Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • wp21 na. 1 olhup. 8-9
  • Busana Naki Nyamuhanga Syali Subiraya Emisabe Yosi?

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

  • Busana Naki Nyamuhanga Syali Subiraya Emisabe Yosi?
  • Akaleberyo Akakarangirira Obwami Bwa Yehova (Ey’Erighaba)—2021
  • Omwatsi Owasosene
  • Yithunde Hakuhi na Nyamuhanga Omwa Musabe
    E Biblia Kwenene Yikakangiriraya Ki?
  • Olhusunzo lhw’Omusabe
    E Biblia Yanga Thukangiriryaki?
  • Yithunde Hakuhi na Nyamuhanga omw’Isaba
    Tsemera Engebe Kera na Kera!—Erigha e Biblia omw’Ikanirania
  • Ekitsweka 11
    Hulikirira Nyamuhanga
Lebaya n'Ebindi
Akaleberyo Akakarangirira Obwami Bwa Yehova (Ey’Erighaba)—2021
wp21 na. 1 olhup. 8-9

Busana Naki Nyamuhanga Syali Subiraya Emisabe Yosi?

Thatha wethu w’elhubulha, Yehova Nyamuhanga, anayitheghekire kandi akatsemera erihulikirira emisabe yethu eyikalhua okwa muthima. Aliwe hane ebyangaleka iniathasubirya emisabe yethu. Ni byahi, kandi thutholere ithwabya ithun’ibukireki thukasaba? Hano hane obusondoli erilhua omwa Biblia.

Egurupu y’abandu omwa kanisa, banemusaba omusabe w’omwa katabu k’emisabe.

“Omughulhu mukasaba, simubye mukasubirira omwa binywe bithya-bithya [ebighumerere].”​—Matayo 6:7.

Yehova syalianza thukasubirira omwa misabe eyo thwabirihambira omwa muthwe kutse erisoma eyiri omwa kitabu ky’emisabe. Aliwe, anzire ithwabugha ebikalhua okwa muthima. Thalengekania nga wangayowa wuthi munywani wawu amabera erikubwira ebinywe bighumerere obuli kiro. Abanywani abanzene bakabwirana ebiri okwa muthima kandi ahathe eribisirira. Thwamasaba omwa binywe byethu, kikakanganaya ngoku Thatha wethu w’elhubulha ni munywani wethu.

Omulhume anasamalire endatha inianemuhalha-halha ekada ey’erithunga kindu kirebe.

“Mukabulhaya [mukasaba] neryo simwebanabyo, kusangwa mukabulhaya [mukasaba] nabi.”​—Yakobo 4:3.

Ahathe erithika-thika sithwangalengekania thuthi Nyamuhanga akendisubirya emisabe yethu thwamasaba ebindu ebyo thunasi ku athanzire thukakolha kutse thukathunga. Ng’eky’erileberyako, Yehova anganasubirya emisabe y’abakasatha emisathu y’erisathira esyosente kandi inianemuthukunga athi sithubye ab’omururu n’erisondya emighisa omwa nzira y’obukumu-kumu? (Isaya 65:11; Luka 12:15) Ahathe erithika-thika, isithwalengekanaya thuthi Yehova anganasubirya emisabe ng’eyo! Nyamuhanga erisubirya emisabe yethu thukamusaba, thutholere ithwamusaba erikwamana n’ebyo akathubwira omwa Biblia.

Omukulhu w’edini anemusabira egurupu y’abasirikali.

“Oyukakungutha okuthwe kwiwe okw’owa ebihano, erisaba liwe ni nye.”​—Emisyo 28:9.

Omwa buthuku bwe Biblia, Nyamuhanga isyalisubiraya abakaghana ebihano biwe ebithunganene. (Isaya 1:15, 16) Syali athahinduka. (Malaki 3:6) Thwamanza Nyamuhanga asubiraye emisabe yethu, thutholere ithwakenga ebihano biwe. Kandi ibbwa, thwamabya imuthwakolha ebindu bibi kera? Mbwino ekyo kikamanyisaya kithi Yehova syanga thuhulikirira? Kwa bithe bithya! Nyamuhanga anayitheghekire erithughanyira omo lhwanzo thwamayisubamo n’erilengaho erimutsemesya.​—Emibiri 3:19.

“Omundu siangathoka eritsemesya Nyamuhanga, kusangwa litholere oyukahika oku Nyamuhanga in’ikirirya ko Nyamuhanga aneho, kandi kw’akahemba abakamusonda-sonda.”​—Abaebrania 11:6.

Omukali anemusoma e Biblia.

Sithuli kwama kyasaba kundi thwanzire eriyowa buholho omughulhu thuwithe amaghaniryo. Ni kangania erikirirya lyethu kandi ni kighuma ky’okw’iramya Nyamuhanga. Omwigha Yakobo akabugha athi thwamathendi saba omw’ikirirya, neryo ‘isithwaghaniraya thuthi thwasyabana kindu ew’Omukama.’ (Yakobo 1:6, 7) Eribya n’erikirirya omu Nyamuhanga, thutholere ithwahiraho obuthuku n’akaghalha erimuminya omw’igha e Biblia. Erikolha ekyo kikendi thuwathikya eriminya erisonda liwe kandi ithwamusaba ithunasikire.

ISIWABIKYAKO!

Nomwakine indi Nyamuhanga syalisubiraya emisabe yosi, akahulikirira n’erisubirya emisabe eyikalhua okwa muthima ey’esyomiliyoni sy’abandu. E Biblia yikathondogholha ebyo wangakolha nuku emisabe yawu yitsemesaye Nyamuhanga. Omwatsi owakakwamako akendi soborera.

    Ebitabu Ebiri Omwa Lhukonzo (1982-2026)
    Hulhuka
    Ingira
    • Lhukonzo
    • Ghaba
    • Ebyawanzire
    • Copyright © 2025 Watch Tower Bible and Tract Society of Pennsylvania
    • Eby'Erighenderako
    • Eribika Embiitha
    • erisetinga eby'embiitha
    • JW.ORG
    • Ingira
    Ghaba