Нәтьрсә, Әзe Аликʹарийe Бьдьмә Тә!

БЬДӘ бәр чʹәʹвe хwә кö тö нивe шәвe кʹучeрʹа дьчи. Ньшкeва тö öса тʹәхмин дьки кö кәсәк пәй тә тe. Чахe тö дьсәкьни әw жи дьсәкьнә. Тö ләз дьчи әw жи ләз тe. Тö дәстпeдьки дьрʹәви у дьчи мала һәвалe хwә, кʹижан дьһа нeзик ә. Чахe һәвалe тә дәри вәдькә, тö дькʹәви һöндöрʹ, бина хwә дькʹьшини у зани кö ида бeхофийeда ни.

Дьбәкә бь рʹастийe тö нәкʹәти дәрәща öса, лe тö хәмгин дьби бона тьштeд дьн. Мәсәлә, дьбәкә тö пeшийа сьстбунeд хwә шәрʹ дьки, дьхwази алт ки, лe нькари? Дьбәкә тö бe хәбати у qәwатe хәрщ дьки хәбатe дьгәрʹи, лe нькари бьвини? Дьбәк хәмгин дьби кö кал йан пир дьби у дьтьрси кö дькарә проблeмeд сьһʹәт-qәwатeва гьрeдайи пeшда бeн? Йан жи дьбәкә тö бона тьштeд дьн хәмгин дьби?

Чь проблeмeд тә жи һәбьн, һeса йә чахe һәваләки тәйи нeзик һәйә, кʹижанирʹа кö тö дькари проблeмeд хwә гьли ки. Лe һәваләки тәйи öса һәйә? Әрe, һьлбәт һәйә! Йаһоwа йә бона тә һәвалe öса, чаwа кö бона Бьраһим бу, чаwа тe готьнe кʹьтeба Ишайа 41:8-13-да. Рʹeза 10 у 13-да Йаһоwа соз дьдә гьшка: «Тö нәтьрсә, жь бәр кö әз бь тәрʹа мә; ль дора хwә нәньһeрʹә, жь бәр кö Хwәдайe тә әз ьм; әзe тә зәхм бькьм; бәлe, әзe али тә бькьм; бәлe, әзe бь дәстe рʹастe дадийа хwә жь тәрʹа бьбьм аликʹар! . . . Жь бәр кö әз, Хwәдайe тә Хöдан, әзe бь дәстe тә йи рʹастe бьгьрьм у жь тәрʹа бьбeжьм: ‹Нәтьрсә, әзe аликʹарийe бь тәрʹа бькьм!›»

ӘЗЕ «БЬ ДӘСТЕ РʹАСТЕ» ТӘ БЬГЬРЬМ

Гәло әw гьлийeд Хwәдe мә дьлгәрм накьн? Бьдә бәр чʹәʹвe хwә Йаһоwа чь мәрʹа соз дьдә. Рʹeзeда найe готьнe кö тö тʹәви Йаһоwа рʹe дьчи у дәстe тә дәстe wида нә. Чьмки һәргe тö кʹeләка Йаһоwа рʹe бьчуйайи, әwи we бь дәстe хwәйи рʹастe, дәстe тәйи чʹәпe бьгьрта. Лe дәwсe, Йаһоwа бь дәстe хwәйи рʹастe, «дәстe тә йи рʹастe» дьгьрә, wәки тә жь чәтьнайа дәрхә. Чахe Йаһоwа дәстe тәйи рʹастe дьгьрә, әw тә qәwи дькә у дьбeжә: «Нәтьрсә, әзe аликʹарийe бь тәрʹа бькьм!»

Лe тö Йаһоwа һʹәсаб дьки ча Бавe хwәйи һʹьзкьри у Достe хwә, кʹижан кö we али тә бькә wәʹдe чәтьнайа? Йаһоwа бь рʹастийe дькʹәвә һь рʹастийe дькʹәвә хwәйи һʹьзкьри у Достe хwә, кʹижан кö we Йаһоwа дьхwазә wәки тö бьзаньби, кö әw тә наһeлә чьмки әw тә гәләк һʹьз дькә. Бь рʹастийe жи «Хwәдe һeз у сьтʹаргәһа мә йә, дь тәнгасийeда тʹьм бона аликʹарийe амадә йә» (Зәб. 46:1).

ЧАХЕ ӘМ ХWӘ НӘҺӘQ ДЬКЬН СӘВА ШАШИЙЕД ХWӘ

Һьнә мәрьв хәмгин дьбьн бона шашийeд хwәйә бәрe, у дьфькьрьн гәло Хwәдe we бьбахшинә wан. Һәргe тö жи һʹаләки öсада ни, бьфькьрә дәрһәqа Ибойe амьн, кʹижан кö гöнe хwә ани рʹуйe хwә, сәва шашийeд кö әwи щаһьлтийeда кьр (Иб. 13:26). Даwьдe зәбурбeж жи һʹаләки öсада бу у жь Йаһоwа һиви кьр: «Гöнeд мьн йeд хортанийe у сәрһьлданeд мьн бьбир нәйнә» (Зәб. 25:7, ИМ). Әм һʹәму гöнәкʹар ьн, ләма жи «һʹәмуйа гöнә кьр у нәгьһиштьнә рʹумәта Хwәдe» (Рʹом. 3:23).

