Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • lff erisomo 51
  • Wanga Tsemesya Wuthi Yehova Omwa Mibughire Yawu?

Ebya wamasombolha simuli evidiyo

Bolho-bolho, hamabya obutsibu evidiyo yikanza eriyako.

  • Wanga Tsemesya Wuthi Yehova Omwa Mibughire Yawu?
  • Tsemera Engebe Kera na Kera!—Erigha e Biblia omw’Ikanirania
  • Emithwe Mike-mike
  • Omwatsi Owasosene
  • THASYIGHA BINGYI
  • OMWA BIKUHI
  • MINYA BINGYI
  • ‘Mubughe Ebinywe Bibuya Ebikahimba’
    Ngoku Wanga Sighalha omo Lhwanzo Lhwa Nyamuhanga
  • Mukanaye ‘Ebinywe Bibuya Ebikahimba Abandu’
    ‘Muyibike Omo Lhwanzo Lhwa Nyamuhanga’
  • Wune ky’Erileberyako Ekyuwene Omwa Mibughire?
    Akaleberyo Akakarangirira Obwami Bwa Yehova (Eby’Erigha) (2022)
  • Kolesaya Ndeke Amaaka w’Olhulimi Lhwawu
    Akaleberyo Akakarangirira Obwami Bwa Yehova—2015
Lebaya n'Ebindi
Tsemera Engebe Kera na Kera!—Erigha e Biblia omw’Ikanirania
lff erisomo 51
Erisomo 51. Abakali basathu banemukanirania aho bakanywira ekawa ibanatsemire.

ERISOMO 51

Wanga Tsemesya Wuthi Yehova Omwa Mibughire Yawu?

Ebiprintingirwe
Ebiprintingirwe
Ebiprintingirwe

Yehova abere akathuhangika, mwathuha ekihembo ekyuwenenga​—amaaka w’erikania. Mbwino emibere thukakoleserayamu ekihembo eki yikanamuhambako? Ahathe erithika-thika! (Soma Yakobo 1:26.) Neryo thwanga kolesya thuthi ndeke amaaka wethu w’erikania omwa nzira eyikatsemesaya Yehova?

1. Thwanga kolesya thuthi ekihembo ky’erikania?

E Biblia yikathubwira yithi ‘musibikanaye, n’erihimbana, ngoku mukanakolha.’ (1 Abanya Tesalonika 5:11) Wangana lengekania okwa bandu balebe abakayithagha erihimbwa? Wanga kolhaki erileka bayowe buholho? Bakakasaye ku wubatsomene. Obundi iwangana babwira ebya wukabasimako. Wangana lengekania okw’isako eryanga himba omundu oyo wasi? Hali masako mangyi agho wanga sombolhako. Kandi wibuke ngoku emibere wukabughiramo ekindu yangana himba abandi ba kutsibu. Neryo mughulhu wosi lengaho erikania omwa lhukeri n’omwa bwolho.​—Emisyo 15:1.

2. Ni mikanirye yahi eya thutholere ithwayihighulhako?

E Biblia yithi: ‘Simubughe ebinywe ebithisirire.’ (Soma Abanya Efeso 4:29.) Eki kikamanyisaya kithi sithuli kolesaya ebinywe bithuwene kutse eby’ebitsumi n’eby’akakuthyo erileka owundi iniayowa nabi. Nibya thutholere ithwayihighulha okwa lhuthongo n’amabehi.​—Soma Emisyo 16:28.

3. Ni byahi ebyanga thuwathikya erikania omwa mibere eyikahimba?

Mughulhu mungyi ebyathukabugha bikabisulha ebiri omwa muthima kutse omwa bulengekania bwethu. (Luka 6:45) Neryo thutholere ithwayeghesya erihira amalengekania w’oko myatsi eyuwene​—emyatsi eyithunganene, eyibuyirire, eyanganzwa, n’eyangapipwa. (Abanya Filipi 4:8) Erithoka erihira amalengekania w’oko myatsi eyi, thutholere ithwasombolha ndeke eby’eriyitsemesya n’abanywani. (Emisyo 13:20) N’ekindi ekyanga thuwathikya ly’eritsuka erilengekania thuthe thwabugha. Lengekanaya ebinywe byawu nga bikendi hamba bithi okwa bandi. E Biblia yikabugha yithi: ‘Eribugha buthalengekania liri ng’eritsimitha ly’omuyali; nikwa olhulimi lhw’ab’amenge ni lhamya.’​—Emisyo 12:18.

THASYIGHA BINGYI

Igha erikania omwa mibere eyikatsemesaya Yehova kandi eyikahimba abandi.

4. Kakiraya olhulimi lhwawu

Hakanayira ithwe bosi ithwabugha ekindu n’enyuma waho ithwayikubya bwomo. (Yakobo 3:2) Soma Abanya Galatia 5:22, 23, mwanakania okwa bibulyo bino:

  • Okwa mibere eyi, ni yahi eya wanga saba Yehova eyanga kuwathikya erikakirya olhulimi lhwawu? Emibere eyi yanga kuwathikya yithi?

