Ԝәʹде Лекʹолине Тьштед Тʹәзә Һин бә

Бь сайа лекʹолина шәхси, әм мәщале дьдьнә Йаһоԝа кӧ мә һин кә. Гава тӧ лекʹолине дьки, тӧ чь дькари бьки ԝәки тьштед тʹәзә һин би?

Жь Йаһоԝа биланийе бьхԝазә. Дӧада жь Йаһоԝа аликʹарийе бьхԝазә, ԝәки тӧ тедәрхи кӧ ньһа тӧ гәрәке чь һин би (Аԛуб 1:5). Нәфькьрә ԝәки тьштед кӧ тӧ ида зани, бәс ә (Мәтʹәлок 3:5, 6).

Изьне бьдә ԝәки Кʹьтеба Пироз сәр тә һʹӧкӧм кә. «Хәбәра Хԝәде сах у зор ә» (Ибрани 4:12). Һәр щар кӧ әм Кʹьтеба Пироз дьхуньн, гьлийед Хԝәде дькарьн бь щурʹе мәхсус сәр мә һʹӧкӧм кьн. Ле бона ве йәке әм гәрәке һазьр бьн тьштед тʹәзә һин бьн.

Бона һәр тьштед кӧ Йаһоԝа пʹешкʹеши тә дькә, шекьрдар бә. Хԝарьна рʹӧһʹани кӧ Йаһоԝа дьдә мә, мина хԝарьна физикийә рʹуни у хԝәш ә (Ишайа 25:6). Хирәт бькә кӧ ван готара жи лекʹолин ки, йед кӧ тәрʹа һʹәԝас найенә кʹьфше. Баԝәр бә ԝәки һәр тьштед кӧ Йаһоԝа дьдә мә, һьм керһати нә, һьм жи һʹәԝас ьн.