Гьлийeд кʹьтeба Ишайа сәрe 41-да, һатьбун ньвисарe бона Исраeла бәрe. Гöнeд wан öса мәзьн бун, кö Йаһоwа әwана щәза кьрьн у гот кö әwана we Бабилонeда бьбьнә дил (Иша. 39:6, 7). Йаһоwа öса жи соз да, кö кʹe гöнe хwә бьдә рʹуйe хwә у пʹошман бә, әwe wан хьлаз кә у пашда вәгәрʹинә (Иша. 41:8, 9; 49:8). Рʹожа иро жи Йаһоwа дьлрʹәʹмтийe дьдә кʹьфшe һьндава wанда, кʹe пʹошман дьбә у гöнe хwә дьдә рʹуйe хwә у дьхwазә дьлe Йаһоwа ша кә (Зәб. 51:1).

Wәрә шewьр кьн мәсәла Такуйә.a Әw порнографийа дьньһeрʹи у мастурбасийа дькьр, лe гәләк дьхwәст кö әw хәйсәтeд хwәйи хьраб бьтʹәрькинә. Лe wәʹдә пәй wәʹдәрʹа әw диса у диса дькʹәтә вe тʹәлькe. Лe әwи хwә ча тʹәхмин дькьр жь бо we йәкe? «Мьн хwә гәләк ньмьз тʹәхмин дькьр, лe чахe мьн Йаһоwарʹа дöа дькьр у һиви дькьр кö бьбахшинә мьн, әwи әз жь wи һʹали дәрдьхьстьм». Лe ча? Рʹуспийeд щьвата wи жeрʹа готьбун кö һәргe хwәстьнeд wийә öса пeшда тeн, әw wанарʹа тʹeлeхә. Әwи гот: «Мьнрʹа һeса нибу wанрʹа тʹeлeхьм, лe чахe мьн wанрʹа тʹeлe дьхьст әз qәwи дьбум». Пашe рʹуспийeд щьвата Такуйe тʹәви бәрпьрсийарe мьһалe хәбәрдабун, wәки әw сәрики Такуйe хьн. Бәрпьрсийарe мьһалe гот: «Әв жь мьн нинә кö әз вьр ьм. Әва хwәстьна Йаһоwа йә. Әwи тö жьбарти кö бeм у тә qәwи кьм». Такуйә дьбeжә: «Мьн гöнә дькьр, лe йәкә Йаһоwа али мьн дькьр». Ахьрийeда Такуйә хәйсәтeд хwәйи хьраб тʹәрьканд, бу пeшәнг у ньһа әw Бәйтʹәлeда хьзмәт дькә. Йаһоwа чаwа кö али wи бьрайи кьр, we öса жи али тә бькә һәргe тö жи шашийа дьки.

ЧАХЕ ӘМ ХӘМГИН ДЬБЬН БОНА ХӘБАТЕ

Һьнә мәрьв хәмгин дьбьн, чьмки хәбата хwә öнда кьрьнә у нькарьн хwәрʹа хәбатe бьвиньн. Бьдә бәр чʹәʹвe хwә, чьqас чәтьн ә кö тö хәбатe дьгәрʹи, лe тʹö кәс тә һьлнадә сәр хәбатe. Дәрәщeд öсада һьнә мәрьв qәдьрe хwә öнда дькьн. Лe Йаһоwа ча дькарә али тә бькә? Дьбәкә әw дәрбeрʹа али тә накә кö хәбатәкә пʹак бьвини, лe әw дькарә бинә бира тә гьлийeд Даwьд: «Щьwан [щаһьл] бум, ньһа әз пир ьм, мьн нәдит кö йe рʹаст һат бәрдан, ан дундана wи парс кьр, жь бо нан» (Зәб. 37:25, ИМ). Тö чʹәʹвe Йаһоwада qимәт и, у әw «дәстe рʹастe» дьрeжи тә дькә кö һʹәму тьшт чьда жи тö һʹәwщәйи, бал тә һәбьн сәва тö бәрдәwам ки wирʹа хьзмәт ки.

