Кодӧн вӧлі Исус?

Иегова ыстіс му вылӧ Исусӧс. Иоанлӧн 1-ӧд гижӧд 4:9

Ми кӧ кӧсъям угодитны Иеговалы, миянлы колӧ кывзысьны сылысь Писӧ. Ёна важӧн Адамӧс вӧчтӧдз Иегова вӧчис сійӧс енэжын кыдз вына лолӧс.

Мыйтакӧ кад бӧрын Иегова ыстіс ассьыс Писӧ му вылӧ, медым сійӧ чужис Вифлеемын Мария нывсянь. Кагаыслы сетісны Исус ним (Иоансянь 6:38).

Кор вӧлі мортӧн му вылын, Исус тыр-бура петкӧдліс Енсӧ. Сійӧ вӧлі бурӧн, радейтысьӧн да сибыдӧн. Сійӧ повтӧг висьталіс мукӧдыслы Иегова йылысь збыльсӧ.

Кӧть Исус вӧчис буртор, сійӧс кедзовтісны. Петырлӧн 1-ӧд гижӧд 2:21—24

Енлы эскысь юрнуӧдысьяс мустӧмтісны Исусӧс сы понда, мый сійӧ петкӧдліс налысь ылӧдчӧмсӧ да лёк вӧчӧмсӧ.

Исус бурдӧдіс висьысьясӧс да ловзьӧдіс кулӧмаясӧс.

Енлы эскысь юрнуӧдысьяс вӧчисны ставсӧ, медым римса нӧйтісны Исусӧс да виисны.