К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • wp16 № 5 рʹупʹ. 6–8
  • Бәрдьли Wәʹде Чәтьнайа

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Бәрдьли Wәʹде Чәтьнайа
  • Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
  • Бьнсәри
  • Т′емед Мина Wе
  • ЧАХЕ БЕ ХӘБАТ ДЬМЬНИ
  • ЧАХЕ ЖЬ ҺӘВ ДЬQӘТЬН
  • ЧАХЕ НӘХWАШ ДЬКʹӘВЬН У КАЛ-ПИР ДЬБЬН
  • ЧАХЕ МӘРЬВЕД ХWӘЙӘ НЕЗИК ÖНДА ДЬКЬН
  • Һәмуйарʹа Бәрдьли Лазьм ә
    Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
  • Чь Щурʹәйи Хwәде Бәрдьлийе Дьдә
    Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
  • Дӧа—Әԝ Чь Кʹаре Дькарә Бьдә Тә
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә — 2015
  • Чаԝа Дӧа Дькарә Али Тә Бькә
    Бьрща Ԛәрәԝьлийе Дәрһәԛа Падшатийа Йаһоԝа Әʹлам Дькә (Бона Бәлакьрьне) — 2021
Һе Зедә Бьньһер′ә
Дәрһәqа Падшатийа Йаһоwа Әʹлам Дькә (Бона Бәлакьрьне) — 2016
wp16 № 5 рʹупʹ. 6–8

ТʹЕМА РʹУЙЕ ЖУРНАЛЕ | БӘРДЬЛИ У АЛИКʹАРИ WӘʹДЕ ЧӘТЬНАЙА

Бәрдьли Wәʹде Чәтьнайа

Щурʹә-щурʹә чәтьнайи һәнә. Әм нькарьн дәрһәqа wан һʹәмуйа хәбәр дьн, ле wәрен әм дина хwә бьдьнә wан чар дәрәща, дәрһәqа кʹижана кö мә ида хәбәр да. Әме ньһа пебьһʹәсьн wәки чаwа һьнә мәрьв wан дәрәщед чәтьнда карьбун бәрдьлийе жь Хwәде бьстиньн.

ЧАХЕ БЕ ХӘБАТ ДЬМЬНИ

Йонатʹан пʹәнщәре дьшо

«Әз һин бум һʹәму щурʹә хәбатрʹа рʹази бьм у мә тʹәне әw тьшт дькʹьри, чь кö рʹасти жи мәрʹа лазьм бун» Йонатʹан.

Мерәки бь наве Сетa дькә бира хwә: «Мьн тʹәви жьна хwә Прискила, wәʹдәкида хәбата хwә öнда кьр. Дö сала мәрьвед мә аликаʹри дьданә мә, у мә жи щурʹә-щурʹә хәбат дькьр. Жь бо wе дәрәще, жьна мьн гәләк дьлтәнг дьбу у мьн хwә бекер тʹәхмин дькьр.

«Ле мә карьбу тәйах кьн бәр ве чәтьнайе. Прискиллайе һәргав дькьрә бира хwә гьлийе Иса жь Мәтта 6:34, кʹидәре кö Иса дьбежә wәки әм бона рʹожа сьбе хәма нәкьн, чьмки хәме һәр рʹожәки һәнә. У чахе жьна мьн бь дьл у щан дöа дькьр, әв йәк ле qәwи дькьр. Ле бона мьн Зәбура 55:22 аликʹари бу. Анәгори зәбурбеж, мьн баре хwә да дәсте Йаһоwа Хwәде, у әз жи qәwи бум. Ньһа хәбата мьн һәйә, ле әм диса жи ль гора ширәта Иса дьжин йе кö Мәтта 6:20-22-да ньвисар ә. Хенщи wе йәкә әм һе незики Хwәде бун у һәврʹа жи даһа незик бун».

Мәрьвәки бь наве Йонатʹан дьбьжә: «Чахе бизнеса малбәта мә һатә дадане, әз гәләк тьрсийам сәва ахьрийа малбәта хwә. Мьн wәкә 20 сала әв хәбат дькьр, у жь бо кризиса аборийе әв хәбат бекер бу. Мьн тʹәви жьна хwә дәстпекьр сәва пʹәра шәрʹа бькьн. Мә нә жи дькарьбу тьштәк бь кредит һьлда, чьмки дьфькьрин кö wе кредит нәдьнә мә.

«Ле Хәбәра Хwәде у рʹöһʹе wийи пироз, али мә кьр сафикьрьна баш бькьн. Әз һин бум һʹәму щурʹә хәбатрʹа рʹази бьм у мә тʹәне әw тьшт дькʹьри, чь кö рʹасти жи мәрʹа лазьм бун. Мә öса жи аликʹари дьстанд жь хушк-бьред мәйи щьвате, демәк жь Шʹәдед Йаһоwа. Әwана али мә кьрьн, сәва кö әм qәдьре хwә öнда нәкьн, у аликʹарийа мәзьн дьдан һәла һе wәʹде чәтьнда жи».

