Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • 2 Abanya Korinto 11
  • E Biblia y’Embindulha y’Ekihugho Kihya-kihya

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

Ebiri omwa 2 Abanya Korinto

      • Paulo n’abakwenda abakayahulha mo ab’endatha (1-15)

      • Ebitsibu bya Paulo ng’omukwenda (16-33)

2 Abanya Korinto 11:2

Emyatsi Ahikwa

  • *

    Kinywe okwa kinywe, “omuhwa wa Nyamuhanga.”

  • *

    Kutse “oyuhenirye.”

2 Abanya Korinto 11:3

Emyatsi Ahikwa

  • *

    Kutse “ekihenirye.”

Esyoindekisi

  • Obusondoli obw'Erisekuliryamu

    ‘Olhwanzo Lhwa Nyamuhanga’, olhup. 192

2 Abanya Korinto 11:7

Esyoindekisi

  • Obusondoli obw'Erisekuliryamu

    Akaleberyo (Eby’Erigha),

    4/2019, olhup. 4

2 Abanya Korinto 11:8

Emyatsi Ahikwa

  • *

    Kinywe okwa kinywe, “erinyegha.”

2 Abanya Korinto 11:12

Emyatsi Ahikwa

  • *

    Kutse “e ofisi.”

2 Abanya Korinto 11:18

Emyatsi Ahikwa

  • *

    Ni bugha ambu, okwa malengekania w’abandu

2 Abanya Korinto 11:22

Emyatsi Ahikwa

  • *

    Kinywe okwa kinywe, “embutho.”

2 Abanya Korinto 11:23

Esyoindekisi

  • Obusondoli obw'Erisekuliryamu

    Akaleberyo (Eby’Erigha),

    10/2021, olhup. 25-26

2 Abanya Korinto 11:27

Emyatsi Ahikwa

  • *

    Kinywe okwa kinywe, “n’omw’ibya ndumbu.”

2 Abanya Korinto 11:33

Emyatsi Ahikwa

  • *

    Kutse “ekithiri ekikolirwe omwa bindu ebyolhoberere.”

  • E Biblia y’Embindulha y’Ekihugho Kihya-kihya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
  • 33
E Biblia y’Embindulha y’Ekihugho Kihya-kihya
2 Abanya Korinto 11:1-33

Ebaruha Yakabiri Okwa Banya Korinto

11 Ambi imwanyighumisirizya omwa bukiru bwaghe buke. Aliwe omo kwenene, munemunyighumisirizya! 2 Ngawithe erihali busana nenyu, erihali* lya Nyamuhanga, kundi ingye ingyuwene-wene munabalhaghanisya eryingira omwa butheke n’iba mughuma nuku nangabahayo oku Kristo ng’omumbesa oyuw’erire* oyuthe wathabana mulhume. 3 Aliwe ngakwire obuba indi ngoku enzoka yanalombereraya Eva omo mathebo wayo, obulengekania bwenyu bwangana tsandibwa ibwalhua okwa ngebe y’eribya mw’okwenene n’ey’erire,* eyitholere Kristo. 4 Kundi ngoku kiri, omundu amasa, akathulhughania Yesu athe oyo thwathulhughanaya, kutse mwam’angirira omulimu athe ogho mwahebawa, kutse engulhu yuwene yithe eyo mwaligha, mukalhuaho imwamuligha. 5 Kundi sinathalhangirikamo wahisi omo kindu na kighuma oko bakwenda benyu abakayahulhamo ab’endatha. 6 Aliwe nomwakine indi singasi ndeke erikania, ku ngathe indya bikahika okw’iminya; omo kwenene, muthwabakanganiakyo ndeke-ndeke omwa mibere yosi n’omwa buli kindu.

7 Kutse mbwino munakolha ekibi ingayikehya nuku inywe mwangahamibwa, kundi omw’iyanzira munathulhughania engulhu yuwene ya Nyamuhanga ahathe erithuhwa? 8 Ebindi bithunga munabinubya* bikabera erinyiha obuwathikya nuku ngabaherezaye. 9 Aliwe, omughulhu nabya nenyu n’eribya omwa buyithawa, mundabya muheke okwa wosi-wosi, kundi balikyethu abalhua e Makedonia mubamba omwa bungyi ebyo nayithagha. Ee, omwa mibere yosi munayitheya okw’ibya muheke okw’inywe kandi ngendi lholha embere erikolha nyithya. 10 Ekikulhu ekwenene ya Kristo yine omw’ingye, sinendi leka eriyihalhamba eri omwa bitsweka bye Akaya. 11 Busana naki? Mbwino kundi singabanzire? Nyamuhanga anasi ku ngabanzire.

