Bisa geʼ Diriʼ Nanaʼ Mandarita Agiʼ?

AHE NANG ALKITAB NGATAATN

Allah . . . mao ngapus samua aiʼ mata diriʼ man kamatiatn inaʼ ada agiʼ, ugaʼ inaʼ ada pakabongan man kampak kasakitatn.”​—Penyingkapan (Wahyu) 21:3, 4, Terjemahan Dunia Baru.

GUNANYA UNTUʼ KITAʼ

Nauan kadeʼ pandaritaatn man cobaan bukeʼ dari Allah.​—Yakobus 1:13.

Repo nauan Allah padih ati neleʼ diriʼ mandarita.​—Zakharia 2:8.

Ada arapatn samua kajahatatn nanaʼ ada agiʼ.​—Mazmur 37:9-11.

AHE GEʼ DIRIʼ BISA PUCAYAʼ KAʼ AHE NANG ALKITAB NGATAATN?

Auʼ. Sainaʼnya ada dua alasan:

• Allah teget kaʼ pandaritaatn man kainaʼadilatn. Coba teleʼ lea ampahe Allah Yehuwa neleʼ umat-Nya dinyiksa jaman areʼ. Alkitab matakatn ”ati Yehuwa padih neleʼ umat-Nya kasakitatn dinyiksa”.​—Hakim 2:18, Bahasa Indonesia Masa Kini.

  Allah teget kaʼ urakng nang nyakitiʼ urakng lain. Contohnya Alkitab matakatn, Allah sidi teget kaʼ urakng nang munuh urakng nang inaʼ basalah.​—Amsal 6:16, 17.

• Allah Yehuwa paduli kaʼ satiap urakng. Allah ngataatn, ”Tabakatn samua kakuatiratn kitaʼ kaʼ Ia, sabab Ia paduli kaʼ diriʼ.”​—1 Petrus 5:7.

  Ngalalui Pamarentahatn-Nya, Yehuwa inaʼ lama agiʼ ngapusaʼ pandaritaatn satiap urakng. (Matius 6:9, 10) Ampeatn, Ia dah pangasih ngibur samua urakng nang tulus ati ngagoiʼ Ia.​—Kisah 17:27; 2 Korintus 1:3, 4.