ЧАХЕ ЖЬ ҺӘВ ДЬQӘТЬН

Ракел тинә бира хwә: «Чахе мере мьн ньшкева әз һиштьм, әз гәләк дьлтәнг бум у һерса мьн рʹадьбу. Әв йәк мьрʹа бу дәрдәки гьран. Ле мьн хwә ль Хwәде дьгьрт, у Әwи бәрдьли да мьн. Чахе мьн һәр рʹож дöа дькьр, мьн тʹәхмин дькьр кö әʹдьлайа жь Хwәде дьле мьн хwәй дькә. Мьрʹа öса дьһатә кʹьфше, кö те бежи Йаһоwа дьле мьни шькәсти qәнщ кьр.

«У бь сайа Хәбәра wи, демәк Кʹьтеба Пироз, мьн карьбу һерс у хәйда хwә дахьм. Мьн гöһ да гьлийе Паwлосе шанди, йед кö Рʹомайи 12:21-да ньвисар ьн: ‹Нәһелә хьраби сәр тә кʹәвә, ле бь qәнщийе тö сәр хьрабийе кʹәвә›.

Ракел, кʹöлфәтерʹа рʹеза жь Кʹьтеба Пироз нишан дькә

«Ньһа ида wәʹдә йә һини дәрәще хwә бьм. . . . Ньһа әз ида дина хwә надьмә проблемед хwә у шабуна хwә öнда накьм» Ракел.

«Һәваләки мьн али мьн кьр wәки әз хwә qайим бьгьрьм. Әwи мьнрʹа нишан кьр Wаиз 3:6 у бь нәрми готә мьн, кö ньһа ида wәʹдә йә һини дәрәще хwә бьм. Әв йәк чәтьн бу, ле ширәта wи wәʹдәда бу. Ньһа әз ида дина хwә надьмә проблемед хwә у шабуна хwә öнда накьм».

Кʹöлфәта бь наве Елизабет дьбежә: «Чахе мер-жьн жь һәв дьqәтьн, аликʹари у пьштгьри лазьм ә. Һәваләкә мьнә баш һәр рʹож пьштгьрийа мьн дькьр. Әw тʹәви мьн дьгьрийа, әз һелан дькьрьм, у жь алийе wеда мьн һʹьзкьрьн тʹәхмин дькьр. Әwе әз нәһиштьм. Әз баwәр ьм, wәки Йаһоwа бь сайа ве һәвале, бьринед дьле мьн qәнщ кьр.

ЧАХЕ НӘХWАШ ДЬКʹӘВЬН У КАЛ-ПИР ДЬБЬН

Луйис Хwәдерʹа дöа дькә, кö qәwат бьде

«Паши дöакьрьне әз тʹәхмин дькьм, кö Хwәде бь рʹöһʹе хwә мьн qәwи дькә» Луис.

Луйис, дәрһәqа кʹижани кö мә пешда дьгот, гьран нәхwаш ә у нәхwашийа wи дьлва гьредайи йә. Жь бо ве йәке дö щара һьндьк мабу әw бьмьра. Рʹоже 16 сьһʹәта wирʹа оксижән лазьм ә, кö бькарьбә бина хwә бькʹьшинә. Әw дьбежә: «Әз һәр гав Йаһоwарʹа дöа дькьм. У паши дöакьрьне әз тʹәхмин дькьм, кö Хwәде бь рʹöһʹе хwә мьн qәwи дькә. Дöа али мьн дькә мерхас бьм у хwә qайим бьгьрьм, чьмки әз баwәр дькьм кö Хwәде сәва мьн хәм дькә».

Петра кʹöлфәта кö 80 сали зедәтьр ә, дьбежә: «Әз гәләк тьшт дьхwазьм бькьм, ле нькарьм. Әз гәләк бәрхwә дькʹәвьм, кö qәwата мьн кем дьбә. Әз öса сьст ьм, кö дәрманава гьредайи мә. Гәләк щара әз дьфькьрьм сәр гьлийе Иса, йе кö готьбу Баве хwә кö һәрге дьбә, бьра әв щәфа сәр wирʹа дәрбаз бә. Йаһоwа Иса qәwи кьр, у мьн жи qәwи дькә. Дöа сәва мьн ча дәрмане һәррʹожи йә. Чахе әз тʹәви Хwәде хәбәр дьдьм, паше әз ида хwә даһа баш тʹәхмин дькьм» (Мәтта 26:39).

