Кор лоӧ Райыс?

Ставыс тайӧ, мый вӧчсьӧ му вылын, висьталӧ, мый Енлӧн Царствоыс регыд кутас веськӧдлыны. Лукасянь 21:10, 11; Тимофейлы 2-ӧд гижӧд 3:1—5

Библияын вӧлі водзвыв унатор йылысь гижӧма, мый кутас вӧчсьыны талун. Сэні висьтавсьӧ, мый йӧзыс кутасны радейтны деньга да лышкыда олӧм, оз кутны кывзысьны бать-мамлысь да лоӧны скӧрӧсь.

Лоӧны ыджыд му вӧрӧмъяс, войнаяс, тшыгъялӧмъяс да кулан висьӧмъяс. Тайӧ ставыс эм миян кадӧ.

Исус сідзжӧ водзвыв висьталіс, мый Царство йылысь бур юӧрсӧ лоӧ висьталӧма став му пасьтала (Матвейсянь 24:14).

Царство бырӧдас став лёксӧ. Петырлӧн 2-ӧд гижӧд 3:13

Иегова регыд бырӧдас став лёкалысьсӧ.

Сатанаӧс да пеж ловъясӧс лоӧ бырӧдӧма.

Найӧ, кодъяс кывзысьӧны Енмӧс, колясны овны праведнӧй выль мирын. Сэні оз ло полӧм да йӧзыс кутасны эскыны ӧта-мӧдыслы да радейтны.