Ebya Thwanga Bugha
Eritsuka Erigha n’Abandu e Biblia Okwa Kyamukagha eky’Erimbere Omwa Julai
“Hakuhi obuli mundu akanza abyeho omwa ngebe eyuwene ahabw’omughulhu muuli. Sithwasi naghu nga wanga bugha wuthiki okwa kibulyo kino: Wukalengekanaya ekiro kine mwendi syahika abanya sayansi n’ab’emibatsi ibaleka ithwabyaho kera na kera? [Leka asubiraye] Thahulikirira ekikabughawa hano.” Mukanganaye omwatsi owali ahisi sy’ekibulyo ky’erimbere okwa kidipa kw’enyuma ekye Watchtower eya Julai 1, n’erikania kugho haghuma n’okw’isako hakiri lighuma okwa wakanganibwe. Muhe esyogazeti n’erihira h’emitheghekere ey’erisyasubulha erikania okwa kibulyo ekikakwamako.
Minya kino: Eky’erilhangirirako eki kitholere ikyakolhwa omwa muhindano ow’eriyathulira Julai 6.
The Watchtower Julai 1
“Abangyi abathukakanaya nabu banawithe amadini wabu. Aliriryo abandi bakabugha bathi sibakiyikethere amadini. Nawu edini wukalhangirayo wuthi? [Leka asubiraye] Yesu mwathuhererya ekyanga thuwathikya eriminya edini y’ekwenene nga ni yahi. [Soma Luka 6:44a.] Egazeti eno yikakanaya okwa mibere mibi eyikabanika omwa madini mangyi. Yikathasya subiraya okwa kibulyo kino: Thunatholere ithwayikethera edini yosi-yosi?”
Awake! Julai
“Thunemukania n’abaliranwa bethu okwa kitsibu ekikalyambaya abandu—Obuthe bulingirirania. Abandi bandu bakalengaho erirwanisya ekitsibu eki omw’iyisamambulha. Wukalengekanaya abandu abakayisamambulha bakanaleka ihabya mbinduka? [Leka asubiraye.] Thalebya ekya Biblia yikabugha yithi kya kikendi syaletha embinduka eyuwene okwa kihugho. [Soma Matayo 6:9, 10.] Egazeti eno yikasubiraya okwa kibulyo kino: Mbwino eriyisamambulha nina mubatsi?”
Engulhu Yuwene Erilhua Oku Nyamuhanga!
“Thune mubungira amaka eribabwira okwa mwatsi owakahimba erilhua omwa Biblia. Abangyi abathukakanaya nabu bakayibulhaya ekikaleka Nyamuhanga w’olhwanzo inialekereraho eriaghalhwa lingyi omwa kihugho. Mbwino wukalengekanaya kyabya kighendererwa kya Nyamuhanga indi eriaghalhwa libye omwa kihugho?” Leka asubiraye. Ghenda okw’Isomo lya 5, wanasoma n’erikania okwa syonungu ibiri esy’erimbere-mbere n’amasako awali omwa binywe ebikesirye. Muhe ebrokyuwa n’erihiraho emitheghekere ey’erisyakania okwa kibulyo ekikakwamako ekiri omwa binywe ebinire kutsibu.