ДӘРСА 52
Чьма Гәрәке Дина Хԝә Бьдьн Кʹьнщхԝәкьрьн у Хәмьландьна Хԝә?
Мә һʹәмуйа хԝәш те, ԝәки кʹьнща бьжберьн у сафи кьн, кӧ чь хԝә кьн у ча хԝә чекьн. Һәрге әм һьнә принсипед Кʹьтеба Пироз һьлдьн һʹәсаб, әв йәк ԝе али мә бькә, ԝәки кʹьнщед ӧса хԝәрʹа бьжберьн, кӧ һьм мә хԝәш бен, һьм жи дьле Йаһоԝа ша бә. Ԝәрә әм һьнә принсипа шеԝьр кьн.
1. Кʹижан принсип али мә дькьн, кӧ сафи кьн чь хԝә кьн у ча хԝә чекьн?
Әм гәрәке «бь кʹьнщед лайиԛ, шәрме у бәрбьһерийе хԝә бьхәмьлиньн», у тʹәмьзайе хԝәй кьн, сәва әшкәрә бә, кӧ әм «рʹийа Хԝәдеда дьчьн» (1 Тимотʹейо 2:9, 10). Ԝәрә әм ван чар принсипа шеԝьр кьн: (1) Кʹьнщед мә гәрәке «лайиԛ» бьн. Дьԛәԝьмә тә сәр щьвата дитийә, кӧ Шәʹдед Йаһоԝа щурʹә-щурʹә кʹьнща хԝә дькьн. Ле кʹьнщхԝәкьрьн у хԝәчекьрьна мә, тʹьме ԛәдьр һьндава Хԝәде дьдә кʹьфше. (2) Кʹьнщхԝәкьрьна бь «шәрме» те һʹәсабе, ԝәки кʹьнщед ӧса хԝә нәкьн, бь кʹижана дина мәрийа зәʹф бькʹьшә сәр мә, жь бо чь жи әԝана бь тәме хьраб мә бьньһерʹьн. (3) Әм бь «бәрбьһерийе» кʹьнща хԝә дькьн, чахе әм пәй һәр стиләкә тʹәзә йан модәйе начьн, кʹижан кӧ зәʹф бәлабуйи дьбьн. (4) Пе кʹьнщхԝәкьрьн у хԝәчекьрьна мә, гәрәке тʹьме мәрийарʹа әʹйан бә, кӧ әм «рʹийа Хԝәдеда дьчьн» у Хԝәдайе рʹаст дьһʹәбиньн (1 Корьнтʹи 10:31).
2. Чаԝа кʹьнщхԝәкьрьн у хԝәчекьрьна мә дькарә сәр хушк-бьра һʹӧкӧм бә?
Һәмьки кʹьнщхԝәкьрьнеда азайа бьжартьна мә һәйә, ле әм гәрәке тʹьме фәсал бьн, кӧ мәрьварʹа нәбьнә лькʹӧмандьн. Жь мә һәр кәс һәр тьшти дькә, кӧ мәрьва әʹщьз нәкә, ле «алийе ԛәнщийеда ль һәвале хԝә хԝәш бе, кӧ баԝәрийеда бьшьдә» (Бьхунә Рʹомайи 15:1, 2.)
3. Чаԝа кʹьнщхԝәкьрьн у хԝәчекьрьна мә дькарә дина мәрийа бькʹьшинә бәрбь һʹәбандьна рʹаст?
Әм тʹьме дьхәбьтьн, кӧ кʹьнщед мә лайиԛ бьн, илаһи чахе дьчьнә щьвата у мьзгинийе бәла дькьн. Әм нахԝазьн, кӧ дина мәрьва жь мьзгинийа фәрз бькʹьшиньн сәр хԝә. Ле дәԝсе әм дьхԝазьн, кӧ бь кʹьнщхԝәкьрьна хԝә «һинкьрьна бона Хьлазкьре мә Хԝәде, һәр алийава бьхәмьлиньн», ԝәки мәрьв бьхԝазьн һе зедә дәрһәԛа рʹастийе пебьһʹәсьн (Тито 2:10).
КʹУР ЛЕКОЛИН КӘ
Шеԝьр кә, кӧ чаԝа кʹьнщхԝәкьрьн у хԝәчекьрьна мә дькарә мәрийа бьдә баԝәркьрьне, кӧ әм Мәсиһийед рʹаст ьн.
Кʹьнщхԝәкьрьн у хәмьландьна мә дьдә кʹьфше, кӧ әм ԛәдьре мәрьвед хԝәйиһʹӧкӧм дьгьрьн, йан на. Рʹаст ә Йаһоԝа дьла дьньһерʹә, ле диса жи кʹьнщхԝәкьрьн у хәмьландьна мә гәрәке ԛәдьр һьндава ԝида әʹйан кә
4. Пе кʹьнщхԝәкьрьна хԝәйә баш әм ԛәдьр һьндава Йаһоԝа дьдьнә кʹьфше
Мәʹнийа һәрә фәрз кʹижан ә, ԝәки әм бона кʹьнщхԝәкьрьна хԝә хәм бькьн? Бьхунә Зәбур 47:2, у паше ван пьрса шеԝьр кә:
Чаԝа әв йәк кӧ наве Йаһоԝа сәр мә йә, гәрәке сәр кʹьнщхԝәкьрьна мә һʹӧкӧм бә?
