Чахе Тәйах Тʹӧнә Бьжийи

Мәсәлә, Салиa жь Ԝәлатед Йәкбуйи, йа кӧ жь бо фьртоне һәчʹи зʹәф һәбука хԝә ӧнда кьр, дьбежә: «Тәйаха мьн тʹӧнә бу у мьн тʹьре әзе дин бьм. Гәләк ԝәхт әз ви һʹалида бум».

Диса дәрдәки гьран әԝ ә, чахе әм мәрьвед хԝәйә незик ӧнда дькьн. Кʹӧлфәтәк жь Австралйайе бь наве Щени, дькә бира хԝә: «Мьн дӧ кӧрʹед хԝә ӧнда кьр. Пешийе йе мәзьн мьр, ле дӧ сал шунда йе дӧда жи мьр. Һьнге дьле мьн пʹьрти-пʹьрти бу. Мьн лавайа Хԝәде дькьр: ‹Һиви дькьм, бьра әз рʹазем у ида рʹанәбьм, чьмки дьле мьн нькарә бәр ве еше тәйах кә›».

Ле дәрде Данйел щурʹәки майин бу. Жийина ԝи педа һатә гӧһастьне чахе әԝ пеһʹәсийа кӧ жьна ԝи, ԝирʹа нәамьн ә. Әԝ дьбежә: «Чахе жьна мьн ани сәр хԝә, кӧ мьнрʹа нәамьн ә, әԝ ча кʹерәкә туж бу, кӧ дьле мьн хьстьн. Чәнд мәһа дьле мьн бьриндар бу у мьн ешәкә ԛайим, тʹәхмин дькьр».

Әԝ дәрәщед кӧ жере һатьнә дайине, тәрʹа нас ьн? Тӧ жи рʹасти дәрәщед ӧса һатийи?

• Ԛәзи

• Мьрьна мәрьве незик

• Нәамьнийа һәвалзәԝащ

• Нәхԝәшийа гьран

• Чахе Тәйах тʹӧнә бьжийи

Дь ве журнала «Бьрща Ԛәрәԝьлийеда» ԝе бе шьроԝәкьрьне, ԝәки һәла һе нава охьрмед гьранда жи, ча бәрдәԝам кьн бьжин.