15 Kabiji malaika wa Yehoba kufuma mwiulu waichile Abalahama ja bubiji 16 ne kumwambila’mba: “Yehoba waamba’mba,+ ‘Amiwa nachipa namba, na mambo a kuba wauba kino kintu kabiji kechi wakana kumpa mwanobe yenka umotu ne,+ 17 kine nkakupesha kabiji kine nkalengela mwanobe* kuvula nobe tubangabanga twa mwiulu kabiji nobe busenga bwa ku kitulu kya kalunga ka mema,+ ne mwanobe* ukangata muzhi wa balwanyi banji.+

10 Lesa wamwambijile’mba: “Jizhina jobe wi Yakoba.+ Pano kechi ukatelwanga’mba Yakoba ne, bino ukatelwanga’mba Isalela.” Kabiji watatwile kumutela’mba Isalela.+ 11 Kabiji Lesa wamwambijile jibiji amba: “Amiwa yami Lesa wa Bulume Bonse.+ Obewa usemunune ne kuvula. Bisaka ne mabumba a bantu bikafuma mwi obewa,+ ne bamfumu bakafuma mwi obewa.*+

13 Lesa byo alayile Abalahama, kechi kwajingapo muntu mukwabo wamukila wa kuchipilamo ne, wichipijile mwine,+ 14 amba: “Kine nkakupesha kabiji kine nkakuvuzha.”+