Нәфрʹәти ԝе сәр Дьнйайе Бе Һьлдане!

ХԜӘДЕ ԜЕ НӘФРʹӘТИЙЕ КʹОКЕВА БЬДӘ ҺЬЛДАНЕ

1. 1. МИРЕ-ЩЬНА. Мире-щьна, демәк мәләке мьԛабьл щабдар ә бона һʹәму нәфрʹәтийа, кӧ иро дьнйайеда бәлабуйи йә. Хԝәде ԝе кʹӧта кә Мире-щьна у ԝан һʹәму мәрийа, йед кӧ мина ԝи мәләке мьԛабьл бь нәфрʹәтийе тʹьжә нә (Зәбур 37:38; Рʹомайи 16:20).

2. 2. ДЬНЙА ЗӦЛМ. Хԝәде ԝе һʹәму тьштед кӧ нәфрʹәтийе пешда тиньн, бьдә һьлдане. Мәсәлә, политикван у сәрԝеред религийайе, кʹижан кӧ мәрьва бәрбь нәфрʹәтийе һелан дькьн. Хԝәде ԝе ӧса жи бьдә һьлдане система комерси, рʹебәред кʹижани кӧ пʹәрәһʹьз ьн, рʹӧшәта һьлдьдьн, у мәрьва бона кʹара хԝә дьдьнә хәбате (2 Пәтрус 3:13).

3. 3. ГӦНӘКʹАРИ. Кʹьтеба Пироз шьровәдькә, ԝәки гӧнә дәрбази сәр инсанәте буйә, жь бо чь жи әм щарна тьштед хьраб дьфькьрьн, һәст у кьред мә жи хьраб дьбьн (Рʹомайи 5:12). Йәк жь ԝан дәрәща әв ә, чахе мәрьв дәрһәԛа кәсед дьн хьраб дьфькьрә у нәфрʹәтийе һьндава ԝанда дьдә кʹьфше. Хԝәде ԝе али мәрийа бькә, ԝәки әв сьстбуна хԝә бьдьнә һьлдане, у ԝи чахи нәфрʹәти ԝе сәр дьнйайе кʹӧта бә (Ишайа 54:13).

КʹЬТЕБА ПИРОЗ ДЬНЙАЙА БЕНӘФРʹӘТИ СОЗ ДЬДӘ

1. 1. ТʹӦ КӘС ԜЕ РʹАСТИ НӘФРʹӘТИЙЕ НӘЙЕ. Пʹадшатийа Хԝәде ԝе жь әʹзмен сәр әʹрдерʹа сәрԝертийе бькә у һәԛийа һәрһәйи бинә (Данийел 2:44). Һьнге мәрьв ԝе фьрԛийе нәкьн нава һәвда у һьндава һәвда һʹьзкьрьне бьдьнә кʹьфше. Хԝәде ԝе зьрара кӧ мәрьва жь бо нәһәԛийе стандьнә, дадә (Луԛа 18:7).

2. 2. ҺӘР КӘС ԜЕ ӘʹДЬЛАЙЕДА БӘ. Тʹӧ кәс ԝе жь бо зӧлмийе у шәрʹ-дәʹԝа нәчәрчьрә (Зәбур 46:9). Һʹәму мәрьв ԝе әʹдьлайиһʹьз бьн у әʹрд ԝе бьбә щийе бехоф (Зәбур 72:7).

3. 3. МӘРЬВ ԜЕ ҺʹАЛЕ БАШДА ҺʹӘТА-ҺʹӘТАЙЕ БЬЖИН. Һʹәму мәрьв ԝе һьндава һәвда һʹьзкьрьна рʹаст бьдьнә кʹьфше (Мәтта 22:39). Тʹӧ кәс ԝе дьлтәнг нәбә у нә жи жь бо фькьр у биранина хьраб бьчәрчьрә (Ишайа 65:17). Чахе нәфрʹәти педа бе һьлдане, һьнге һʹәму мәрьв «хер-хԝәшийева ԝе хьне бьн у ша бьн» (Зәбур 37:11).

Һун дьхԝазьн дьнйакә ӧсада бьжин? Һәла һе ԝәʹде мәда жи гәләк мәрьв бь аликʹарийа принсипед Кʹьтеба Пироз, карьбунә нәфрʹәтийе жь дьле хԝә дәрхьн (Зәбур 37:8). Әв йәк әшкәрә те кʹьфше нава бь милйона Шәʹдед Йаһоԝада, кӧ нав тʹәмамийа дьнйайе дьжин. Рʹаст ә әԝана жь щурʹә-щурʹә мьләта, бәрәка у култура нә, ле ча малбәтәк ьн кӧ йәктийеда ньн у һәв һʹьз дькьн (Ишайа 2:2-4).

Шәʹдед Йаһоԝа һазьр ьн тәрʹа гьли кьн дәрһәԛа ԝе йәке, кӧ ча дькарьн бәр нәһәԛийе у нәфрʹәтийе тәйах кьн. Әв йәк ԝе али тә бькә нәфрʹәтийе жь дьле хԝә дәрхи у дәԝсе бь һʹьзкьрьне тʹьжә ки. Тӧ һәла һе дькари һьндава ԝан мәрьвада жи һʹьзкьрьне бьди кʹьфше, йед кӧ бешекьр ьн у нәфрʹәтийе дьдьнә кʹьфше. Әв йәк ԝе али тә бькә ида ньһа бәхтәԝар би у һәләԛәтийа хԝә тʹәви мәрийа баш ки. Хенщи ԝе йәке, тӧйе пебьһʹәси, ԝәки чь гәрәке бьки, сәва кӧ бьн сәрԝертийа Пʹадшатийа Хԝәдеда бьжийи, кʹидәре кӧ нәфрʹәти ԝе тʹӧнә бә (Зәбур 37:29).