Soma 1 Abanya Korinto 15:33, mwanakania okwa kibulyo kino:

  • Abanywani bawu n’eby’eriyitsemesyamo byanga hamba bithi okwa mibughire yawu?

Ebisasani: Ebikaleka omulhume iniatsurumira mukali wiwe. 1. Akahulikirira emiziki eyithuwene. 2. N’omuhwa munene iyo na munywani wiwe bakalebaya eby’amalhwa okwa TV. Ebisasani: Ebikaleka omulhume iyan’oyo iniakania na mukali wiwe omwa lhukeri. 1. Akasoma e Biblia. 2. Iyo na mukali wiwe banemukania n’abanywani babu okwa Kisenge ky’Obwami.

Ni byahi ebyanga hamba okwa mibughire yawu?

Soma Omugambuli 3:1, 7, mwanakania okwa kibulyo kino:

  • Ni mughulhu wahi kyangabya ky’amenge eribya bukuthu kutse erilinda obuthuku obutholere obw’eribughiramo?

5. Kanaya ndeke okwa bandi

Thwanga yihighulha thuthi okw’ihithania abandi kutse eribabwira ebithuwene? Mubughaye EVIDIYO, mwanakania okwa bibulyo ebikakwamako.

EVIDIYO: Bugha “Ebinywe Bibuya Ebikawathikaya n’Erihimba” Abandi (4:07)

  • Omo vidiyo, ni kyahi ekyaleka mughalha wethu oyu inianza erihindulha emibere eyo abya akakaniryamo okwa bandi?

  • Mwakolhaki erithoka erikolha esyombinduka?

Soma Omugambuli 7:16, mwanakania okwa kibulyo kino:

  • Thutholere ithw’ibukaki thwamalengwako erikania nabi okwa mundu mulebe?

Soma Omugambuli 7:21, 22, mwanakania okwa kibulyo kino:

  • Emilhondo eyi yanga kuwathikya yithi erithendi hiririkana omundu amakukaniako nabi?

6. Kanganaya olhukeri wukakania n’ab’omw’eka yawu

Yehova anzire ithwakanirania n’ab’omw’eka yethu omwa bwolho-bwolho n’omwa lhwanzo. Mubughaye EVIDIYO, mwanakania okwa kibulyo ekikakwamako.

EVIDIYO: Olhwanzo n’Erisikya Bikaletha Obughuma Omwa Maka (3:08)

  • Ni kyahi ekikendi kuwathikya erikania n’ab’omw’eka yawu omwa lhukeri?

Soma Abanya Efeso 4:31, 32 mwanakania okwa kibulyo kino:

  • Ni mikanirye eyiri yithi eyanga himba ab’omw’eka?

Yehova mwakangania kw’akayowa busana na Mughalha wiwe, Yesu. Soma Matayo 17:5, mwanakania okwa kibulyo kino:

  • Wanga gherererya wuthi Yehova omwa mibere wukakaniranayamu n’ab’eka yenyu?

Mama anemusima kali kiwe akamabirighunza erithera ebisasani.

Sondekanaya ehighisa hy’erisimiramo abandi

ABANDI BAKABUGHA BATHI: “Ekya namalengekania kyangabugha. Si nzomene abandi bamathendyanza ebya ngabugha.”

  • Ekyo kinatholere? Busana naki?

OMWA BIKUHI

Ebinywe biwithe amaaka. Thutholere ithwalengekania ndeke okwa byathukabugha, omughulhu thukabibughiramu, kandi ngoku thwanga bibugha.

Eriyibukya

  • Ni nzira nga syahi esyo wanga koleseryamu amaaka wawu w’erikania eriwathikya abandi?

  • Ni mibughire yahi eya wanzire iwayihighulhako?

  • Ni kyahi ekyanga thuwathikya mughulhu wosi eribya b’olhukeri kandi abakahimba abandi omwa mikanirye yethu?

Ekilhubirirwa

MINYA BINGYI

Ni byahi ebyanga thuwathikya erikolesya ebinywe byuwene?

Kulha-kulhanaya Olhulimi lhw’ab’Amenge (8:04)

Igha ebyanga kuwathikya eriyihighulha okwa mibughire mibi.

“Kwenene Nina Kibi Eribugha Ebinywe by’Ebitsumi?” (Omwatsi okwa muthahulha)

Lebaya ngoku wanga yitheya okw’iwa omwa kithegho ky’olhuthongo.

Nang’imania Indi Olhuthongo? (2:36)

Minya ngoku Yehova awathikaya omulhume erileka emibughire mibi.

“Munatsuka Erilengekania Kutsibu Engebe Yaghe nga Yikalholha Hayi” (The Watchtower, Okwomunani 1, 2013)

    Ebitabu Ebiri Omwa Lhukonzo (1982-2026)
    Hulhuka
    Ingira
    • Lhukonzo
    • Ghaba
    • Ebyawanzire
    • Copyright © 2025 Watch Tower Bible and Tract Society of Pennsylvania
    • Eby'Erighenderako
    • Eribika Embiitha
    • erisetinga eby'embiitha
    • JW.ORG
    • Ingira
    Ghaba