36 Kabiji ukalenge kipembe* kya kubika mu kibelo kya tente na tonge wafituluka ne wachijisha, ne na boya bwachiluluka ne na kisapi kya linenyi wa kuzhinga kyawamisha, byo bapikwila pamo.+ 37 Ukalenge mashiki atanu a ku kipembe* na kichi kya mwiba wa kaseele ne kwiashinga ngolode. Nkobelo yao yafwainwa kwikala ya ngolode, kabiji ukalenge bitako bya mukuba bitanu bya kwiasokekamo.