Cuami catiimacapia pipaneeta iapiya

BIBLIA ICAITE

“Catiimawatsa naji jimicape Dios iaco, naji inaitacape caiji licaitecapisho.” (Lucas 11:28, El Nuevo Testamento de Nuestro Señor Jesucristo).

CUADA MACHIA WAANJICA

Waoqueetaotsa ajadali waomacacao (Efesios 5:28, 29).

Waowaacaotsa machia (Efesios 5:33).

Curitsa cuca itaita jienita naoyawaacana (Marcos 10:6-9).

PA WATAITA WACADAACA WACAOLEO LINACO LIA BIBLIA

Aja, nini yamada iacoti.

• Dios jinaita piomi waquichiñape. Biblia icaite “piomi naji lipaneeta... naso liipitana” Jeowa Dios (Efesios 3:14, 15). Caishopa licaite Jeowa jinaita piomi waquichiñape. Cuada machia waanjica linaco.

  Piwaopia. Pinjacadanta injaodati joiwidali nite piomanta piaanjica cuandalica liwipe. Caiteri pitata pimio. Pisotsa pitataca liaji jinaitacada injaodati.

  Caitsaca, piomacadaa piaanjica piowaacaro catiima naapiya naji pipaneeta, pitata Dios inai, liaji jinaitacaitawa (Mateo 19:4-6).

• Dios iomawa. Pia nite pipaneeta isotsa iomanica Biblialico Jeowa icaitenda, ima “liwadaacatsa jia” (1 Pedro 5:6, 7). Jeowa lioma liaca machiadali waso. Piomi licaitenda waso machia limotocao (Proverbios 3:5, 6; Isaías 48:17, 18).