14 Kepo alengele kisapi kya ku tente na boya bwa bambuzhi kya kuvweta pa tente wa lusambakeno. Kabiji walengele bisapi 11 bya ku tente.+ 15 Kisapi kyonse kya ku tente mu bula kyajinga makyubichi 30 ne mu bwipi makyubichi ana. Bisapi byonse 11 bya ku tente byajinga kipimotu kimo. 16 Kepo anungakenye pamo bisapi bitanu bya ku tente kabiji wanungakenye pamo bisapi bikwabo bitanu na kimo. 17 Kabiji walengele tumeso 50 ku tente kwapela po kyanungakena, kabiji walengele tumeso 50 kunsa ya kisapi kikwabo kya ku tente po kyanungakena. 18 Kabiji walengele tukobelo twa mukuba 50 twa kunungakenya tente kwikala ke umo.