1. Abanywani abawukendi sombolha bakendi kuhambako bathi?

Kikabya nga thwanzire eribya ng’abandu abathukasiba nabu. Eki kyangana thuhambako ndeke kutse nabi​—kandi ekyo ni kwenene mbulha thukasiba nabu busu okwa busu kutse okwa mithahulha y’erikanirania. Ngoku e Biblia yikabugha, ‘wulendere haghuma n’abandu b’amenge nawu wasyabya w’amenge; nikwa omwira w’abakiru [abathanzire Yehova] asyakwa.’ (Emisyo 13:20) Abanywani abanzire Yehova kandi abakamuramaya bangana kuwathikya eribya munywani wiwe n’erithwamu ndeke. Aliwe abanywani abathe omwa kithunga bangana thusegherya haali oku Yehova. Kwesi ky’ekikaleka e Biblia iyathubwira yithi thusombole ndeke abanywani! Abanywani bethu bamabya ini bandu abanzire Nyamuhanga, ithwe bosi thukaghasirawa. Thukathoka ‘erisibikania, n’erihimbana.’​—1 Abanya Tesalonika 5:11.

Yehova abere akathuhangika, mwathuha ekihembo ekyuwenenga​—amaaka w’erikania. Mbwino emibere thukakoleserayamu ekihembo eki yikanamuhambako? Ahathe erithika-thika! (Soma Yakobo 1:26.) Neryo thwanga kolesya thuthi ndeke amaaka wethu w’erikania omwa nzira eyikatsemesaya Yehova?

1. Thwanga kolesya thuthi ekihembo ky’erikania?

E Biblia yikathubwira yithi ‘musibikanaye, n’erihimbana, ngoku mukanakolha.’ (1 Abanya Tesalonika 5:11) Wangana lengekania okwa bandu balebe abakayithagha erihimbwa? Wanga kolhaki erileka bayowe buholho? Bakakasaye ku wubatsomene. Obundi iwangana babwira ebya wukabasimako. Wangana lengekania okw’isako eryanga himba omundu oyo wasi? Hali masako mangyi agho wanga sombolhako. Kandi wibuke ngoku emibere wukabughiramo ekindu yangana himba abandi ba kutsibu. Neryo mughulhu wosi lengaho erikania omwa lhukeri n’omwa bwolho.​—Emisyo 15:1.

2. Ni mikanirye yahi eya thutholere ithwayihighulhako?

E Biblia yithi: ‘Simubughe ebinywe ebithisirire.’ (Soma Abanya Efeso 4:29.) Eki kikamanyisaya kithi sithuli kolesaya ebinywe bithuwene kutse eby’ebitsumi n’eby’akakuthyo erileka owundi iniayowa nabi. Nibya thutholere ithwayihighulha okwa lhuthongo n’amabehi.​—Soma Emisyo 16:28.

3. Ni byahi ebyanga thuwathikya erikania omwa mibere eyikahimba?

Mughulhu mungyi ebyathukabugha bikabisulha ebiri omwa muthima kutse omwa bulengekania bwethu. (Luka 6:45) Neryo thutholere ithwayeghesya erihira amalengekania w’oko myatsi eyuwene​—emyatsi eyithunganene, eyibuyirire, eyanganzwa, n’eyangapipwa. (Abanya Filipi 4:8) Erithoka erihira amalengekania w’oko myatsi eyi, thutholere ithwasombolha ndeke eby’eriyitsemesya n’abanywani. (Emisyo 13:20) N’ekindi ekyanga thuwathikya ly’eritsuka erilengekania thuthe thwabugha. Lengekanaya ebinywe byawu nga bikendi hamba bithi okwa bandi. E Biblia yikabugha yithi: ‘Eribugha buthalengekania liri ng’eritsimitha ly’omuyali; nikwa olhulimi lhw’ab’amenge ni lhamya.’​—Emisyo 12:18.

THASYIGHA BINGYI

4. Kakiraya olhulimi lhwawu

Hakanayira ithwe bosi ithwabugha ekindu n’enyuma waho ithwayikubya bwomo. (Yakobo 3:2) Soma Abanya Galatia 5:22, 23, mwanakania okwa bibulyo bino:

• Okwa mibere eyi, ni yahi eya wanga saba Yehova eyanga kuwathikya erikakirya olhulimi lhwawu? Emibere eyi yanga kuwathikya yithi?

Soma 1 Abanya Korinto 15:33, mwanakania okwa kibulyo kino:

• Abanywani bawu n’eby’eriyitsemesyamo byanga hamba bithi okwa mibughire yawu?

Soma Omugambuli 3:1, 7, mwanakania okwa kibulyo kino:

• Ni mughulhu wahi kyangabya ky’amenge eribya bukuthu kutse erilinda obuthuku obutholere obw’eribughiramo?

5. Kanaya ndeke okwa bandi

EVIDIYO: Bugha “Ebinywe Bibuya Ebikawathikaya n’Erihimba” Abandi (4:07)

• Omo vidiyo, ni kyahi ekyaleka mughalha wethu oyu inianza erihindulha emibere eyo abya akakaniryamo okwa bandi?

• Mwakolhaki erithoka erikolha esyombinduka?

Soma Omugambuli 7:16, mwanakania okwa kibulyo kino:

• Thutholere ithw’ibukaki thwamalengwako erikania nabi okwa mundu mulebe?

Soma Omugambuli 7:21, 22, mwanakania okwa kibulyo kino:

• Emilhondo eyi yanga kuwathikya yithi erithendi hiririkana omundu amakukaniako nabi?

6. Kanganaya olhukeri wukakania n’ab’omw’eka yawu

EVIDIYO: Olhwanzo n’Erisikya Bikaletha Obughuma Omwa Maka (3:08)

• Ni kyahi ekikendi kuwathikya erikania n’ab’omw’eka yawu omwa lhukeri?

Soma Abanya Efeso 4:31, 32 mwanakania okwa kibulyo kino:

• Ni mikanirye eyiri yithi eyanga himba ab’omw’eka?

Yehova mwakangania kw’akayowa busana na Mughalha wiwe, Yesu. Soma Matayo 17:5, mwanakania okwa kibulyo kino:

• Wanga gherererya wuthi Yehova omwa mibere wukakaniranayamu n’ab’eka yenyu?

OMWA BIKUHI

Ebinywe biwithe amaaka. Thutholere ithwalengekania ndeke okwa byathukabugha, omughulhu thukabibughiramu, kandi ngoku thwanga bibugha.

Eriyibukya

• Ni nzira nga syahi esyo wanga koleseryamu amaaka wawu w’erikania eriwathikya abandi?

• Ni mibughire yahi eya wanzire iwayihighulhako?

• Ni kyahi ekyanga thuwathikya mughulhu wosi eribya b’olhukeri kandi abakahimba abandi omwa mikanirye yethu?

MINYA BINGYI

Ni byahi ebyanga thuwathikya erikolesya ebinywe byuwene?

Kulha-kulhanaya Olhulimi lhw’ab’Amenge (8:04)

Igha ebyanga kuwathikya eriyihighulha okwa mibughire mibi.

“Kwenene Nina Kibi Eribugha Ebinywe by’Ebitsumi?” (Omwatsi okwa muthahulha)

Lebaya ngoku wanga yitheya okw’iwa omwa kithegho ky’olhuthongo.

Nang’imania Indi Olhuthongo? (2:36)

Minya ngoku Yehova awathikaya omulhume erileka emibughire mibi.

“Munatsuka Erilengekania Kutsibu Engebe Yaghe nga Yikalholha Hayi” (The Watchtower, Okwomunani 1, 2013)