ERISOMO 36
Mubye b’Okwenene Omwa Myatsi Yosi
Obuli mundu akanza banywani abali mw’okwenene. Yehova anzire banywani biwe nabu ibabya mw’okwenene. Aliwe eki sikyolho omwa kihugho ekiri mw’abandu bangyi abathe mw’okwenene. Ni mighisa yahi eyikasa busana n’eribya w’okwenene omo myatsi yosi?
1. Ni nzumwa yahi ngulhu eyikaleka ithwabya b’okwenene?
Thwamabya b’okwenene embere sy’abandi, thukakanganaya Yehova ku thumwanzire kandi ku thumusikirye. Thalengekania oku kino: Yehova anasi ebyosi ebya thukalengekanaya n’erikolha. (Abaebrania 4:13) Akalhangira thukathwamu eribya b’okwenene, kandi akasima ekyo. Ekinywe kiwe kikabugha kithi: ‘Abahengemire ni nye oko Mwami Mukulhu; nikwa obwira bwiwe buli haghuma n’abathunganene.’—Emisyo 3:32.
2. Ni mibere nga yahi eya thwangaberamo b’okwenene omo ngebe yethu ya buli kiro?
Yehova anzire ithwabugha ‘eby’ekwenene oko balikyethu.’ (Zekaria 8:16, 17) Eki kikamanyisayaki? Mbulha thukakanaya n’ab’eka yethu, abathukakolha nabu, Abakristayo balikyethu, kutse abanya gavumente, si thuli bugha amabehi kutse eribugha eby’amathebo. Abandu abali mw’okwenene sibalyiba kutse erinyegha abandi. (Soma Emisyo 24:28 na Abanya Efeso 4:28.) Kandi bakathuha emisolho yosi eya batholere erithuha. (Abanya Roma 13:5-7) Omw’ebi n’omwa sindi nzira, “thwanzire eribya b’okwenene omwa myatsi yosi.”—Abaebrania 13:18, NWT.
3. Ni mighisa yahi eyikasa busana n’eribya mw’okwenene?
Thwamabya thwasibwe ng’abandu abali mw’okwenene, abandi bakathuyikethera. Thukaleka obuli mundu iniayowa buholho omwa kithunga. Thukabya n’obunyamuthima-thima obuhenirye. Kandi eribya mw’okwenene kyanganaleka ‘ithuwania erikangirirya lya Nyamuhanga Omulhamya wethu,’ n’erileka abandi ibasa omw’iramya ly’okwenene.—Tito 2:10.
THASYIGHA BINGYI
Lebaya ngoku eribya mw’okwenene kikahamba oku Yehova n’okw’iwe, kandi minya nga wangabya wuthi mw’okwenene omwa mibere muthina-muthina y’engebe.
4. Eribya mw’okwenene kikatsemesaya Yehova
Soma Esyonyimbo 44:21 na Malaki 3:16, mwanakania okwa bibulyo bino:
Busana naki wukalhangira isi ky’amenge erilengekania wuthi ithwabisa ekwenene?
Wukalengekanaya Yehova akayowa athi thukathwamu eribugha ekwenene, nibya n’omughulhu kikalire erikolha?
Abaana bakabya bakabugha ekwenene, bakatsemesaya ababuthi babu. Thukabya thukabugha ekwenene, thukatsemesaya Yehova
5. Ibya w’okwenene mughulhu wosi
Abandu bangyi bikirirye bathi sikyanga thokekana eribya mw’okwenene mughulhu wosi. Aliwe minya ekikaleka ithwabya ithutholere eribya b’okwenene mughulhu wosi. Mubughaye EVIDIYO.
Soma Abaebrania 13:18, mwanakania ngoku thwangabya b’okwenene . . .
omw’eka.
okwa mubiiri kutse okwa sukuru.
omwa yindi mibere.
6. Eribya mw’okwenene kikathughasira
Eribya mw’okwenene kyanganaletha bitsibu birebe. Aliwe wukasanga ekyo ikyabya iky’ekitholere erikolhwa. Soma Esyonyimbo 34:12-16, mwanakania okwa kibulyo kino:
Eribya mw’okwenene kikuwanaya kithi engebe yawu?
Omulhume na mukali wiwe abali mw’okwenene bakaghumaya obutheke bwabu
Abakoli abali mw’okwenene bakaleka ababahere omubiiri ibabayikethera
Abikalhani abali mw’okwenene bakabya n’erina eryuwene embere sy’abathabali
ABANDI BAKABUGHA BATHI: “Amabehi make siki.”
Busana naki iwaligha ngoku Yehova aponire amabehi wosi?
OMWA BIKUHI
Yehova anzire banywani biwe ibabya mw’okwenene omwa byosi bakabugha n’erikolha.
Eriyibukya
Ni mibere nga yahi eyathwangaberamo b’okwenene?
Busana naki si ky’amenge erilengekania wuthi ithwanganabisa ekwenene?
Busana naki wanzire eribya w’okwenene mughulhu wosi?
MINYA BINGYI
Ababuthi banga kangirirya bathi abaana babu eribya mw’okwenene?
Thukaghasirawa thuthi thwamaberererya ebya thukayilhagha?
Minya nga thunatholere ithwathuha emisolho nomuyangabya iyikakolesibawa nabi.
“Emisolho—Wunatholere Erithuhayo?” (The Watchtower, Okwomwenda 1, 2011)
Ni kyahi ekyahira omwa mulhume oyuthabya mw’okwenene mw’omuhwa w’erihindulha engebe yiwe n’eribya mw’okwenene?
“Munaminya Yehova kwa ni w’Olhukeri Kandi kw’Akaghanyira” (The Watchtower, Okwakathano 1, 2015)