ERISOMO 12
Ni Byahi Ebikendi Kuwathikya Erilholha Embere Erigha e Biblia?
Erigha e Biblia ni lhughendo olhukaletha emighisa. Aliwe, kyangana ghan’ibya kyolho mughulhu wosi. Hanganayira iwayibulya nga wunemwendi thoka erilholha embere erigha e Biblia. Busana naki kyuwene erihiraho akaghalha erilholha embere? Ni byahi ebyanga kuwathikya erilholha embere nomuhane ebyanga kulemesya?
1. Busana naki erigha e Biblia ni ry’omughaso?
‘Ekinywe kya Nyamuhanga kiriho, kandi kinemukolha omubiiri.’ (Abaebrania 4:12) E Biblia ni y’omughaso kundi yikabisulha amalengekania wa Nyamuhanga n’olhwanzo olhw’akuwithire. Yikakuwathikaya eribana eriminya, amenge w’okwenene n’amaha. Ekikulhu kutsibu, e Biblia yikakuwathikaya eribya munywani wa Yehova. Wukabya wukasoma e Biblia, wukalighira amaaka wayo erikuhambako ndeke omo ngebe yawu.
2. Busana naki ni kikulhu eriminya omughaso w’ekwenene ye Biblia?
Ekwenene eyiri omwa Biblia yiri ng’ebindu by’obughuli bunene. Ky’ekikaleka e Biblia iyathuhira mw’omuhwa ‘w’erighulha ekwenene’ ahathe ‘erighulyayo.’ (Emisyo 23:23) Thwamabya ithunasi omughaso w’ekwenene ye Biblia, ithukendi lengaho kutsibu erilholha embere erigha—nomuhangabya ebyanga thulemesya.—Soma Emisyo 2:4, 5.
3. Yehova angakuwathikya athi erilholha embere erigha?
Yehova, iyo ng’Omuhangiki wawu w’obuthoki bwosi kandi Munywani, anzire erikuwathikya erimwighako. Angana kuha “omuthima w’erianza n’amaaka w’eriyira eky’erikolha.” (Abanya Filipi 2:13, NWT) Neryo, omughulhu wangayowa iwukanza erithasyongera omuhwa w’erigha kutse erighendera okwa bya wuk’igha, angana kuwathikya. Wamayithagha eryongerwa akaghalha ak’erisingura ebikakulemesaya kutse erihakanisibwa, angana kuha akaghalha ako. Mughulhu wosi saba Yehova akuwathikaye erilholha embere erigha e Biblia.—1 Abanya Tesalonika 5:17.
THASYIGHA BINGYI
Minya ngoku wangana lholha embere erigha e Biblia nomuwangabya iwuwithe bingyi by’erikolha kutse ihali erihakanisibwa. Neryo lhangira Yehova ng’akendi kuwathikya athi erilholha embere erigha.
4. Erigha lyawu lye Biblia lihire embere
Hakanayira emisulhusutho iyabya mingyi omo ngebe ithwabya nga sithwangabana n’obuthuku obw’erigha e Biblia. Ni kyahi ekyanga wathikya? E Biblia yikabugha yithi “minya ndeke ebikulhu kutsibu, nuku simubyeko kahinira n’erithendibya mukathwikalya abandi erihika okwa kiro kya Kristo.” (Abanya Filipi 1:10, NWT) Mwanakania okwa bibulyo bino:
Wukalengekanaya ebighuma by’okwa “bikulhu kutsibu” omo ngebe ni byahi?
Erigha lyawu lye Biblia wanga lihira wuthi embere?
Wam’usulya omwa mbaketi mw’omuseghe neryo wukongera kw’amabwe, amabwe isyendi hikamo
Wamatsuka mw’amabwe, wukendibana mw’omwanya w’erihiramu omuseghe. Kuthya, wamahira “ebikulhu kutsibu” by’embere, iwukendi thoka eriberereryabyo nibya kandi iwabana n’endambi y’ebindi bindu
Erigha e Biblia lik’ughuthaya obwagha bwethu bw’obunyakirimu—ekiyithawa ky’eriminya n’eriramya Nyamuhanga. Soma Matayo 5:3, mwanakania okwa kibulyo kino:
Thukaghasirawa thuthi thwamahira erigha lye Biblia ly’embere?
5. Lholha embere nomuhangabya erihakanisibwa
Hanganayira abandi ibalengesya erithughunza amani aw’erigha e Biblia. Thalhangira eky’erileberyako kya Francesco. Mubughaye EVIDIYO, mwanakania okwa bibulyo ebikakwamako.
Omo vidiyo, abanywani n’abahughu ba Francesco mubakolhaki akababwira okwa by’anemwigha?
Mwahembwa athi busana n’erilholha embere?
Soma 2 Timoteo 2:24, 25, mwanakania okwa bibulyo bino:
Abahughu bawu n’abanywani bakayowa bathi okwa bya wunemwigha?
Erikwamana n’emilhondo eyi, wutholere iwasubirya wuthi omundu amathendi tsema akalhangira wuk’igha e Biblia? Busana naki?
6. Yikethere obuwathikya bwa Yehova
Thukabya thukalholha embere eriyithunda hakuhi na Yehova, n’eriyisunza lyethu ery’erianza erimutsemesya ku likanongera lithya. Nomwabine, ikyangana thukalira erikolha esyombinduka omo ngebe erithoka erighendera okwa bihano biwe. Wamasa mw’eriyowa ng’eryo, isiwabikyako. Yehova akendi kuwathikya. Mubughaye EVIDIYO, mwanakania okwa bibulyo ebikakwamako.
Omo vidiyo, ni mbinduka syahi esyo Jim akolha eritsemesya Yehova?
Ni kyahi ekya makutsemesya omwa ky’erileberyako kiwe?
Soma Abaebrania 11:6, mwanakania okwa bibulyo bino:
Ni kyahi ekya Yehova akendi syakolera “abakamusonda-sonda”—ni bugha ambu, abakalengaho kutsibu erimuminya n’erimutsemesya?
Eki kikakweghesayaki okw’iyowa erya Yehova akabya nalyo akalhangira akaghalha aka wukahiraho erigha e Biblia?
OMUNDU ANGANA BULYA ATHI: “Busana naki iwigha e Biblia n’Abema ba Yehova?”
Iwukendi subirya wuthiki?
OMWA BIKUHI
Nomwakine indi sikyolho mughulhu wosi, erigha e Biblia lyangana kuwathikya eritsemera engebe kera na kera. Lholha embere eriyikethera Yehova, kandi akendi kuhemba.
Eriyibukya
Busana naki okw’iwe, ekwenene ye Biblia ni y’obughuli?
Wamabiriminya “ndeke ebikulhu kutsibu,” iwukendi kolhaki?
Busana naki wutholere iwasaba Yehova erikuwathikya erilholha embere erigha e Biblia?
MINYA BINGYI
Lebaya esyonzira ini esyabiriwathikya abangyi erikolesya ndeke obuthuku bwabu.
“Ngoku Wangakolesya Ndeke Obuthuku Bwawu” (Awake!, Okwakabiri 2014)
Lebaya ngoku Yehova awathikaya omukali mughuma oyo mwira wiwe abya isyaliyitheghereraya akaghalha ako akahiraho eritsemesya Nyamuhanga.
Lebaya ngoku omulhume mughuma aghasirawa omw’ihathikana lya mukali wiwe.
Abema ba Yehova bakanahangirirawa ng’abandu abakasambulha amaka. Aliwe ekyo nina kwenene?
“Abema ba Yehova Bakasambulha Amaka Kutse Bakahimbagho?” (Omwatsi okwa muthahulha)