Сәра, кʹижан кö Колумбйайeда дьжи, хwәха избат бу кö Йаһоwа али we кьр. Хәбата we рʹьнд бу у пʹәрe рʹьнд жи дьстанд. Лe әwe дьхwәст һe зeдә Хwәдeрʹа хьзмәт кә, ләма жи әwe хәбата хwә һишт у дәстпeкьр хьзмәт кә ча пeшәнг. Әwe нькарьбу хәбатәкә öса хwәрʹа бьдита, кö бона хьзмәтийe wәʹдә бьма. Әwe хwәрʹа дькʹанәкә бьчʹук вәкьр у тeда гöлмаст дьфьрот, пʹәрe we һeди-һeди хьлаз бу у әw мәщбур бу дькʹанe дадә. Әw дьбeжә: «Сe сал дәрбаз бун, лe шькьр жь навe Хwәдeрʹа кö әз йолә чум». Әw һин бу кö тeдәрхә бь рʹастийe чь жeрʹа лазьм ә у бона рʹожа сьбe хәмгин нәбә (Мәт. 6:33, 34). Ахьрийeда, әw бәрe бал кʹe дьхәбьти, әwи диса гази we кьр, кö әw диса хәбата хwә бькә. Лe әwe wирʹа гот we бьхәбьтә, һәргe әw бькарьбә һьн жи һәрʹә щьватe у хьзмәтийe. Рʹаст ә әw ижар һаqас пʹәрә настинә чьqас бәрe, лe әw дькарә бәрдәwам кә хьзмәт кә ча пeшәнг. Әw дьбeжә кö wи wәʹдe чәтьн, әwe аликʹарийа Йаһоwа сәр хwә тʹәхмин кьр.

ЧАХЕ ЖЬ БО КАЛ-ПИРБУНЕ ХӘМГИН ДЬБЬН

Диса проблeмәкә мәзьн, әw һәйә калбун-пирбун. Гәләк мәрьв чахe мәзьн дьбьн у ида гәрәкe тʹошәкe бьстиньн, әwана хәмгин дьбьн кö пʹәрә we тәрʹа wан нәкә сәва рʹьнд бьжин. Әwана öса жи хәмгин дьбьн бона сьһʹәт-qәwата хwә, кö чьqас мәзьн бьн we проблeмeд сьһʹәт-qәwатeва гьрeдайи пeшда бeн. Мәсәлә, чаwа кö әw йәк бал Даwьд qәwьми у әwи калбунeда жь Йаһоwа һиви кьр: «Тö мьн жь хwә навeжә, гава кö әз жь тʹаqәтe кʹәтьм тö мьн бәрнәдә!» (Зәб. 71:9, 18, ИМ).

Ча хьзмәткʹарeд Йаһоwа йeд әʹмьрда мәзьн, дькарьн хwә бeсьтʹар тʹәхмин нәкьн? Әwана гәрәкe баwәрийа хwә һьндава Йаһоwа qәwи кьн, кö әw we али wан бькә. Һәргe бәрe әwана дәwләти бунә у рʹьнд житьнә, ньһа әwана гәрәкe пʹәра һьндьки хәрщ кьн, у рʹази бьн we йәкeрʹа чь кö щәм wан һәйә. Әwана дькарьн бьвиньн кö «хwарьна сәwзә» һe баш ә бона сьһʹәт-qәwатe, нә кö гоштe «гайe дәрмалә» (Мәтʹлк. 15:17). Һәргe тö һʹьш-аqьлe хwә бьди сәр хьзмәтийа Йаһоwарʹа, әw wәʹдe калбун йан пирбуна тә, we бона тә хәм кә, сәва кö чь тәрʹа лазьм ә, бал тә һәбә.

Wәрә әм бьфькьрьн дәрһәqа Хосe у Роус кʹижан кö 65 сала зeдәтьр ә wәки Йаһоwарʹа хьзмәт дькьн ча пeшәнг. Әwана öса жи бь сала мьqати бавe Хосe дьбун, кʹижанирʹа 24 сьһʹәта лазьм бу пәй бьньһeрʹьн. Хeнщи we йәкe, нәхwәшийа Хосe рʹәq һәбу у әwи дәрбаз кьр опeраси у химиотeрапи. Лe гәло Йаһоwа дәстe хwәйи рʹастe дьрeжи wан кьр? Бәлe. Лe чь щурʹәйи? Әwи али wана кьр бь щотәки зәwащe Тони у Weнди. Әwи щоти там данә wан кö тeда бьминьн. Тони у Weнди дьхwәстьн кö тамe wанда пeшәнг бeһәq бьминьн. Пeшийа we йәкe, чахe Тони мәкʹтәбeда һин дьбу, әw һәргав жь пʹәнщәра мәкʹтәба хwә, дьдит кö ча Хосe у Роус тʹьмe дәртeнә сәр хьзмәтийe. Хьзмәтийа wанә бь хирәти гәләк wи хwәш дьһат у дьлe wи гьрт. Тони у Weнди дьдитьн кö ча wана әʹмьрe хwә пʹeшкʹeши Йаһоwа кьрьнә, у ләма әwана һeлан бун wана бькьнә тамe хwә. Ида 15 сал ә кö әw щотe зәwащe али Хосe у Роус дькьн, кʹижан кö ньһа wәкә 80 сали нә. Әwана дьбeжьн кö әw щотe зәwащeйә щаһьл бона wана ча пʹeшкʹeш ьн.

Хwәдe дәстe хwәйи рʹастe дьрeжи тә жи дькә. Лe тöйe дәстe wи бьгьри, йe кö тәрʹа дьбeжә: «Нәтьрсә, әзe аликʹарийe бь тәрʹа бькьм»?