Һулийан, wәкә 30 сала бь нәхwәшикә гьран нәхwәш ә. Әw öса дьбежә: «Мьн хәбатеда щийе бьльнд дьгьрт, ле ньһа щийе мьн ль сәр кʹöрсийе йә, кö сәва мәрьвед сәqәт ә. Ле жийина мьнда шабун йәкә һәйә, чьмки әз аликʹарийе дьдьм мәрьвед дьн у мьзгинийе бәла дькьм. Чахе әз мәрийарʹа мьзгинийе бәла дькьм, чәтьнайед мьн сьвьк дьбьн, чьмки Йаһоwа чаwа кö соз дабу, wәʹде чәтьнайа мә qәwи дькә. Wәк Паwлосе шанди, әз бь рʹасти дькарьм бежьм: ‹Әз һәр тьшти бь сайа wи дькарьм, йе кö qәwате дьдә мьн›» (Филипи 4:13).

ЧАХЕ МӘРЬВЕД ХWӘЙӘ НЕЗИК ÖНДА ДЬКЬН

Мерәки бь наве Антонйо дьбежә: «Баве мьн архайин рʹерʹа дәрбаз дьбу, у ньшкева кʹәтә qәзийе. Пешийе мьн әв йәк qә баwәр нәдькьр. Әw wәкә 5 рʹожа комайеда бу, у мьн нькарьбу аликʹари бьдайе. У хьлазийе баве мьн мьр. Мьн хwә дьгьрт, сәва кö бәр дийа хwә нәгьрим, ле чахе әз тʹәне дьмам, әз кʹәлә-кʹәл дьгьрийам. У мьн пьрс дьда хwә: ‹Гәло чьма? Чьма?›

«Нава wан рʹожед чәтьнда, мьн рʹәща Йаһоwа дькьр кö әʹдьлайе бьдә мьн у али мьн бькә хwә бьгьрьм. Öса дьле мьн һеди-һеди һеса дьбу. Гьлийе жь Кʹьтеба Пироз дькʹәтьнә бира мьн, кö һәркәс жь мә дькарә рʹасти ‹qәwьмандьнед› хьраб бе. Әз заньм кö Хwәде хwәйе созе хwә йә, ләма жи баwәр дькьм кö әw wе баве мьн диса вәгәрʹинә жийине» (Wаиз 9:11; Йуһʹәнна 11:25; Тито 1:2).

Роберт у жьна wи шькьла дьньһерʹьн

«Рʹаст ә жь бо кʹәтьна тәйаре мә кöрʹе хwә öнда кьр, ле әме тʹö щар öнда нәкьн биранине дәрһәqа wи» Роберт.

Роберт жи, дәрһәqа кʹижани кö мә пешда хәбәр дьда, фькьред ви щурʹәйи дьбежә: «Чахе мьн тʹәви жьна хwә Марибел, Йаһоwарʹа дöа дькьр, мә әʹдьлайа Хwәде ль сәр хwә тʹәхмин дькьр, кö жь һәр һʹьш-аqьли дәрбазтьр ә. Дәрһәqа ве йәке те готьне дь Филипи 4:6, 7-да. Әв әʹдьлайи кö кʹәтә дьле мә, qәwат да мә wәки дь телевизийонеда хәбәр дьн дәрһәqа баwәрийа хwә һьндава сахкьрьне. Рʹаст ә жь бо кʹәтьна тәйаре мә кöрʹе хwә öнда кьр, ле әме тʹö щар öнда нәкьн биранине дәрһәqа wи. Әм тʹьме дина хwә дьдьнә wан wәʹда.

«Хушк-бьред щьвате готьнә мә кö wана әм телевизийонеда дитьн, wәки ча мә архайин дәрһәqа баwәрийа хwә гьли дькьр. Мә гот кö әв һʹәму тьшт бь сайа дöакьрьна гәләка бу, йед кö дәрһәqа һʹалхwәшийа мә дöа дькьрьн. Әз бь рʹасти жи баwәр дькьм, кö Йаһоwа пьштгьрийа мә дькьр бь сайа гәләк нәʹма кö мәрʹа дьшандьн у бәрдьли дьданә мә».

Жь мәсәлед жоре готи, те кʹьфше кö Хwәде дькарә бәрдьлийе бьдә мәрийа, йед кö рʹасти щурʹә-щурʹә чәтьнайа у qәзийа тен. Ле тö әве йәке баwәр дьки? Фьрqи тʹöнә тö рʹасти чь чәтьнайа бей, бьзаньбә тö дькари бәрдьлийе бьстини у Хwәде wе wәʹде чәтьнайа али тә бькә.b Ләма жи wе баш бә кö әм жь Йаһоwа аликʹарийе бьхwазьн. Чьмки әw «Хwәдейе һʹәму бәрдьлийе» йә (2 Корьнтʹи 1:3).

a Һьнә нав дь ве готареда һатьнә гöһастьне.

b Һәрге һун дьхwазьн һе незики Хwәде бьн у бәрдьлийе бьстиньн, жь кʹәрәма хwә текли бьн тʹәви Шәʹдед Йаһоwа йед кö мьһала wәда ньн, йан жи филиала wанрʹа нәма бьньвисьн.

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн