23 Kepo ebambijile’mba: “Yehoba byo byo aambile. Kesha kukekala kukokoloka,* ke juba ja sabado jazhila kwi Yehoba.+ Oshai kajo ko mwakonsha kosha ne kuteeka ko mwakonsha kuteeka;+ kepo mushepo ko mwakonsha kusha ne kwikalama kufika lukelo.”

13 “Ubuule bena Isalela amba, ‘Mwafwainwa kulama masabado ami,+ mambo kyo kiyukilo kiji pakachi kami ne anweba kufika ne ku bisemi byenu bikeya kulutwe kuba’mba mukayuke’mba amiwa Yehoba, yami mbena kwimuzhijika. 14 Mwafwainwa kulama Sabado, mambo ke juba jazhila kwi anweba.+ Muntu yense ukejizhilulula, bafwainwa kumwipaya. Umvwe muntu akengile mwingilo pa jino juba, awo muntu* bafwainwa kumuchibako* ku balongo banji.+

12 “‘Mukalamenga juba ja Sabado ne kwijizhijika, byonkatu Yehoba Lesa wenu byo emukambizhe.+ 13 Mukengilenga mingilo yenu yonse mu moba atanu na jimo,+ 14 bino juba ja butanu na bubiji jo ja sabado kwi Yehoba Lesa wenu.+ Kechi mwafwainwa kwingila mwingilo nangwa umo,+ anweba, mwanenu wa mulume nangwa mwanenu wa mukazhi, muzha wenu wa mulume nangwa wa mukazhi, ñombe wenu, mbongolo wenu, nangwa nyama wenu wa kulela, nangwa muntu wafuma ku kyalo kingi wikala mu mizhi yenu ne,+ pa kuba’mba muzha wenu wa mulume nangwa wa mukazhi akakokoloke byonkatu byo mukakokoloka.+