• 1 Samwela 18:6-8
    Baibolo wa Binembelo bya Ntanda Ipya

    • 6 Davida ne bantu bakwabo byo bafumine na kwipaya bena Filishitiya, banabakazhi baishile na kutundaila Mfumu Saulo kufuma mu mizhi yonse ya bena Isalela saka bemba+ ne kuzha ne kusangalala, saka bajizha minsakayi+ ne masense. 7 Banabakazhi basekejilenga ne kwimba’mba:

      “Saulo waipaya biumbi bya balwanyi banji,

      Ne Davida waipaya balwanyi banji makumi a biumbi.”+

      8 Saulo wazhingijile bingi,+ ne uno lwimbo wamufichishe ku muchima, mambo waambile’mba: “Davida bamutakaika na makumi a biumbi, pakuba amiwa bantakaikatu na biumbi. Kwashalatu kumupa bufumu!”+

  • 1 Samwela 29:4, 5
    Baibolo wa Binembelo bya Ntanda Ipya

    • 4 Bino babinemanga ba bena Filishitiya bamuzhingijile, kabiji bamwambijile’mba: “Mwambilai abwelemo.+ Abwele ku mpunzha ko mwamupele. Kange mumuleke aye ne atweba ku nkondo ne, kuchina’mba waketwalukilamo pa kulwa nkondo.+ Mambo ñanyi kintu kyo akonsha kuba pa kuba’mba bamutemwe kwi nkambo yanji, kyakila pa kwipaya bantu betu? 5 Nanchi uno kechi ye Davida ye baimbilengapo kimye kyo bazhilenga’mba:

      ‘Saulo waipaya biumbi bya balwanyi banji,

      Ne Davida waipaya balwanyi banji makumi a biumbi’ nenyi?”+