Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • lff erisomo 60
  • Lholha Embere Erikulha-kulhana

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

  • Lholha Embere Erikulha-kulhana
  • Tsemera Engebe Kera na Kera!—Erigha e Biblia omw’Ikanirania
  • Emithwe Mike-mike
  • Omwatsi Owasosene
  • THASYIGHA BINGYI
  • OMWA BIKUHI
  • MINYA BINGYI
  • Kolesaya Ebilhubirirwa by’Obunyakirimu Eriha Omuhangiki Wethu y’Olhukengerwa
    Akaleberyo Akakarangirira Obwami Bwa Yehova—2004
  • Abalere, Amalengekania Wenyu Ane Okwa Bilhubirirwa by’Obunyakirimu?
    Akaleberyo Akakarangirira Obwami Bwa Yehova—2018
  • 12 Ebilhubirirwa
    Awake!—2018
  • Abalere—Mulhole Embere Erikulha-kulhana Enyuma w’Eribatizibwa
    Akaleberyo Akakarangirira Obwami Bwa Yehova (Eby’Erigha) (2022)
Lebaya n'Ebindi
Tsemera Engebe Kera na Kera!—Erigha e Biblia omw’Ikanirania
lff erisomo 60
Erisomo 60. Omukali anikere omo bbalaza yiwe anemusoma e Biblia. Ekitabu ‘Draw Close to Jehovah’ kine okwa meza yiwe.

ERISOMO 60

Lholha Embere Erikulha-kulhana

Ebiprintingirwe
Ebiprintingirwe
Ebiprintingirwe

Omw’igha lyawu eryosi erye Biblia lino, wabirigha bingyi ebihambire oku Yehova. Ebya wabirigha byabirileka iwamwanza kutsibu indi obundi ky’ekyabirileka iwayihayo okw’iyo n’eribatizibwa. Wamabya isiwuli wakolha ekyo, obundi wunemulengekania okw’ikolhakyo obuthuku obukasa. Aliwe erikulha-kulhana siririsubulira okw’ibatizibwa. Wangana lholha embere eriyithunda hakuhi na Yehova kera na kera. Wuthi?

1. Busana naki wutholere iwalholha embere erighumya obunywani bwawu na Yehova?

Thutholere ithwahiraho akaghalha kanene erilholha embere erighumya obunywani bwethu na Yehova. Busana naki? Nuku ‘sithuyihengeke’ thukamulhuako. (Abaebrania 2:1) Ni kyahi ekyanga thuwathikya erilholha embere erikolera Yehova buthaleghulha? Thwangana yihwerya omwa mubiiri w’erithulira n’erisondya esindi nzira esya thwang’ongereramu erikolera Nyamuhanga wethu. (Soma Abanya Filipi 3:16.) Erikolera Yehova y’enzira eyuwene ey’erikoleseryamo engebe yawu!​—Esyonyimbo 84:10.

2. Ni kindi kyahi ekya wutholere iwalholha embere erikolha?

Nomwakine indi erigha eri lyamahwa, engebe yawu ng’Omukristayo yikendi lholha embere. E Biblia yikabugha yithi thutholere ‘ithwabya bandu bahya-bahya.’ (Abanya Efeso 4:23, 24) Wukendibya wunemulholha embere erigha Ekinywe kya Nyamuhanga n’erihindana okwa mihindano, wukend’igha bindu bihyaka oku Yehova n’emibere yiwe. Sondekanaya esyonzira esyo wang’ongereramu erigherererya emibere yiwe omwa ngebe yawu. Lholha embere erikolha esyombinduka esikayithaghisibawa erithoka eritsemesya Yehova.

3. Yehova akendi kuwathikya athi erikulha-kulhana?

E Biblia yikabugha yithi: ‘Nyamuhanga asyabahikania, n’eribasikya, n’eribaha amaaka, n’eribahangania ndeke.’ (1 Petero 5:10) Ithwe bosi thukalengawako. Aliwe Yehova akathuha ebya thukayithagha erithoka erighanalyo. (Esyonyimbo 139:23, 24) Akakulhaghanisaya erikuha “omuthima w’erianza n’amaaka” w’erimukolera buthaleghulha.​—Abanya Filipi 2:13, NWT.

THASYIGHA BINGYI

Minya nga wanga lholha wuthi embere erikulha-kulhana kandi ngoku Yehova angakutsumulha.

4. Lholha embere erikanirania na Munywani wawu w’okwa ndungu

Erisaba n’erigha e Biblia byabirikuwathikya eribya munywani wa Yehova. Ebyo byanga kuwathikya bithi eryongera eriyithunda okw’iyo?

Soma Esyonyimbo 62:8, mwanakania okwa kibulyo kino:

  • Erithoka erighumya obunywani bwawu na Yehova, wang’uwania wuthi emisabe yawu?

