Мый колӧ, медым семья вӧлі шуда?

МЫЙ ВИСЬТАЛӦ БИБЛИЯ

«Шудаӧсь Енлысь Кывсӧ кылысьяс да Ен Кыв серти олысьяс!» (Лукасянь 11:28, Выль Кӧсйысьӧм коми кыв вылын).

МЫЙ ТАЙӦ ВЕРМАС СЕТНЫ ТІЯНЛЫ

Збыльысь радейтӧм (Ефесӧ 5:28, 29).

Сьӧлӧмсянь пыдди пуктӧм (Ефесӧ 5:33, Выль Кӧсйысьӧм коми кыв вылын).

Овны повтӧг (Марксянь 10:6—9).

ПОЗЬӦ-Ӧ ЭСКЫНЫ СЫЛЫ, МЫЙ ВИСЬТАЛӦ БИБЛИЯ?

Позьӧ, и та вылӧ эм кык помка:

• Ен — семья Лӧсьӧдысь. Библия висьталӧ, мый медводдза семьясӧ вӧчис Иегова Ен (Олӧм 2:18—24). Мӧд кывъясӧн кӧ, семья лоис сы вӧсна, мый ачыс Ен кӧсйис вӧчны тадзи. Мыйла та йылысь колӧ тӧдны?

  Мӧвпыштӧй: тіянлы кӧ кажитчис кутшӧмкӧ сёян, кодлысь ті юаланныд, кыдзи сійӧс вӧчны? Дерт жӧ, сылысь, коді сійӧс лӧсьӧдіс.

  Сідз жӧ, окота кӧ тӧдмавны, кыдзи артмӧ шуда семья, колӧ шыӧдчыны сійӧс вӧчысь — Иегова дорӧ.

• • Енмыс тӧждысьӧ тіян вӧсна. Мыйла колӧ корсьны сӧветсӧ Ен Кывйысь? «Сы вӧсна мый, — кыдзи гижӧма Библияын, — Сійӧ тӧждысьӧ тіян вӧсна» (Петырлӧн 1 гижӧд 5:6, 7). Иегова кӧсйӧ сетны миянлы медся бурсӧ. Сылӧн сӧветъясыс отсалӧны (Соломонлӧн нӧдкывъяс 3:5, 6; Исаия 48:17, 18).