14 Bakazhi benu, baana benu, ne bilelwa byenu bikekala mu kyalo kyo emupele Mosesa kuno ku bushiya* bwa Yodano,+ pakuba anweba babilobo bonse ba nkondo+ mwafwainwa kwabuka saka mwitanchika ne kutangilako kulutwe ya balongo benu.+ Mwafwainwa kwibakwasha 15 kufikatu ne Yehoba byo akapana mutende ku balongo benu byonkatu byo emupa anweba, kabiji bakatambule kyalo kyo abena kwibapa Yehoba Lesa wenu. Kepo mukabwela mu kyalo kyo bemupele kwikalamo ne kwikitambula, kyalo Mosesa kalume wa Yehoba kyo emupele ku musela wa Yodano.’”+

4 Pano Yehoba Lesa wenu walengela balongo benu kukokoloka byonkatu byo ebalayile.+ Pano mwakonsha kubwela ku matente enu aji mu kyalo kyo emupele Mosesa kalume wa Yehoba kwikala kyenu ku bushiya* bwa Yodano.+

8 ne kwibambila’mba: “Bwelai ku matente enu na bunonshi bwavula, na bilelwa byenu byavula, siliva ne ngolode, mukuba ne kyela kya kapotwe ne na bivwalo byavula.+ Sendai bipukulwa byo mwaangata+ balwanyi benu, kabiji mukebyabane na balongo benu.”