Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • Abanya Roma 11
  • E Biblia y’Embindulha y’Ekihugho Kihya-kihya

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

Ebiri omwa Abanya Roma

      • E Israeli muyithaghanirwa ighuma (1-16)

      • Eky’erileberyako ky’omuthi w’omuzaituni (17-32)

      • Obunene bw’amenge wa Nyamuhanga (33-36)

Abanya Roma 11:1

Emyatsi Ahikwa

  • *

    Kinywe okwa kinywe, “embutho.”

Abanya Roma 11:13

Emyatsi Ahikwa

  • *

    Kutse “ngahamaya.”

Abanya Roma 11:14

Emyatsi Ahikwa

  • *

    Kinywe okwa kinywe, “ngobi yethu.”

Abanya Roma 11:17

Esyoindekisi

  • Obusondoli obw'Erisekuliryamu

    Engebe n’Omubiiri Akatabu k’Omuhindano,

    2/2019, olhup. 6

Abanya Roma 11:18

Emyatsi Ahikwa

  • *

    Kutse “eriyihalhambira.”

  • *

    Kutse “eriyihalhambira.”

Abanya Roma 11:26

Emyatsi Ahikwa

  • *

    Kutse “omulhamya.”

  • E Biblia y’Embindulha y’Ekihugho Kihya-kihya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
  • 34
  • 35
  • 36
E Biblia y’Embindulha y’Ekihugho Kihya-kihya
Abanya Roma 11:1-36

Okwa Banya Roma

11 Neryo ngabulhaya, mbwino Nyamuhanga mwanaghana abandu biwe? Eyihi nahake! Kundi naghe indi Muisraeli, ow’olhubutho* lhwa Abrahamu, erilhua omwa kihanda kya Benyamini. 2 Nyamuhanga mwathaghana abandu biwe, abo abya iniabirilengekaniako erimbere. Mbwino simwasi ebya masako akabugha ebihambire oku Eliya, akalemba-lemba Nyamuhanga busana n’Abaisraeli? 3 “Yehova, babir’itha abaminyereri bawu, babirikulhanga ebiherero byawu, kandi n’ingye musa oyuwamasighalira, kandi bakanza n’erighunzaho engebe yaghe.” 4 Aliwe, ekinywe ekyalhua oku Nyamuhanga mukyamubwira kithiki? “Ngakinawithe abalhume 7,000 abathe bathakukamira Baali.” 5 Kuthya na lino, hakine emisighalira erikwamana n’erisombolhwa busana n’olhukogho. 6 Neryo kyamabya ini busana n’olhukogho, isikikiri erilhabira omwa mibiiri; bithe bithya, olhukogho ilhukendibya isilhukiri lhukogho.

7 Neryo thubughe thuthiki? Ekindu ekyo Israeli asondekanaya kutsibu mwathakibana, aliwe abasombolhawa mubakibana. Abandi, obulengekania bwabu mubwayirwa mwa bukiru, 8 ngoku kihandikire kithi: “Nyamuhanga abiribaha ekirimu ky’othulho thunene, ameso awathelhangira n’amathwe awathyowa, erihika namunabwire.” 9 Na Dawudi athi: “Leka emeza yabo yibye kithegho kandi mughuli kandi ndwikale kandi ithuhulya okw’ibo. 10 Leka ameso wabo abye mwirima nuku sibalhangire, kandi wubakondomaye mughulhu wosi.”

11 Neryo ngabulhaya, Mubanathwikalha n’eriyithinirira ighuma? Eyihi nahake! Aliwe eritesuka lyabo, ni letha omulhamu okwa b’ebihanda, eribahiramo erihali. 12 Neryo eritesuka lyabo lyamabya irikamanyisaya obugaga okwa kihugho n’erikeherera lyabo irikamanyisaya obugaga okwa bandu b’ebihanda, omughanzo wabo erikanyirira ikikendi manyisyaki!

13 Lino ngabugha nenyu inywe bandu b’ebihanda. Kundi ngali mukwenda okwa bihanda, ngapipa* omubiiri waghe. 14 erilhangira nga nanganaleka abandu bethu* ibabya mw’erihali omwa nzira ndebe n’erilhamya abaghuma b’okw’ibo. 15 Kundi erighanwa lyabu lyamabya irikamanyisaya erisubya ekihugho oku Nyamuhanga, mbwino eriliwa lyabo irikendi manyisyaki lyamabya isilhua okwa baholi erisuba okwa ngebe? 16 Eryongera okw’ekyo, embegha y’omukanyu eyikathwalhawa ng’ebighuma by’erimbere-mbere yamabya iyibuyirire, omukanyu wosi nagho akabya iniabuyirire; n’emirihi yamabya iyibuyirire, emithahi nayo iyibuyirire.

