Кутшӧм вӧлі Райын олӧмыс?

Адамлы да Евалы Иегова сетіс уна буртор. Олӧм 1:28

Иегова вӧчис медводдза нывбабаӧс, Еваӧс, да сетіс сійӧс Адамлы гӧтыр пыдди (Олӧм 2:21, 22).

Иегова вӧчис йӧзсӧ тырвыйӧ вежӧраӧн да вир-яяӧн, некутшӧм тырмытӧмтор налӧн эз вӧв.

Налӧн оланінӧн вӧлі Едэм сад — зэв мича места. Тайӧ вӧлі збыльысь Рай. Сэні визувтіс ю, быдмисны фруктыа пуяс да олісны быдсяма пемӧсъяс.

Иегова сёрнитіс накӧд да велӧдіс найӧс. Найӧ кӧ кывзысисны сійӧс, олісны эськӧ Райын нэмъяс чӧж.

Енмыс эз тшӧкты сёйны вотӧссӧ ӧти пуысь.Олӧм 2:16, 17

Иегова петкӧдліс Адамлы да Евалы садйысь ӧти фруктыа пу да шуис, мый, найӧ кӧ кутасны сёйны сэтысь вотӧссӧ, найӧ куласны.

Ангелъяс пиысь ӧти сувтіс Енлы паныд. Тайӧ лёк ангелнас вӧлі Сатана Дявӧл.

Сатана эз кӧсйы, медым Адам да Ева кывзысисны Иеговаӧс. Сы вӧсна змей пыр сійӧ шуис Евалы, мый, сёяс кӧ вотӧссӧ тайӧ пусьыс, сійӧ оз кув, а лоас Ен кодьӧн. Дерт, тайӧ вӧлі пӧръясьӧм (Олӧм 3:1—5).