Гәло Рʹебәрийа Баш бона Жийина Бәхтәԝар Һәйә?

Чаԝа мә готаред пешийа веда дит, мәрьв дьхԝазьн ԝәки ахьрийа ԝан баш бә, у әԝана баԝәр ьн ԝәки бәхт, һинбуна бьльнд, һәбук у ԛәнщикьрьн дькарьн ԝана бәхтәԝар кьн. Мәрьвед ӧса мина ви кәси нә, йе кӧ дьхԝазә һәрʹә щики, ле хәрита нәрʹаст дьдә хәбате. Гәло әв йәк те һʹәсабе ԝәки мәрьв тʹӧ щар нькарә рʹебәрийа рʹаст бьвинә? Һәмьки на!

РʹЕБӘРИЙА ҺӘРИ БАШ

Чахе әм дьхԝазьн бь билани сафикьрьнәке бькьн, һʹәчʹи зәʹф әм аликʹарийе жь мәрьвед әʹмьрда мәзьн у билан дьхԝазьн. Мина ве йәке әм дькарьн рʹебәрийа рʹаст бона ахьрийе, жь Кәсе кӧ мә мәстьр у билантьр ә, бьстиньн. Ван ширәта әм дькарьн Кʹьтеба Пирозда бьхуньн, йа кӧ ԝәкә 3 500 сал пешда һатьбу ньвисаре.

Чьрʹа тӧ дькари итʹбарийа хԝә Кʹьтеба Пироз бини? Чьмки авторе ве кʹьтебе гәрдунеда Кәсе һәри билан ә. Сәр ԝи те готьне «йе рʹожед ԝи кәвн», йе кӧ «жь һәр-һәйе һʹәта-һʹәтайе» йә (Данийел 7:9; Зәбур 90:2). Әԝ һәйә «Хӧдане кӧ әʹзмана әʹфьрандийә . . . Йе кӧ әʹрде чекьрийә у шькьл дайе» (Ишайа 45:18, ИМ). Әԝ дьбежә ԝәки наве ԝи Йаһоԝа йә (Зәбур 83:18, ДТʹ).

Кʹьтеба Пироз жь Әʹфьрандаре тʹәмамийа инсанәте йә, йе кӧ фьрԛийе накә ортʹа мәрьва. Ширәтед ԝи бона һʹәму мьләта керһати нә. Кʹьтеба Пироз сәр гәләк зьмана дәст дькʹәвә у жь кʹьтебед дьн һәри бәлабуйи йә.a Әв те һʹәсабе ԝәки һәр дәра мәрьв дькарьн ве кʹьтебе бьхуньн у ширәтед ве жийина хԝәда бьдьнә хәбате. Кʹьтеба Пироз хԝәха ве йәке избат дькә:

«Хԝәде рʹасти жи фьрԛийе накә нава мьләта. Ле жь нав һәр мьләтида, йе кӧ жь ԝи хоф дькә у рʹастийе дькә ль ԝи ԛәбул ә» (КʹАРЕД ШАНДИЙА 10:34, 35).

Мина бавәки һʹьзкьри кӧ зарʹед хԝә ширәт дькә, Йаһоԝа Хԝәде жи Баве мәйи әʹзмана бь сайа Хәбәра хԝә, демәк Кʹьтеба Пироз, мә ширәт дькә у али мә дькә (2 Тимотʹейо 3:16). Тӧ дькари итʹбарийа хԝә Хәбәра ԝи бини, чьмки әԝ Әʹфьрандаре мә йә у занә чь ԝе бь рʹасти мә бәхтәԝар кә.

ӘМ ДЬКАРЬН ИТʹБАРИЙА ХԜӘ КʹЬТЕБА ПИРОЗ БИНЬН

Әм дькарьн итʹбарийа хԝә ве йәке биньн чь кӧ Кʹьтеба Пирозда дәрһәԛа ахьрийе пешда һатьбу готьне. Иро әм пе чʹәʹве хԝә дьвиньн ча әв һәр тьшт чь кӧ ԝәкә 2 000 сал пешда ве кʹьтебеда һатьбун пʹехәмбәртикьрьне, тенә сери.

ԚӘԜЬМАНДЬН

«Мьләте рʹабә ль сәр мьләт, пʹадшати ль сәр пʹадшатийа, щи-щийа әʹрдһʹәжед мәзьн, хәлайи-щәлайе у мина нәхԝәшийа һʹал ԝе бьбьн» (ЛУԚА 21:10, 11).

ХӘЙСӘТ-ҺʹӦНӦР

«Рʹожед ахьрийеда зәманед хьраб ԝе бен. Мәрьве бьбьнә хԝәһʹьз, пʹәрәһʹьз, кʹӧбар, бабах, кʹьфьр, нә гӧрʹа де-бавада, бешекьр, һʹәрам, дьлсар, берʹәʹм, бӧхданбеж, тәмсьст, зӧлмкʹар, нәйаред ԛәнщийе, нәмам, щӧләʹт, хԝәрʹази, рʹьһʹәтиһʹьз, нә кӧ Хԝәдеһʹьз» (2 ТИМОТʹЕЙО 3:1-4).

