Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • Abanya Roma 1
  • E Biblia y’Embindulha y’Ekihugho Kihya-kihya

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

Ebiri omwa Abanya Roma

      • Eriramukya (1-7)

      • Eriyisunza lya Paulo ery’eribungira e Roma (8-15)

      • Omuthunganene akendi syabyaho busana n’erikirirya (16, 17)

      • Abandu abathekenga Nyamuhanga sibanga yihambulya (18-32)

        • Emibere ya Nyamuhanga yikalhangirika omwa bihangikwa (20)

Abanya Roma 1:3

Emyatsi Ahikwa

  • *

    Kinywe okwa kinywe, “embutho.”

Abanya Roma 1:11

Esyoindekisi

  • Obusondoli obw'Erisekuliryamu

    Tsemera Engebe Kera na Kera!, erisomo 10

Abanya Roma 1:12

Esyoindekisi

  • Obusondoli obw'Erisekuliryamu

    Tsemera Engebe Kera na Kera!, erisomo 10

    Omubiiri Wethu ow’Obwami,

    10/2007, olhup. 8

Abanya Roma 1:14

Emyatsi Ahikwa

  • *

    Kutse “abathe Bagiriki.” Kinywe okwa kinywe, “ababbaribbari.”

Abanya Roma 1:20

Esyoindekisi

  • Obusondoli obw'Erisekuliryamu

    Akaleberyo (Eby’Erigha),

    3/2023, olhup. 15-19

    Tsemera Engebe Kera na Kera!, erisomo 7

    Akaleberyo (Eby’Erigha),

    9/2016, olhup. 23-24

    Gherereraya, olhup. 11-12

Abanya Roma 1:23

Emyatsi Ahikwa

  • *

    Kutse “eriyikura.”

Abanya Roma 1:25

Esyoindekisi

  • Obusondoli obw'Erisekuliryamu

    Tsemera Engebe Kera na Kera!, erisomo 13

Abanya Roma 1:27

Emyatsi Ahikwa

  • *

    Kutse “erilihwa.”

Abanya Roma 1:28

Emyatsi Ahikwa

  • *

    Kutse “mubathaligha eryamakirira Nyamuhanga omw’iminya erihikire.”

Abanya Roma 1:29

Emyatsi Ahikwa

  • *

    Kutse “eriyighomba.”

  • *

    Kutse “ab’orugambo.”

Abanya Roma 1:30

Emyatsi Ahikwa

  • *

    Kutse “abakayipika-pikira ebyanga kolha abandi bo nabi.”

  • E Biblia y’Embindulha y’Ekihugho Kihya-kihya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
  • 30
  • 31
  • 32
E Biblia y’Embindulha y’Ekihugho Kihya-kihya
Abanya Roma 1:1-32

Okwa Banya Roma

1 Paulo, omughombe wa Kristo Yesu kandi oyuwabirikirawa eribya mukwenda, oyuwahighulhawa busana n’engulhu yuwene ya Nyamuhanga, 2 eyo asangwa alhaghanisya erilhabira omwa baminyereri biwe omwa Masako abuyirire, 3 eyihambire oko Mughalha wiwe, oyuwasirira omwa lhubutho* lhwa Dawudi erikwamana n’omubiri, 4 aliwe mwahulhwamo Mughalha wa Nyamuhanga omwa buthoki bw’omulimu abuyirire erilhabira omw’ilhubukibwa okwa baholi—ee, Yesu Kristo Omukama wethu. 5 Erilhabira omw’iyo muthwahebwa olhukogho n’omubiiri w’obukwenda nuku abandu b’ebihanda byosi banga kangania erikirirya n’eribya bowa okw’iyo busana n’erisikya erina liwe, 6 ebihanda ebyo nenyu mwalhusibawamo eribya bandu ba Yesu Kristo— 7 okwa bosi abali e Roma ng’abanzwa ba Nyamuhanga, ababiribirikirwa eribya babuyirire:

Olhukogho n’obuholho erilhua oku Nyamuhanga Thatha wethu n’Omukama Yesu Kristo bibye nenyu.

8 Ngatsuka eriha Nyamuhanga waghe y’ewasingya erilhabira omu Yesu Kristo busana nenyu inywe bosi, kundi erikirirya lyenyu linemukanibwako omo kihugho kyosi. 9 Kundi Nyamuhanga, oyo ngakolera omubiiri owabuyirire omwa ngebe yaghe yosi busana n’engulhu yuwene eyihambire oku Mughalha wiwe, akanyihera obwema ngoku sindileka eribahulha omwa misabe yaghe mughulhu wosi, 10 erilemba-lemba indi kyamathokekana erighunzerera ingathoka eryasa eyo muli omw’isonda lya Nyamuhanga. 11 Kundi ngakwire olhukando lhw’eribalholhako, nangababwira okwa kihembo ky’obunyakirimu nuku musike; 12 kutse nibya, thwangahimbana omw’ikirirya eryenyu n’eryaghe.

