Kolesaya Ndeke Ekiyo

Omwigha Yakobo mwalinganisya e Biblia n’ekiyo ekikathuwathikaya erilhangira omundu oyo thuli omwakathi. (Yak. 1:22-25) Thwanga kolesya thuthi ndeke e Biblia ng’ekiyo?

Yithondolhaye wukasoma. Thwamakwama kyayilebya omwa kiyo omw’iharabana, ithwangana gheghena ehindu hirebe ehisobire ehithuliko. Erithoka erilhangira ebindu birebe ebihambire okwa mundu wethu w’omwakathi, thutholere ithwayilebya omw’ikolesya ekinywe kya Nyamuhanga omw’ikisoma ithunayithondwerye.

Yisamalire butsira erisamalira abandi. Ekiyo kyamahambwa mahengu-hengu ikyangana kangania obulema obuli okwa wundi mundu. Kuthya, ithwangana kolesya e Biblia erikangania ebisobyo by’owundi. Aliwe eki isikyendi thuwathikya erihengulha ebisobyo byethu.

Kanganaya obuyitheghererya. Thwamahwerya amalengekania w’okwa bisobire ebithuliko ebyo ekiyo kyamakangania, ithukendihwa amani. Thutholere ithwakangania obuyitheghererya omughulhu thukasoma Ekinywe kya Nyamuhanga omw’ithendi yisondyako bingyi kwilhaba ebyo Yehova akathuyithaghako.​—Yak. 3:17.