Тӧ һати сәр чь нети гава пеһʹәсийайи ԝәки әв һәр тьшт, чь кӧ Кʹьтеба Пирозда һаԛас сал пешда һатьбу пʹехәмбәртикьрьне, һур бь һур те сәри? Бешьк тӧйе ԛайил би тʹәви гьлийед мерәки жь Һон-Конге бь наве Лойен кӧ ӧса гот: «Пʹехәмбәртийед Кʹьтеба Пироз гәләк сал пешда һатьбун ньвисаре. Набә кӧ мәрьв пешда һәр тьшт ӧса рʹаст пʹехәмбәрти бькьра. Кʹьтеба Пироз һатийә ньвисаре жь бина бәр кәсе мәрьва билантьр».

Кʹьтеба Пирозда бь сәда пʹехәмбәрти һәнә йед кӧ ида һатьнә сери.b Әв йәк избат дькә ԝәки Кʹьтеба Пироз бь рʹасти Хәбәра Хԝәде йә. Йаһоԝа дьбежә: «Әз Хԝәде мә у ԝәк мьн нинә [тʹӧнә]». Әԝ ӧса жи дьбежә: «Әз сәре-серида дьбежьм ве йәке, чь кӧ ве хьлазийеда бьбә, ДТʹ» (Ишайа 46:9, 10). Сәр һʹиме ве йәке тӧ дькари итʹбарийа хԝә пʹехәмбәртийед Кʹьтеба Пироз бини.

РʹЕБӘРИ КӦ ЧА ИРО ӦСА ЖИ ҺʹӘТА-ҺʹӘТАЙЕ ԜЕ КЕРИ ТӘ БЕ

Һәгәр тӧ ширәтед жь Ньвисаред Пироз жийина хԝәда бьди хәбате, тӧйе кʹарәкә мәзьн бьстини. Дина хԝә бьдә һьнә мәсәла.

НЬҺЕРʹАНДЬНА РʹАСТ СӘР ХӘБАТ У ПʹӘРА

«Мьста тʹьжә йа бь рʹьһʹәти, жь кʹӧлма тʹьжә йа бь зәʹмәти у кʹәтьна пәй байе четьр ә» (ԜАИЗ 4:6, ИМ).

ҺӘЛӘԚӘТИЙА МАЛБӘТЕДА

«Жь ԝә һәр кәс жи бьра жьна хԝә һʹьз бькә чаԝа хԝә у жьн жи ԛәдьре мере хԝә бьгьрә» (ӘФӘСИ 5:33, ДТʹ).

ҺӘЛӘԚӘТИЙА ТʹӘВИ МӘРИЙА

«Һерс нәкʹәвә, нәԛьлԛьлә, бинтәнг нәбә кӧ хьрабийе бьки» (ЗӘБУР 37:8).

Һәгәр тӧ чь кӧ Кʹьтеба Пирозда һатийә ньвисаре жийина хԝәда бьди хәбате, тӧйе ча ньһа ӧса жи ахьрийеда бәхтәԝар би. Кʹьтеба Пирозда әм дькарьн созе Хԝәде дәрһәԛа ахьрийа баш бьвиньн

ӘʹДЬЛАЙИ У БЕХОФИ

«Мьлуке әʹрде ԝар бьн, хер-хԝәшийева ԝе хьне бьн у ша бьн» (ЗӘБУР 37:11).

МАЛ У ХӦРӘК БОНА ҺӘР КӘСИ

«Ԝе ханийа ава бькьн у рʹунен у рʹәза дайньн у меԝа ԝе бьхԝьн» (ИШАЙА 65:21).

НӘХԜӘШИ У МЬРЬН ԜЕ ТʹӦНӘ БЬН

«Әԝе жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (ӘʹЙАНТИ 21:4).

Тӧ гәрәке чь бьки ԝәки ахьрийа ӧса баш бьстини? Дина хԝә бьдә готара дьн.

a Сәва һе зедә әʹламәти дәрһәԛа ԝәлгәрʹандьн у бәлакьрьна Кʹьтеба Пироз, текʹәвьнә ԝԝԝ.jw.org у бьньһерʹьн ҺИНКЬРЬНЕД КʹЬТЕБА ПИРОЗ > ТʹӘРИХИ У КʹЬТЕБА ПИРОЗ.

b Сәва һе зедә әʹламәти, бьньһерʹә сәре 9 жь кʹьтеба «Кʹьтеба Пироз—Хәбәра Хԝәде йә йан йа Мәрийа?», йа кӧ Шәʹдед Йаһоԝа нәшьр кьрьнә. Әв бь онлайн сәр ԝԝԝ.jw.org һәйә. Бьньһерʹә КʹЬТЕБХАНӘ > КʹЬТЕБ У БРОШУР.