә. Мәрьвед жь һʹәму мьләта, у фьрqи тʹьнә дәwләти нә йан кʹәсиб, һин бун Хwәде һʹьз бькьн. Wана öса жи мәрьвед дьн һʹьз кьрьн у чаwа малбәта һʹәмдьнйайе, әʹдьлайеда дьжин (1 Пәтрус 4:8). Әв йәк рʹасти жи избаткьрьнәкә мәзьн ә, кö нишан дькә, wәки дьнйа бе зöлми дькарә һәбә.

ДЬНЙАКӘ БЕ ЗÖЛМ ИДА НЕЗИК Ә!

Кʹьтеба Пироз соз дьдә кö Хwәде wе зутьрәке әʹрде жь зöлмийе паqьж кә. Әв дьнйа тʹәви шьхöле хwәйи зöлм «бона Рʹожа Ахрәте тенә һьштьне, кʹижанеда мәрьвед нәпʹак wе öнда бьн һәрʹьн» (2 Пәтрус 3:5-7). Ида жь бо мәрьвед зöлм, йед дьн wе нәчәрчьрьн. Жь кʹö әм заньн, wәки Хwәде дьхwазә зöлмийе педа бьдә сәкьнандьне?

Кʹьтеба Пироз дьбежә: Хwәде «жь кәсен хьраб у йен кö зордарийе һʹәз дькьн, нәфрʹәте дькә» (Зәбур 11:5, ДО). Әʹфьрандаре мә, әʹдьлайе у һәqийе һʹьз дькә (Зәбур 33:5; 37:28). Ләма жи әw һʹәта-һʹәтайе wе мәрьвед зöлм тәйах нәкә.

Бәле, дьнйа тʹәзә кö wе бь әʹдьлйайе тʹьжә бә, ида незик ә (Зәбур 37:11; 72:14). Һун дькарьн һе зедә пебьһʹәсьн, wәки чь лазьм ә диса бькьн сәва кö бьжин дьнийакә бе зöлмда?