ENGEBE YETHU NG’ABAKRISITAYO

Yehova Anzire Abandu Abayonzo

“Naba okwa byalha. Yonza ahawukakesaya. Biraya enyumba. Utha ebithi.” Ababuthi bangyi bakakangiriraya abaana babu ngoku bangabya ibane bayonzo kinyamubiri. Aliwe, emisingyi eyihambire okwa buyonzo yilhuire oku Nyamuhanga wethu oyubuyirire. (Eri 30:18-20; Ebi 23:14; 2Kor 7:1) Omubiri wethu n’ebindu byethu byamabya ibinayonzire, kikaleka Yehova iniasikibwa. (1Pet 1:14-16) Kandi ibbwa omwa miyi yethu n’ebithuthimbireko? Erithendibya ng’abandi bandu abakaghusanga ebithi bya kithya-kithya okwa nzira n’ah’abandu bakayitsemeseraya, Abakristayo ibo bakalengaho erilhangira bathi ekihugho obw’ikalho bwabo bukabya ibunahenirye. (Esy 115:16; Erib 11:18) Nibya n’omwa bindu bike-bike, ng’emibere thukaghusiramu ehivera ehikaboha esyopipi, ehitsupa ehikabya mw’eby’erinywa, kutse esyobbologamu, yikakanganaya amalengekania awathuwithe okwa buyonzo. Omwa ngebe yethu yosi, thwanzire ‘ithwayikangania ng’abaghombe ba Nyamuhanga.’—2Kor 6:3, 4.

MULEBAYE EVIDIYO NYAMUHANGA ANZIRE ABAYONZO, MWANASUBIRYA EBIBULYO BINO:

Abandi bangana yihambulya bathiki busana n’erithendi yonza ebindu byabu?
Emighambo ya Musa muyakangania yithi amalengekania wa Yehova owahambire okwa buyonzo?
Thwanga lethera thuthi Yehova y’eripipwa nibya isithuthabugha na kinywe?

Mughalha wethu ane mw’ingira omwa matoka ya mughalha wiwe eyikinire; thatha na mughalha wiwe bane mukania okwa misingyi ya Yehova ey’obuyonzo; abahereri babiri ab’omwa buthuku bw’Abaisraeli ban’imene ahali ekinabiro ky’omulinga; egurupu y’omubiiri w’eriyathulira yikalhua omwa matoka ya mughalha wiwe lero iyabiriowibwa — Nanga kangania indi amalengekania wa Yehova awahambire okwa buyonzo omwa ngebe yaghe?