Emyatsi Eyikakanganaya

Ngoku Thwanga Tsuka Erigha n’Abandu e Biblia Okwa Kyamukagha eky’Erimbere Omwa Januare

“Abandi bandu bakaligha ngoku e Biblia ni kitabu ky’eriyikethera ekiri mw’amaminyereri. N’abandi bakayowa bathi sikyolho eriyitheghererya amaminyereri awalimu. Nawu wukalengekanaya wuthi ki?” Muleke asubiraye. Enyuma waho, muhe e Watchtower eya Januare 1, n’erisoma haghuma omwatsi owali ahisi sy’omuthwe muke ow’erimbere owali okwa lhupapura 16, kandi musome hakiri erisako lighuma. Muhe esyogazeti, n’erihira h’emitheghekere ey’erisyasubulha erikania okwa kibulyo ekikakwamako.

The Watchtower Januare 1

“Thwangan’ighira bingyi okw’abalhume n’abakali abakera. Kwa bithe? [Muleke asubiraye.] Omulhondo ono akakanaya okwa mulhume mughuma oyo e Biblia yikahulha mwa ‘mwira wa Nyamuhanga.’ [Soma Yakobo 2:23.] Egazeti eno yikasoborera ekyaleka Nyamuhanga iniamwahulha mwa mwira wiwe kutse munywani wiwe kandi yikakanaya okwa ebya thwang’ighira okwa ky’erileberyako kya Abrahamu.”

Awake! Januare

“Erihemberera n’eyindi miringo ey’erithendibya mw’ekwenene yabirikanyirira omwa by’obusubure. Abandi bakayowa bathi wamathulha ekwenene eyosi siwanga ghoba. Nawu wukabugha wuthi ki? [Muleke asubiraye.] Thahulikirira omusyo ono. [Soma Emisyo 20:17.] Egazeti eno yikakanaya okwa mighaso ey’eribya mw’ekwenene.”