Thuhimbangane

1. Thune muhirana mw’omuhwa

W’erikolera Yehova,

Olhwanzo lhwethu lhukaghuma;

Eki kyaletha ’buholho.

Olhwanzo olhw’abandu biwe

Lhukaleka ithwaghuma.

Ekithunga ni busayiro,

Mwathwanga bana ’bwiranda.

2. ’Kinywe kwa ndambi yitholere

Ka ni kibuya ’riowibwa!

Thwowa ’binywe by’erikirania

’Rilhua ’kw’abanywani banzwa.

Ka kyuwene ’rikolongana

N’abawithe ’maha ng’ithwe!

Thwanzire erihimbangana,

Thuhekerane ’bulitho.

3. Omw’ikirirya thwalhangira

Ekiro kya Nyamuhanga,

Thutholere ithwahindana

Thwangabya ’thune ’mwa nzira.

’Mwa bughuma n’abandu biwe,

Thwasyakolha biro byosi.

Neryo thuhirane mw’omuhwa

Ow’erithendi leghulha.