8 Mu kibunji kya Yodano ku musela wa Yeliko, basajile Bezela+ uji mu kiselebwa kiji ku mutunta* mu mukoka wa bena Lubenyi, ne Lamota+ wa mu Gileada wa mu mukoka wa bena Gadi, ne Golanyi+ mu Bashana wa mu mukoka wa bena Manase.+

9 Ino yo yajinga mizhi yo basajijile bena Isalela bonse ne bantu bafumine ku byalo bingi bo baikalanga nabo, kuba’mba muntu yense waipaya mukwabo* kya mapuso akanyemenemo,+ pa kuba’mba bakabule kumwipaya ku ushinkanya na mambo a mashi saka bakyangye kumuchibila mambo ku kije.+