Soma Esyonyimbo 1:2, mwanakania okwa kibulyo kino:

  • Erithoka erighumya obunywani bwawu na Yehova, wanguwania wuthi emibere yawu y’erisoma e Biblia?

Wanga kolhaki eryongera erighasirwa omw’iyeghesya lyawu? Eribana amenge malebe, mubughaye EVIDIYO, mwanakania okwa bibulyo ebikakwamako.

EVIDIYO: Iwanaya Emibere Yawu y’Eriyegheseryamo (5:22)

  • Okwa menge awali omo vidiyo, ni wahi agho wanga kolesya?

  • Ni myatsi yahi eya wanganza eriyeghesyako?

5. Yihirireho ebilhubirirwa by’obunyakirimu

Eriyihiriraho ebilhubirirwa omwa mubiiri wa Yehova kikendi kuwathikya erilholha embere erikulha-kulhana. Mubughaye EVIDIYO, mwanakania okwa kibulyo ekikakwamako.

EVIDIYO: Engebe Eyuwene (3:31)

  • Omo vidiyo, Cameron mwaghasirwa athi omw’iyihiriraho ebilhubirirwa by’obunyakirimu?

Si bugha indi obuli mundu angana thoka eriyathulira omo kindi kihugho. Aliwe, ithwe bosi thwangana yihiriraho ebilhubirirwa ebya thwanga hikako. Soma Emisyo 21:5, wanalebya nga ni bilhubirirwa byahi ebya wanganza eriyihiriraho . . .

  • omwa kithunga.

  • omw’ithulira.

Omusingyi owali omwa mulhondo oyu anga kuwathikya athi erihika okwa bilhubirirwa byawu?

Ebilhubirirwa ebya wanga yihiriraho

  • Iwanaya emisabe yawu.

  • Soma e Biblia eyosi.

  • Minya obuli mundu omwa kithunga kyenyu.

  • Tsukisaya omwigha n’erigha nayu.

  • Kolha ng’omutemburi omuwathikya kutse ow’omughulhu wosi.

  • Wamabya iwuli mughalha wethu, yihirireho ekilhubirirwa ky’eribya mughombe omuwathikya.

6. Tsemera engebe kera na kera!

Soma Esyonyimbo 22:26, 37:11, 29, mwanakania okwa kibulyo kino:

  • Wanga kolhaki eritsemera engebe lino kandi kera na kera?

Abandu bane omwa kihugho paradiso.

OMWA BIKUHI

Lholha embere erighumya obunywani bwawu na Yehova n’eriyihiriraho ebilhubirirwa by’obunyakirimu. Neryo iwukendi syatsemera engebe kera na kera!

Eriyibukya

  • Busana naki iwayikethera ngoku Yehova akendi kuwathikya erimukolera buthaleghulha?

  • Wanga ghumya wuthi obunywani bwawu na Yehova?

  • Ebilhubirirwa by’obunyakirimu byanga kuwathikya bithi erikulha-kulhana?

Ekilhubirirwa eky’obuthuku buuli

MINYA BINGYI

Ni kyahi ekya Yehova akalhangira mwa kikulhu, erikolha ekindu kighuma ekya mani ekikakanganaya ku wuyihereyo okw’iyo kutse erisighalha muthaleghulha okw’iyo omo ngebe yawu yosi?

Ibya Muthaleghulha nga Abrahamu (9:20)

Nibya n’omughombe muthaleghulha wa Yehova angana bulha etseme. Lebaya ngoku wanga thasyabanayo.

Thasyabana Etseme omw’Iyeghesya n’Erighanirya (5:25)

Wanga yihiriraho wuthi ebilhubirirwa by’obunyakirimu n’eriberereryabyo?

“Kolesaya Ebilhubirirwa by’Obunyakirimu Eriha Omuhangiki Wawu y’Olhukengerwa” (The Watchtower, Okwomusanju 15, 2004)

Busana naki ni kikulhu eribya Mukristayo oyukulire bunyakirimu, kandi wanga kikolha wuthi?

“Thulhole Embere Erikulha-kulhana​—‘Ekiro Kinene ky’Omwami Mukulhu Kiri Hakuhi’” (The Watchtower, Okwakathano 15, 2009)

    Ebitabu Ebiri Omwa Lhukonzo (1982-2026)
    Hulhuka
    Ingira
    • Lhukonzo
    • Ghaba
    • Ebyawanzire
    • Copyright © 2025 Watch Tower Bible and Tract Society of Pennsylvania
    • Eby'Erighenderako
    • Eribika Embiitha
    • erisetinga eby'embiitha
    • JW.ORG
    • Ingira
    Ghaba