4 Mambo bakongola baana benu kufuma kwi Lesa ne kuya na kwingijila balesa bangi;+ kabiji Yehoba ukemuzhingijila ne kwimuvizha bukiji.+

16 Yehoba waambijile Mosesa amba: “Umvwa! Katatakatu ufwe,* kabiji bano bantu bakatendeka kupopwela* balesa bangi bakebazhokoloka mu kyalo kyo babena kuyamo.+ Bakankana+ ne kulala lulayañano lwami lo nalayañene nabo.+

17 Bino nangwatu bamitonyi, kechi bebomvwinanga ne, kabiji baubilenga bupite na balesa bangi ne kwibafukamina. Bafuminemo bukiji mu jishinda jaendelengamo bashakulu babo, bakookelanga mikambizho ya Yehoba.+ Abo bakankelwe kuba bino.

33 Gidiona byo afwiletu, bena Isalela batendekele kupopwela* jikwabo Baela,+ kabiji batongwele Baela-belita kwikala lesa wabo.+

2 Bafumine mu bisaka bya bantu Yehoba byo aambijile bena Isalela amba: “Kechi mukapwanañanenga nabo* ne, ne abo kechi bakapwanañanenga ne anweba ne, mambo kine bakongola michima yenu kuba’mba mukalondelenga balesa babo.”+ Bino Solomone wibatemenwe ne kwibakakachila.

26 Nanchi bano kechi bo balengejile Solomone Mfumu wa Isalela kulenga mambo nenyi? Mu bisaka bya bantu byavula kechi mwajinga mfumu wajinga nobe aye ne;+ kabiji bamutemenwe kwi Lesa wanji,+ kya kuba Lesa wamutongwele kwikala mfumu wa bena Isalela bonse. Bino banabakazhi ba mu byalo bingi bamulengejile kulenga mambo.+