ТЕМА ЖЬ РУЙЕ ЖУРНАЛЕ | БУ ӘʹЙАН КʹИ ДЬЖИ ЛЬ ӘʹЗМАН
Гәло Кʹи Дьжи Ль Әʹзмана?
Һун ԛә дьфькьрин кʹи дьжи ль әʹзмана? Әв пьрс щәм гәләк мәрийа пешда те. Ида һʹәзар сала зедәтьр ә ча мәрьв дьхԝазьн дәрһәԛа ве йәке пебьһʹәсьн. Һьнәк дьфькьрьн ԝәки ль әʹзмана кал-баве мә дьжин у әм гәрәке ԝана һӧрмәт кьн. Йед дьн дьбежьн кӧ әʹзман щики ӧса нә, кʹидәре кӧ рʹьһʹәти у шабун ә у ԝедәре дьжин мьлийакʹәт, у мәрьвед баш кӧ мьрьн ә. Һьнәк жи дьбежьн ԝәки әʹзман ча бежи мал ә, кʹидәре кӧ бь милйона хӧдан һәнә.
Гәләк мәрьвед дьн жи дьбежьн, ԝәки әм нькарьн тʹӧ тьшти дәрһәԛа әʹзмана бьзаньбьн, чьмки тʹӧ кәс жь әʹзмана нәһатийә кӧ мәрʹа гьли кә һәла ԝедәре чь щурʹәйи йә. Ньһерʹандьна ӧса нәрʹаст ә. Чьмки Иса Мәсиһ жь әʹзмана һатьбу сәр әʹрде. Әԝи ԛьрʹна йәкеда тьште ӧса готә сәрԝеред религийайе: «Чьмки әз жь әʹзмен һатьмә хԝаре, нә кӧ хԝәстьна хԝә бькьм, ле хԝәстьна ԝи, йе кӧ әз шандьмә». Демәк Иса әʹламәтийа рʹаст дәрбази шагьртен хԝә кьр чахе гот: «Мала Баве мьнда гәләк щийед майине һәнә» (Йуһʹәнна 6:38; 14:2).
Баве Иса һәмьки Хԝәде йә наве кʹижани кӧ Йаһоԝа йә. «Мала» Йаһоԝа ль әʹзмен ә (Зәбур 83:18). Ләма жи хенщи Йаһоԝа Хԝәде у Иса Мәсиһ тʹӧ кәс нькарә дәрһәԛа әʹзмана шьроԝәкә. Әԝана хәԝн-хәйал нишани мәрьвед амьн дькьрьн, у бь ве йәке гәләк тьшт дәрһәԛа әʹзмана әʹйан дькьрьн.
Дь готара дьнда әме шеԝьр кьн, кӧ һьнә мәрьва хәԝн-хәйалед хԝәда чь дитьн. Чахе һун дина хԝә бьдьнә ԝан хәйала, бира хԝәда хԝәй кьн кӧ щийе ль әʹзмана әв тьште ӧса нинә, чь кӧ әм дькарьн бь чʹәʹве хԝә бьвиньн йан дәсте хԝә бьдьне. Ләма жи Хԝәде, әв йәк бь гьлийед чәтьн у бь зьмане әʹзмани мәрʹа шьроԝәнәкьр, чьмки мәрʹа ԝе чәтьн буйа фәʹм кьн. Дәԝсе Әԝ бь сайа хәйал у дитьнока мәрʹа әʹйан дькә, кӧ әʹзман щики чь щурʹәйи йә, сәва кӧ әм һеса фәʹм кьн. Бь аликʹарийа хәйала, һуне пебьһʹәсьн, ԝәки ль «гәләк щийед майин» ль сәр әʹзмана кʹи дьжин.