4 Nangwa byonkabyo, kafwako nangwa umo mwi anweba wafwainwa kwikala muyanji ne, mambo kine Yehoba ukemupesha+ mu kyalo kyo abena kwimupa Yehoba Lesa wenu kwikala ke kyenu kya buswanyi,

7 “Umvwe mulongo wenu waikala muyanji mu muzhi umo wa mu kyalo kyo abena kwimupa Yehoba Lesa wenu, kechi mukakoseshe michima yenu ne kutana mulongo wenu muyanji ne.+

10 Mwafwainwa kumupapo+ kabiji anweba* kechi mwafwainwa kumupa kya kwimukanjikizha ne, mambo Yehoba Lesa wenu ukapesha mingilo yenu yonse yo mukengilanga.+

34 Kabiji umvwe mukongweshatu* boba bo muketekela kutambulako bintu, ñanyi bintu byo mukamwenamo?+ Mambo ne bandengamambo nabo bakongwesha bakwabo bandengamambo kuba’mba bamwenemo bintu byavula. 35 Pakuba anweba temwainga balwanyi benu, ne kuba byawama ne kukongwesha kwa kubula kuketekela kwimubwezhezha kintu;+ ne mfweto yenu ikabaya bingi kabiji mukekala baana ba Mwine Wakila, mambo aye ye wa lusa ku babula kusanta ne babi.+