EBY’OBUGHULI OMWA KINYWE KYA NYAMUHANGA | 2 ABANYA KORINTO 4-6
“Sithweremererawa”
Thalengekania okwa sy’eka ibiri esikere omwa nyumba nguma enyikulhu-kulhu kandi eyitsandire. Eka nguma iyo iyabya iyine omwa bulighe bunene. Ekiri mbaghane okw’ekyo, eyindi iyo iyabya iyinatsemire. Busana naki? Eka eyakabiri yikisigha iyahumira omwa nyumba yayu eyuwene kandi enyihya-nyihya.
Nomwakine indi “ebihangikwa byosi bikasimba n’erikunda haghuma,” abaghombe ba Nyamuhanga bawithe amaha awakabahumulikanaya. (Abar 8:22) Thunakyasi ngoku ebitsibu byethu ebyathuwithe lino, nibya n’ebyabirighunza mughulhu muuli, nibya ‘kathambi kake’ thwamabilinganisya n’ekihugho kinya-kihya kya Nyamuhanga ekikendisyabyaho kera na kera. Erihwerya amalengekania wethu okwa mighisa y’Obwami eya thukendisyathunga kikendi thuwathikya eribya ithunatsemire kandi ithwaghana erilemererwa.