12 Aliwe ekyo nganemukolha ngendilholha embere erikikolha, nuku ngaghunzeho eriyithendererya ly’abanzire eribana ekyanga leka ibabya okwa lhulengo lhwethu omo myatsi* eyo bakayihalhambira. 13 Kundi abalhume ng’abo ni bakwenda b’amabehi, abakoli b’amathebo, abakayisosekanaya ng’abakwenda ba Kristo. 14 Sikiriswekaya, kundi Sitani iyuwene-wene akabera eriyisosekania ng’omumalaika w’ekyakakalha. 15 Neryo sikiriswekaya abaghombe biwe nabu bamabera eriyisosekania ng’abaghombe b’erithunganene. Aliwe enduli yabo yikendi syabya erikwamana n’emibiiri yabo.

16 Ngathasyabugha indi: Sihabye oyukalengekanaya athi ngali mukiru. Aliwe mwamalengekania muthya, obo munyilighe ng’omundu mukiru, nuku naghe ngayihalhambe hake. 17 Neryo ekya ngabugha, sindikibugha ng’oyukakwama eky’erileberyako ky’Omukama, aliwe ngoku omukiru angabugha, oyukayihalhambira amaaka wiwe. 18 Kundi abangyi banemuyihalhamba kinyamubiri,* naghe ngendi yihalhamba. 19 Kundi muli “b’amenge,” mukaghumisirizaya abakiru imunatsemire. 20 Kundi kwenene mukaghumisirizaya owosi-wosi oyukabanubaya, owosi-wosi oyukabanyegha ebindu byenyu, owosi-wosi oyukabasaghulha ebya muwithe, owosi-wosi oyukabayihamirayako, n’owosi-wosi oyukabamathulha omwa busu.

21 Kino ngakibugha nuku thuhemuke, kundi kyangana lhangirika nga thwabirikolha omwa butseke.

Aliwe abandi bamakolha omwa buthubaha—ngakanaya omwa bukiru—naghe ngakolha omwa buthubaha. 22 Mbwino ni Baebrania? Naghe ngali Muebrania. Mbwino ni Baisraeli? Naghe ngali Muisraeli. Mbwino ni b’olhubutho* lhwa Abrahamu? Naghe ngali w’olhubutho lhwa Abrahamu. 23 Mbwino ni baghombe ba Kristo? Ngasubiraya ng’omusire, ingye ngabalengire: Nabirikolha mibiiri mingyi, nabirihirwa omwa ngomo mirundi mingyi, nabiriaghalhwa omw’iswiribwa eritheghanzika, kandi nabiribana bingyi ebyangaleka inakwa. 24 Mirundi ithano, Abayuda mubanyiswirya ebibboko 40 erihako kighuma, 25 mirundi isathu munaswiribwa omwa migho, murundi mughuma munaswiribwa omwa mabwe, mirundi isathu obwathu mubwanyithulhangikirako, munaghunza omwa ngetse mw’omusibo n’ekiro; 26 mughulhu mungyi omwa syongendo, omwa kabi k’esyonyusi, omwa kabi k’ababbandi, omwa kabi erilhua okwa bandu bethu, omwa kabi erilhua okwa banya bihanda, akabi k’omwa tawuni, akabi k’omwa mbwarara, omwa kabi okwa ngetse, omwa kabi k’abalikyethu b’amabehi, 27 omw’ikolha n’erinuba, erikuba othulho mughulhu mungyi, omwa nzalha n’enyotha, eribulha eky’erirya mughulhu wosi, omwa mbehu n’omw’ibulha eky’eryambalha.*

28 Eryongera oko myatsi y’eyihya eyi, hane ekikanyaghalhaya obuli kiro: erihangya-hangya busana n’ebithunga byosi. 29 Omundu amabya mutseke, mbwino naghe sindi mutseke? Omundu amathwikalibwa, mbwino sindi hithanibawa?

30 Namabya ingatholere eriyihalhamba, ngendi yihalhambira emyatsi eyikakanganaya obutseke bwaghe. 31 Nyamuhanga kandi Thatha w’Omukama Yesu, oyutholere eripipwa kera na kera, anasi ku sindiyitheba. 32 E Damasiki, gavana oyuwabya ahisi sya Areta omwami, abya inianalhambire etawuni y’Abadamasiki nuku banyihambe, 33 aliwe ingane omwa kithiri,* mubanyikimirya ahisi omw’inyilhabya omwa lidirisa ly’olhuhimbo lhw’etawuni, neryo namabalha okwa byalha biwe.

Ebitabu Ebiri Omwa Lhukonzo (1982-2026)
Hulhuka
Ingira
  • Lhukonzo
  • Ghaba
  • Ebyawanzire
  • Copyright © 2025 Watch Tower Bible and Tract Society of Pennsylvania
  • Eby'Erighenderako
  • Eribika Embiitha
  • erisetinga eby'embiitha
  • JW.ORG
  • Ingira
Ghaba