Созед кö Wе Бенә Сери
Мьзгинийа хере йа Пʹадшатийа Хwәде ль нав тʹәмамийа дьнйайе те бәлакьрьне, чаwа кö Иса пʹехәмбәрти дькьр (Мәтта 24:14). Кʹьтеба Данийел әʹйан дькә wәки әв Пʹадшати сәрwертийа Хwәде йә. Сәре 2-да һатийә пʹехәмбәртикьрьне дәрһәqа сәрwертийа мәрьва у пʹадшатийа wан, кʹижан кö дәстпебуйи жь Бабилона кәвьн һʹәта рʹожа Иройин һʹöкöм дькьн. Ле дәрһәqа wе йәке чь һивийа мәйә, рʹеза 44 дьбежә:
«Дь рʹожед wан пʹадшада, Хwәдайе әʹзмана wе пʹадшатийе кʹьфш кә, йе кö wе тʹö щар кʹöта нәбә. У әв пʹадшати мьләте майинрʹа wе нәйе дайине. Әw wе әwан һʹәму пʹадшатийа һурдәхwәши кә у кʹöта кә, ле хwәха wе һʹәта-һʹәтайе бьминә».
Әw у пʹехәмбәртийед дьн жь Кʹьтеба Пироз, әʹйан дькьн кö Пʹадшатийа Хwәде wе дәwса һʹәму сәрwертийед мәрьва бә у әwе тʹәрбәтийе у бехофийе бьдә мәрийа. Гәло бьн сәрwерийа wе Пʹадшатийе, жийина мә wе чаwа бә? Жере дәрһәqа һьнә созед баш те готьне, йед кö зутьрәке wе бенә сери.
ШӘРʹ ИДА WЕ ТʹÖНӘ БЬН
Зәбур 46:9: «[Хwәде] шәрʹа дьдә сәкьнандьне, һәр чар qöлбед дьнйайе, тир-кәвана дьшкенә, рʹьма һурһури дькә ö мәртʹала бь егьр дьшәwьтинә».
Бьдьнә һʹәсабе хwә жийина мә wе чаwа бә, һәрге пʹәрʹә у һʹәму хәрщед дьн тʹöнә бьн кʹижан кö мәрьв хәрщ дькьн сәва кö чʹәк чекьн. Дәwса wан чʹәка, wе һәбьн тьштед öса, чь кö кʹарәкә мәзьн wе wанрʹа бинә! Әв соз wе әʹсәйи бе сери, бьн сәрwертийа Пʹадшатийа Хwәде.
НӘХWӘШИ ИДА WЕ ТʹÖНӘ БЬН
Ишайа 33:24: «У йе кö ль wьр рʹудьнә, ве нәбежә: ‹Әз нәхwәш ьм›».
Бьфькьрьн дәрһәqа wи wәʹдәйи чахе wе тʹöнә бьн нәхwәшийед дьлва гьредайи, кʹансәр, та (малерийа) у нәхwәшийед дьн. Әм öса жи һʹәwще нәхwашхана у дәрмана нибьн. Бәле, ль ахьрийе һʹәму бьнәʹлийед әʹрде wе сьһʹәт-qәwат бьн.
КЕМАСИЙА ХWАРЬНЕ WЕ ИДА ТʹÖНӘ БӘ
Зәбур 72:16: «Бьра гәньме wәлет бьбә бьр-бәʹр, дәрәмәтед wи сәре чʹийа бьһʹәжьн, бәре wе жи мина шинаийа әʹрде».
Әʹрд wе епʹещә хwарьн бьдә бона һәр кәса у wе тʹер-тʹьжә бә. Бьрчибун у тʹернәхwарьн wе ида тʹöнә бә.
ЕШ, КÖЛ-ДӘРД У МЬРЬН WЕ ИДА ТʹÖНӘ БӘ
Әʹйанти 21:4: «Әwе [Хwәде] жь чʹәʹвед wан һʹәму һесьред wан паqьж кә у иди мьрьне тʹöнәбә, нә шин, нә гьри, нә еш-ешук, чьмки тьштед бәре дәрбаз бун».
Әw те һʹәсабе кö жийина мә wе һәрһәйи бә у әме кʹамьл бьн ль сәр әʹрде щьнәте! Һәма әw һʹәму тьшт Әʹфьрандаре мә, Йаһоwа Хwәде, йе кö бь һʹьзкьрьне тʹьжә йә, әwан тьшта мәрʹа соз дьдә.
«ТЬШТЕ КÖ МЬРАЗ КЬРЬМӘ, WЕ БЬКӘ»
Гәло әw һʹәму тьшт бь рʹасти wе бе сери? Гәләк мәрьв һьзрәт ьн жийинәкә öса qазанч кьн, ле жь бо щурʹә-щурʹә мәнийа wанарʹа чәтьн ә әве йәке баwәр бькьн. Жийина мәрийа иро һʹеса нинә у wана тьштед öса, чь кö жоре һатьбу готьне сәр хwә тʹәхмин нәкьрьнә.
Инсанәт бу диле гöнә у мьрьне, һьм жи щәфе дькʹьшиньн бьн баре ешеда, чәрчьрандьн у кöл-дәрдада. Әw һʹәму тьшт һаqас щар жийина мәда дьqәwьмьн, wәки бона мә әw дьбә тьштәки тʹәбийәти у нормал. Ле әw лап щöдә йә жь wе йәке, чь кö Әʹфьрандаре мә Йаһоwа Хwәде бона инсанәте qьрар кьрийә.
Сәва кö мә бьдә баwәркьрьне wәки әw һʹәму тьштед создайи wе әʹсәйи бенә сери, Хwәде дәрһәqа гьлийед хwә гот: «Готьна мьн йа кö жь дәве мьн wе дәркʹәвә жи wöса бьбә; wе вала вәнәгәрʹә мьн, ле бәле тьште кö мьраз кьрьмә, wе бькә ...!» (Ишайа 55:11).
Кʹьтеба Пироз дәрһәqа Йаһоwа дьбежә, wәки әw һәйә «Хwәдейе хwәйе готьна хwә» (Тито 1:2). Әw һʹәму тьштед хас, Хwәде бона ахьрийе соз дайә, ләма жи wе баш бә әм бьфькьрьн: Гәло бәндә дькарә һʹәта-һʹәтайе бьжи? Әм чь гәрәке бькьн, сәва кö бь чʹәʹве хwә бьвиньн, ча әw соз wе бенә сери? Жь рʹупʹелед дьнә ве журнале, һуне щаба wан пьрса бьвиньн.