Ставмирса потоп: коді кывзысис, а коді эз?

Ной кадӧ вӧчисны лёксӧ унджык йӧзыс. Олӧм 6:5

Адамлӧн да Евалӧн чужисны челядь да му вылын лоис уна йӧз. Некымын кад бӧрын ӧткымын ангел ӧтувтчисны Сатанакӧд.

Найӧ лэччисны му вылӧ да лоисны вир-яя мортӧн, медым гӧтрасьны нывбабаяс вылӧ. Нывбабаяс чужтісны зэв гырысь йӧзӧс, кодъяс вӧліны вывті ёнӧсь да лёкӧсь.

Муыс тырис лёк йӧзӧн. Библияын висьтавсьӧ: «...ыджыд лёк оласног му вылын йӧзыслӧн, и мый став мӧвпалан сямныс найӧ сьӧлӧмын вӧлі быд кадӧ».

Ной кывзысис Енмыслысь да стрӧитіс ковчег. Олӧм 6:13, 14, 18, 19, 22

Ной вӧлі бур мортӧн. Иегова шуис Нойлы, мый кӧсйӧ бырӧдны лёк йӧзсӧ пӧдтана ваӧн.

Енмыс сідзжӧ тшӧктіс Нойлы стрӧитны зэв ыджыд корабль, либӧ ковчег, да пыртны сэтчӧ ассьыс семьясӧ да быд пӧлӧс пемӧссӧ.

Ной водзвыв висьталіс йӧзыслы матыстчысь Потоп йылысь, но найӧ эз кывзыны сійӧс. Ӧтияс сералісны Ной вылын, а мӧдъяс кедзовтісны сійӧс.

Кор ковчегсӧ вӧлі вӧчӧма, Ной пыртіс сэтчӧ пемӧсъясӧс.