Omusabe w’Eriha Ewasingya

1. Yehova wutholere ’ripipwa,

Thukakulhakira Mwami wethu.

Thwakusaba, kundi wukathwowa,

Thuli mwisi sy’obutheya bwawu.

Thuli bakolha nabi, batseke;

Thukakusaba wuthughanyire.

Muthwaghulhwa musasi wa Kristo.

Thukanza wuthukangiriraye.

2. ’Butseme kw’abawukakokaya

Busana n’eribakangirirya.

Ekinywe kyawu kya thusondolha.

Thwanza ’ribya mu hekalu yawu.

’Kaghalha kawu kakathikaya,

Kakaghumaya baghombe bawu.

Mulhamya, thwapipa ’Bwami bwawu.

Thuthulebo, sibwendi syalemwa.

3. ’Butheya bwawu buthuhe ’tseme;

Eriramya lyawu libye ’hosi.

Obwami bwawu bwabirihika,

’Righunzaho ndwalha n’obulighe.

Yesu asyiha h’obubi bwosi;

’Bihangikwa byasyatsanga kundu.

Habw’etseme y’erisiinga, thwimbe:

“Omwami Yehova, apipawe!”