Бь тʹәхмина тә бь билани йә, кӧ әм бона кʹьнщхԝәкьрьна хԝә хәм бькьн, гава дьчьнә щьвата у мьзгинийе бәла дькьн? Чьма әре, у чьма на?
5. Чь ԝе али мә бькә, ԝәки рʹаст сафи кьн, чь хԝә кьн у ча хԝә чекьн?
Фьрԛи тʹӧнә кʹьнщед мә бьһа йан әрʹзан бьн, әм гәрәке һʹәму дәрәщада тʹәмьз у лайиԛ бьн. Бьхунә 1 Корьнтʹи 10:24 у 1 Тимотʹейо 2:9, 10. Паше шеԝьр кә, кӧ әм чьма кʹьнщед ӧса хԝә накьн, йед кӧ . . .
лайиԛ у маԛули ниньн
гәләк тәнг ьн, вәкьри нә, у тәме хьраб пешда тиньн
Рʹаст ә иро Мәсиһи бьн Ԛануна Мусада ниньн, ле дькарьн жь ԝан ԛануна гәләк тьшт дәрһәԛа ньһерʹандьна Йаһоԝа һин бьн. Бьхунә Ԛануна Дӧщари 22:5, у паше әве пьрсе шеԝьр кә:
Чьма әм гәрәке хԝә жь кʹьнщхԝәкьрьн у хәмьландьна ӧса дур бьгьрьн, кӧ мера дькә мина жьна, жьна жи дькә мина мера?
Бьхунә 1 Корьнтʹи 10:32, 33 у 1 Йуһʹәнна 2:15, 16, у паше ван пьрса шеԝьр кә:
Чьма әм гәрәке хәм бькьн бона ԝе йәке, кӧ кʹьнщхԝәкьрьн у хәмьландьна мә, мәрьвед дор-бәре мә у щьвате әʹщьз нәкә?
Кʹижан щурʹе кʹьнщхԝәкьрьн йан хәмьландьне, мьһала тәда дьһа тʹәбийәти йә?
Бь тʹәхмина тә һьнә жь ԝан щурʹе кʹьнщхԝәкьрьн у хәмьландьне, дькарьн бона Мәсиһийа нәлайиԛ бьн? Шьровәкә.
Әм дькарьн бь щурʹә-щурʹә кʹьнща ль хԝә кьн у хԝә бьхәмьлиньн, у диса жи Йаһоԝа хԝәш бен
ҺЬНӘ МӘРЬВ ДЬБЕЖЬН: «Изьна мьн һәйә, чь дьхԝазьм ԝе жи ль хԝә кьм.»
Ле тӧ ча дьфькьри? Чьма?
ТʹӘМАМКЬРЬН
Чахе әм дәрһәԛа кʹьнщхԝәкьрьн у хәмьландьна хԝә сафикьрьнед баш дькьн, ӧса әм ԛәдьр һьндава Йаһоԝа у мәрийа дьдьнә кʹьфше.
Ԝәкʹьландьн
Чьма кʹьнщхԝәкьрьн у хәмьландьна мә бона Йаһоԝа фәрз ә?
Әм гәрәке кʹижан принсипа һьлдьн һʹәсаб, чахе сафи дькьн кӧ чь ль хԝә кьн у ча хԝә бьхәмьлиньн?
Чь щурʹәйи кʹьнщхԝәкьрьн у хәмьландьна мә дькарә һʹӧкӧм бә сәр ньһерʹандьна мәрийа дәрһәԛа һʹәбандьна рʹаст?
ҺЕ ЗЕДӘ ПЕБЬҺʹӘСӘ
Бьньһерʹә кӧ мәрьв чь дькарьн бьфькьрьн, гава кʹьнщхԝәкьрьна тә бьвиньн.
Пебьһʹәсә, кӧ чьма бь билани йә пешийа кӧ тату бькьн, бьфькьрьн.
«Гәло Кʹьтеба Пирозда Дәрһәԛа Тату Чь Те Готьне?» (Готара жь малпәре)
Пебьһʹәсә дәрһәԛа һьнә принсипед дьн жи, йед кӧ дькарьн али тә бькьн, ԝәки сафикьрьнед баш бьки.
«Тӧ бь Кʹьнщхԝәкьрьна Хԝә, Хԝәде Рʹумәт Дьки?» («Бьрща Ԛәрәԝьлийе», Илон, 2016)
Чаԝа кʹӧлфәтәке карьбу ньһерʹандьна рʹаст нав хԝәда пешда бинә, һьндава кʹьнщхԝәкьрьна мәрьвед дьн?
«Кʹьнщ у Хәмьландьн бона Мьн Кәвьре Лькʹӧмандьне Бун» («Һʹьшйар Бьн!», 22 Кануна Пешьн, 2003)