15 “Alona ne baana banji bafwainwa kupwisha kuvweta mpunzha yazhila ne bipe byonse bya mu mpunzha yazhila+ pa kwimana lwendo. Kepo baana ba kwa Kohati bakeya na kwibisenda,+ bino kechi bafwainwa kukwata pa bintu byazhila ne, mambo inge ne, bakafwa.+ Ino yo mingilo* ya baana ba kwa Kohati ya ku tente wa lusambakeno.

24 Uno ye mwingilo ye bapa bisemi bya bena Geleshona ne bintu byo bakasendanga:+ 25 Bakasendenga bisapi bya ku tente wa lusambakeno,+ tente wa lusambakeno, kya kuvwetapo ne kya kuvwetapo kya mwayi wa nyama mukatampe wa mu kalunga ka mema kiji peulu,+ kipembe* kya mu kibelo kya tente wa lusambakeno,+ 26 bisapi byazenzumuka bya ku kipango,+ kipembe* kya mu kibelo kya kipango+ kyazhokoloka tente wa lusambakeno ne kya kusokelapo bitapisho, mizhinge ya ku tente ne bipe byonse byo bengijisha mu mwingilo wa ku tente. Uno ye mwingilo wabo.

31 Bintu byo bakasendanga+ pa kwingila mwingilo wabo ku tente wa lusambakeno ke bino: mafulemu+ a ku tente wa lusambakeno, myamba+, mashiki,+ bitako bya kusokekamo;+ 32 mashiki+ azhokoloka lubanza, bitako bya kwiasokekamo,+ mpopo,+ mizhinge pamo na bintu ne bintu byonse bya kwingijisha mu uno mwingilo. Ukebitongole mazhina bintu byo ukebapa kusenda. 33 Abino byo bikengilanga bisemi bya bena Melali+ ku tente wa lusambakeno, kabiji Itamala mwana wa kwa Alona ñanga ye ukebatangijilanga.”+