17 Aliwe, emighuma y’okwa mithahi yamabya imuyathwibwa, nawu nomwawune muzaituni w’omwoli, muwamathikwa kugho wamabyako haghuma n’eyindi neryo wamabana okwa bubuya bw’emirihi y’omuzaituni, 18 siwuyihekere* okwa mithahi eyathwibawa. Kundi nibya, wamayihekera* kuyo, wibuke ngoku siwe wukasighika emirihi, aliwe emirihi ku y’eyikakusighika. 19 Neryo wukendi bugha wuthi: “Emithahi yathwibawa nuku ingye ngamathikaweko.” 20 Ekyo kihikire! Busana n’erithendibya n’erikirirya, mubathwibwa, aliwe iwe w’imene busana n’erikirirya. Siwuyiheke, aliwe wubahe. 21 Kundi Nyamuhanga amabya imwathaleka emithahi eyako buhangiranwa, nawu isyendi kuleka. 22 Busana n’ekyo, lengekanaya okwa lhukeri lhwa Nyamuhanga n’obukale bwiwe. Mwakalha okwa bawa, aliwe iwe muwabana olhukeri lhwa Nyamuhanga, ekikulhu wamasighalha omwa lhukeri lhwiwe; bithe bithya, nawu iwukend’ithwibwa. 23 Kandi nabo, bamathendi sighalha omwa mibere yabo ey’erithendibya n’erikirirya, ibakendi mathikwako, kundi kithokekene Nyamuhanga erithasyabamathikako. 24 Kundi wamabya imuwathwibwa okwa muthi w’omuzaituni owali w’omoli buhangiranwa n’erimathikwa okwa muthi w’omuzaituni ow’omw’irima ekindu ekithe ky’obuhangiranwa, ibbwa kwesi kyang’olhoba bungahi erithasyamathika emithahi eyi okwa muthi w’omuzaituni owayinalhueko buhangiranwa!

25 Balikyethu, singanzire mukabya isimwasi embitha eyibuyirire eyi, nuku muleke eriyithwalhamo b’amenge omwa meso wenyu: Obukiru bw’olhulengo lhulebe bwabirihika oko Israeli erihika aho omughanzo wosi ow’ab’ebihanda akendi hindanibirwa, 26 neryo omwa nzira eyi Israeli yosi iyalhamibwa. Ngoku kihandikire kithi: “Omusabuli* akendi syalhua e Sioni n’erilhusya oku Yakobo kw’emitse eyithetsemesaya Nyamuhanga. 27 Kandi eyi ni ndaghane yaghe haghuma nabo, omughulhu ngabalhusayako ebibi byabo.” 28 Ni kwenene, erikwamana n’engulhu yuwene, ibo ni nzighu busana nenyu; aliwe erikwamana n’erisombolha lya Nyamuhanga, ni banzwa busana n’abathatha-kulhu babo. 29 Kundi ebihembo n’eribirikira lya Nyamuhanga si bindu ebyanga leka iniayikubyabwomo. 30 Kundi nomwakine indi kera mumwanaghana eriowa Nyamuhanga aliwe lino mwabirikanganibwa obughanyiri busana n’obuthowa bwabo, 31 neryo aba nabo babiribya bathowa busana nenyu erikanganibwa obughanyiri, nuku nabo banga kanganibwa obughanyiri. 32 Kundi Nyamuhanga abirikingira abosi bo haghuma omwa buthowa nuku angakangania abosi b’obughanyiri.

33 Bathami eby’obugaga bya Nyamuhanga n’amenge n’eriminya liwe ka ni binene kutsibu! Eritswera liwe siryanga sekulibwa likahwayo n’esyonzira siwe sisyangatholibwa esyosi! 34 Kundi “nindi oyuwabiriminya obulengekania bwa Yehova, kutse nindi oyuwabiribya muhabuli wiwe?” 35 Kutse, “nindi oyuwatsuka erimuha kindu, nuku amusubulirayekyo?” 36 Kundi emyatsi yosi yalhua okw’iyo kandi yiriho busana nayu, kandi ni yiwe. Ahebawe olhukengerwa kera na kera. Amina.

Ebitabu Ebiri Omwa Lhukonzo (1982-2026)
Hulhuka
Ingira
  • Lhukonzo
  • Ghaba
  • Ebyawanzire
  • Copyright © 2025 Watch Tower Bible and Tract Society of Pennsylvania
  • Eby'Erighenderako
  • Eribika Embiitha
  • erisetinga eby'embiitha
  • JW.ORG
  • Ingira
Ghaba