Дьле Хԝә Һазьр кә

Гава әм Кʹьтеба Пироз лекʹолин дькьн, әм дьхԝазьн ԝәки фькьред Йаһоԝа сәр дьле мә һʹӧкӧм кьн. Әзра ве йәкеда мәрʹа мәсәләкә баш һиштийә. Кʹьтеба Пироз дьбежә кӧ әԝи «дьле хԝә дабу сәр һинбун у пеканина Шәриәта [Ԛануна] Хӧдан» (Әзра 7:10, ИМ). Гәло әм ча дькарьн дьле хԝә һазьр кьн?

Дӧа бькә: Пешийа лекʹолине дӧа бькә. Жь Йаһоԝа аликʹарийе бьхԝазә, сәва кӧ ван тьшта, чь кӧ лекʹолин дьки, фәʹм бьки у бькарьби әʹмьре хԝәда бьди хәбате (Зәбур 119:18, 34).

Мьлук бә: Хԝәде жь кәсед ԛӧрʹә, йед кӧ гӧмана хԝә дьдьнә сәр һʹьше хԝә, рʹастийе вәдьшерә (Луԛа 10:21). Нета лекʹолине гәрәке әв нибә, ԝәки тӧ дина мәрьва бькʹьшини сәр хԝә. Гава тӧ тедәрдьхи ԝәки фькьред тә нә ль гора фькьред Хԝәде нә, бь мьлукти сәр хԝә бьхәбьтә, ԝәки хԝә рʹаст ки.

Гӧһ бьдә кʹьламәкә мә: Кʹьлам дькарьн сәр һәстед тә һʹӧкӧм кьн. Ләма жи һәрге тӧ пешийа лекʹолине гӧһ бьди кʹьламәке, әв йәк дькарә али тә бькә, ԝәки дьле хԝә бона лекʹолине һазьр ки.