17 Mukebonaunetu bonse pelu, bena Hiti, bena Amoli, bena Kenana, bena Pelizi, bena Hivi ne bena Yebusi+ byonkatu Yehoba Lesa wenu byo emukambizhe; 18 pa kuba’mba bakabule kwimufunjisha kulondela byubilo byabo bya bunya, byo bobila balesa babo ne kwimulengela kumulenga mambo Yehoba Lesa wenu.+

2 Ahaza wajinga na myaka ya kusemwa 20 kimye kyo aikele mfumu, kabiji walamine mu Yelusalema myaka 16. Kechi waubilenga byaoloka ku meso a Yehoba Lesa wanji byonka byaubanga Davida mushakulu wanji ne.+ 3 Pakuba aye waendelenga mu jishinda ja bamfumu ba mu Isalela,+ kabiji wasokele ne mwananji mu mujilo,*+ ne kulondela byubilo bya bunya bya bisaka bya bantu+ Yehoba byo apangile ku meso a bena Isalela.

21 Manase+ wajinga na myaka ya kusemwa 12 kimye kyo aikele mfumu, kabiji walamine mu Yelusalema myaka 55.+ Jizhina ja inanji wajinga Hefiziba. 2 Waubilenga byatama kwi Yehoba, ne kulondela byubilo bya bunya bya bisaka bya bantu+ Yehoba byo apangilemo ku bena Isalela.+