13 Aliwe balikyethu, singanzire mukabya buthaminya, ngoku mirundi mingyi ngabya inganemwanza eryasa eyo muli—aliwe nabiribya inganemukakiribwa erihika na lino—nuku nangabana n’omw’inywe mw’ebibuya ngoku byabanika omwa b’ebindi bihanda. 14 Indi mw’eribanza ly’Abagiriki n’ababunga,* ab’amenge n’abathawithe amenge; 15 neryo nganzire kutsibu erithulhughania engulhu yuwene n’okw’inywe abali e Roma. 16 Kundi sindi kwira engulhu yuwene y’esisoni; kundi nibya, eyi bw’obuthoki bwa Nyamuhanga obw’eriletheramo omulhamu okwa buli mundu oyuwithe erikirirya, erimbere okwa Muyuda n’Omugiriki iniakwamako. 17 Kundi erilhabira omwa ngulhu yuwene, erithunganene lya Nyamuhanga linemubisulhwa omw’ikirirya kandi busana n’erikirirya, ngoku kihandikire kithi: “Aliwe omuthunganene akendi syabyaho busana n’erikirirya.”

18 Erihithana lya Nyamuhanga linemubisulhwa erilhua elhubulha busana n’abandu abosi abathekenga Nyamuhanga kandi abakakolha ebithathunganene abanemukakirya ekwenene omwa nzira eyithathunganene, 19 kundi ebyanga minywa ebihambire oku Nyamuhanga bilhangirikire ndeke-ndeke omwa kathi-kathi kabo, kundi Nyamuhanga mwabiminyikalya okw’ibo. 20 Kundi emibere yiwe eyithelhangirika, ni bugha ambu, obuthoki bwiwe obwa kera na kera n’Obunyamuhanga bwiwe, yikalhangirika ndeke-ndeke erilhua aho ekihugho kikathahangikirwa, kundi yikaminyawa omwa bindu eby’ahangikawa, neryo sibawithe eky’eriyihambulyamo. 21 Kundi nomubanabya basi Nyamuhanga, mubathamuha olhukengerwa nga Nyamuhanga kutse mubathamuha ewasingya, aliwe mubabya bakiru omwa bulengekania n’emithima yabo y’obuthalengekania muyabya mwirima. 22 Nomubanabya bakabugha bathi bawithe amenge, mubabya bakiru 23 kandi mubahindulha olhukengerwa lhwa Nyamuhanga oyuthehonda mwa kindu ekiri ng’esanamu ey’omundu oyukahonda n’esyonyonyi n’ebihangikwa by’amaghulhu ani n’ebikakulhulhuka* okwa kithaka.

24 Neryo busana n’erighendera okwa syongumbu sy’emithima yabo, Nyamuhanga mwabaleka omwa bukine, nuku emibiri yabo siyisikibawe omwa kathi-kathi kabo. 25 Mubahingisya ekwenene ya Nyamuhanga mw’amabehi n’eriramya n’erikolera ebihangikwa omubiiri owabuyirire omwakanya k’Omuhangiki, oyukapipawa kera na kera. Amina. 26 Ky’ekyaleka Nyamuhanga inialekabo bahekawe omwa syongumbu sy’emyatsi y’engyingo esithe kw’eriyikakirya, kundi abakali omwa kathi-kathi kabo mubakolesya emibiri yabu mbaghane ngoku obuhangiranwa bw’omukali butholere; 27 kuthya n’abalhume mubasighania emikolesirye y’obuhangiranwa ey’eby’engyingo eby’omulhume n’omukali neryo lhusire-sire bamasa mw’olhukumbu-kumbu lhw’omulhume okwa mulhume, erikolha eby’esyonye n’eriyihikya okw’ibana erisuyirwa lyosi,* eryabya litholere erilholho lyabu.

28 Ngoku bathalhangira ku kitholere eriminya Nyamuhanga,* Nyamuhanga mwabaleka omwa bulengekania obuthatsemesaya, erikolha ebithatholere. 29 Kandi babya boswire mw’ebithathunganene byosi, obubi, omururu,* n’ebibi, eryosulhamo eritsuru, er’itha, amalhwa, amabehi, n’erikolha abandi ba nabi, eribya ab’ebwebwebwe,* 30 ab’olhuthongo, abakapona Nyamuhanga, erithendi sikya, emiyiheko, eriyitumya, abakaya esyombitha sy’akabi,* abathiowa ababuthi, 31 abatheyitheghereraya, abathaberereraya ebyo bakayilhagha, abathawithe olhwanzo, n’abathawithe bughanyiri. 32 Nomwakine indi aba banasi ndeke ebihano bya Nyamuhanga ebithunganene—ebikabugha bithi abakakolha emyatsi ng’eyo batholere ibakwa—sibali subulira okw’ilholha embere erikolhayo aliwe kandi bakasighika n’abakakolhayo.

Ebitabu Ebiri Omwa Lhukonzo (1982-2026)
Hulhuka
Ingira
  • Lhukonzo
  • Ghaba
  • Ebyawanzire
  • Copyright © 2025 Watch Tower Bible and Tract Society of Pennsylvania
  • Eby'Erighenderako
  • Eribika Embiitha
  • erisetinga eby'embiitha
  • JW.ORG
  • Ingira
Ghaba